ខេត្តសៀមរាប៖ ដើម្បីចូលរួមចំណែកក្នុងការលើកស្ទួយផ្នែកវិស័យអប់រំ និងដើម្បីលើកទឹកចិត្តដល់សិស្សានុសិស្សឱ្យខិតខំប្រឹងប្រែងសិក្សារៀនសូត្របានពូកែថែមទៀតនោះ នៅព្រឹកថ្ងៃទី២៩ ខែ មីនា ឆ្នាំ២០២៥ នេះព្រះសាសនសត្ថា តង់ តន ព្រះបាឡាត់គណខេត្តសៀមរាប និងជាព្រះគ្រូចៅអធិការវត្តព្រះព្រហ្មរ័ត្ន ក្នុងក្រុងសៀមរាប បាននិមន្តនាំយកសម្ភារៈនូវសិក្សា និងកញ្ចប់អាហាររួមជាមួយថវិកាមួយចំនួនផងដែរ មកចែកជូនដល់សិស្សានុសិស្សសាលាបឋមសិក្សាបន្ទាយ ឈើ-ជ្រៃ និងសិស្សានុសិស្សនៃសាលាផ្សេងទៀតនៅ ក្នុងសង្កាត់ទឹកវិល ក្រុងសៀមរាប ប្រមាណជាង៥០០នាក់ព្រមទាំងចែកជូននូវកញ្ចប់ទ័យវត្ថុ និងបច្ច័យជូនដល់លោកតា លោកយាយ និងជនជរាក្រីក្រប្រមាណជាង៣០០នាក់នៅក្នុងសង្កាត់ទឹកវិលផងដែរ។
ព្រះសនសត្ថា តង់ តន ព្រះបាឡាត់គណខេត្ត និងជាព្រះគ្រូចៅអធិការវត្តព្រះព្រហ្មរ័ត្ន បានមានថេរដីកាថាព្រះពុទ្ធសាសនា គឺជាផ្នែកមួយដ៏សំខាន់ក្នុងការចូលរួមយ៉ាងសកម្មក្នុងវិស័យអប់រំ។ ការចែករំលែកជាសម្ភារសិក្សាក៏ដូចជាការចែក រំលែកទាននានាមិនសំដៅទៅលើភូមិ ឃុំស្រុករបស់ខ្លួននោះទេឱ្យតែនៅតំបន់ណាមានការខ្វះខាតគឺត្រូវតែចូលរួមចែក រំលែកទាំងអស់។ ក្នុងនោះដែរ ព្រះសនសត្ថា តង់ តន បានមានថេរដីកាជំរុញដល់សិស្សានុសិស្សទាំងអស់ឱ្យខិតខំប្រឹងប្រែងរៀនសូត្រដើម្បីអនាគតរបស់ប្រទេសជាតិព្រោះថាប្អូនជាសិស្សា នុសិស្សគឺជាសសរទ្រូងនៃប្រទេសជាតិហើយ ប្រទេសជាតិត្រូវប្អូនៗសិស្សានុសិស្សដែលជាទំពាំងស្នងឬស្សីជំនាន់ក្រោយនេះហើយដែលជាអ្នកកសាង និងអភិវឌ្ឍប្រទេសជាតិបន្តវេន ព្រោះថាការសិក្សារៀនសូត្រ ដែលអាចជួយចៅៗទាំងអស់បានចូលរួមកែប្រែ និងអភិវឌ្ឍន៍ខ្លួនឯងឱ្យមានការរីក ចម្រើនជាបន្តបន្ទាប់ បានជួយខ្លួនឯង គ្រួសារ និងសង្គមជាតិ ។ព្រះគ្រូចៅអធិការវត្តព្រះព្រហ្មរ័ត្ន បានបន្តថា ថ្ងៃនេះដើម្បីចូលរួមចំណែកក្នុងការលើកស្ទួយផ្នែកវិស័យអប់រំ និងដើម្បីលើកទឹកចិត្តដល់សិស្សានុសិស្សឱ្យរៀនបានពូកែថែមទៀតនោះ ព្រះអង្គក៏បាននាំយកអំណោយជាសម្ភារៈសិក្សា និងគ្រឿងបរិភោគព្រមទាំងថវិកាមកចែកជូនដល់កូនៗសិស្សានុ សិស្ស និងលោកគ្រូ អ្នកគ្រូ បន្ថែមពីនេះទៀតព្រះតេជគុណ ក៏បានជូននូវកញ្ចប់ទ័យវត្ថុ និងបច្ច័យជូនដល់លោកតា លោក យាយ និងជនជរាក្រីក្រប្រមាណជាង៣០០នាក់ នៅក្នុងឱកាសដែលព្រះអង្គធ្វើបុណ្យចម្រើនព្រះជន្មរបស់ព្រះអង្គផ្ទាល់ផងដែរ។
ព្រះសនសត្ថា តង់ តន បានមានសង្ឃដីកាថាជារៀងរាល់ឆ្នាំព្រះតេជគុណនឹងនាំសម្ភារៈសិក្សាមកចែក ជូនដល់សិស្សានុ សិស្សក្នុងសាលាបឋមសិក្សាបន្ទាយឈើ នៅក្នុងថ្ងៃបើកបវេសនកាលឆ្នាំថ្មី និងជូនរង្វាន់បន្ថែមទៀតដល់សិស្សពូកែ ហើយព្រះអង្គ ក៏បានជំរុញនឹងលើកទឹកចិត្តដល់ក្មួយៗ ដល់សិស្សានុសិស្សទាំងអស់ឲ្យខិតខំប្រឹងប្រែងរៀនសូត្រ ឲ្យបានខ្លាំងក្លាថែមទៀត ព្រោះថាចំណេះវិជ្ជា ជាស្ពានមួយដ៏សំខាន់សម្រាប់ក្មួយៗ ឆ្លងឲ្យផុតពីគ្រោះអវិជ្ជា និងធ្វើឲ្យក្មួយៗ ក្លាយទៅជាធនធានមនុស្ស ដ៏មានតម្លៃ របស់ប្រទេសជាតិ។ ក្មួយៗទាំងនេះហើយ ដែលជាសសរស្តម្ភដ៏រឹង មាំក្នុងកិច្ចកសាងអភិវឌ្ឍន៍ប្រទេសជាតិបន្តវេន។
ព្រះបាឡាត់គណខេត្តបានមានថេរដីកាបញ្ជាក់បន្ថែមទៀតថាចំពោះព្រះគ្រូ មានសង្ឃដីកាបញ្ជាក់ថា ចំពោះសម្ភារៈសិក្សា និងកញ្ចប់អាហាររួមជាមួយថវិកានាំមកចែកជូនដល់ចៅៗសិស្សានុសិស្ស លោកតា លោកយាយ និងជនជរាក្រីក្រ និង លោកគ្រូ អ្នកគ្រូ ប្រជាការពារភូមិ នាពេលនេះ គឺបានមកពីការចូលរួមបរិច្ចាគពីសំណាក់សប្បុរសជន ពុទ្ធបរិស័ទ ចំណុះជើងវត្ត ដែលអំណោយទាំងនេះ គឺពិតជាបានរួមចំណែកដល់ការបំពេញតម្រូវការខ្វះខាតរបស់ប្អូនៗឲ្យកាន់តែល្អប្រសើរ នៅក្នុងការសិក្សា និងដើម្បីប្រើប្រាស់ក្នុងការរៀនសូត្រផងដែរ៕
ដោយ៖ ពន្លឹ
