ខេត្តកំពង់ឆ្នាំង៖ តាមប្រភពព័ត៌មានពីប្រជានេសាទនៅតាមដងទន្លេសាប ពិសេសនៅចំនុះឃុំពាមឆ្កោក និងភូមិដូនវៀត បានឱ្យដឹងថាក្នុងរយៈពេលមុនចូលឆ្នាំនេះបទល្មើសហ៊ុំសម្រាស់កំពុងតែមានការកើតឡើងយ៉ាងកំហក់។
ប្រភពដដែលបានឱ្យដឹងថា មានទាហានម្នាក់ឈ្មោះ រិន សំរិទ្ធ និងក្រុមការងារបានបើអូរប័រ ទៅប្រាប់ក្រុមបទល្មើសឱ្យហ៊ុំឱ្យរួចក្នុងរយៈពេលមុនចូលឆ្នាំ និងបានបន្តប្រាប់បើមានអ្នកកាសែតណាមកសួរកុំប្រាប់ថាខ្លួនជាអ្នកប្រាប់ឱ្យសោះ ហើយក៏នាំគ្នាបើកអូរប័រចាកចេញពីកន្លែងបទល្មើសហុំសម្រាស់នោះតែម្តង។
កន្លងថ្មីនេះលោក ស៊ុន សុវណ្ណារិទ្ធ អភិបាលខេត្តកំពង់ឆ្នាំងបានប្រកាសនិងហាមដាច់ខាត់ដល់មន្ត្រីណាដែលជាប់ពាក់ព័ន្ធជាមួយបទល្មើសនេសាទខាងលើនោះ។
ដោយឡែកលោកនាយឧត្តមសេនីយ ម៉ៅ សុផាន់ មេបញ្ជាការកងទ័ពជើងគោក ថ្លែងក្នុងការប្រគល់ទទួលសម្ភារៈជាមួយរដ្ឋបាលខេត្តកំពង់ឆ្នាំងក៏បានដាក់បទបញ្ជាយ៉ាងច្បាស់លាស់ឱ្យកងកម្លាំងដែលកំពុងឈរជើងក្នុងតំបន់ខេត្តកំពង់ឆ្នាំងត្រូវបង្ក្រាបឱ្យខាងតែបាន។
ពាក់ព័ន្ធនិងករណីការចោទប្រកាន់លើលោក រិន សំរិទ្ធ ខាងលើនេះអង្គភាពយើងមិនទាន់អាចសុំការពន្យល់បកស្រាយពីសាមីខ្លួននោះឡើយ។ ទោះយ៉ាងណាអង្គភាពយើងនិងរងចាំការបំភ្លឺរៀងរាល់ម៉ោងធ្វើការ៕
ដោយ៖ សត្យា
