ខេត្តក្រចេះ៖ មន្ត្រីរាជការនៃមន្ទីរបរិស្ថានខេត្តមណ្ឌលគិរី មិនពេញចិត្តនិងការដឹកនាំរបស់លោក ហាស់ វិបុល ដោយបាននាំគ្នាធ្វើលិខិត និងផ្តិតម្រាមដៃ ផ្ញើសុំអន្តរាគមន៏ ជូន ឯកឧត្តម បណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន
ដើម្បីមានកិច្ចអន្តរាគមន៏លើកការគ្រប់គ្រងដឹកនាំរបស់លោក ហាស់ វិបុល ជាប្រធានមន្ទីរបរិស្ថានខេត្តមណ្ឌលគិរី ដែលទើបតែងតាំងថ្មីៗ កាលពីថ្ងៃទី២០ ខែមករា ឆ្នាំ២០២៥ តាមអនុក្រឹត្យ លេខ ៦២/ អនក្រ.តត។
សូមអានលម្អិតនូវពាក្យសុំដូចខាងក្រោម៖
ដោយក្នុងខ្លឹមសារនៃលិខិតត្រង់ ចំនុះ (៤) ការអនុវត្តច្បាប់មិនស្របតាមក្រមបរិស្ថាន ជាក់ស្តែងមានការដោះលែងជនសង្ស័យចំនួន២នាក់ និងរថយន្តសាំងយ៉ុងចំនួន១គ្រឿង ពាក់ព័ន្ធនិងការដឹកជញ្ជូនសត្វព្រៃ (សត្វពង្រូល)។
ដោយឡែកប្រភពពីមន្ត្រីមន្ទីរបរិស្ថានខេត្តមណ្ឌលគីរីបានឲ្យដឹងថាលោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរី កាលឆ្នាំ ២០២០ ធ្លាប់ជាអនុប្រធានមន្ទីរបរិស្ថានខេត្តក្រចេះ ទទួលបន្ទុកជានាយដែនជម្រកសត្វព្រៃ ព្រៃឡង់ តែបទល្មើសបំផ្លាញព្រៃឈើ នៅព្រៃឡង់កើតជាហូរហែររហូតដល់ អភិបាលខេត្តស្នេីសុំដកតំណែងមកជាមន្រ្ដី៕
ដោយ៖ សត្យា
