ខេត្តព្រះសីហនុ ៖ លោក ទុំ ណូ ប្រធានសាខាគយនិងរដ្ឋាករខេត្តព្រះសីហនុ បានឲ្យដឹងថាមានរថយន្តទំនើបចង្កូតស្តាំបន្លំគេចពន្ធចំនួន០៩ គ្រឿងត្រូវបានចាប់រឹបអូសជាបន្តបន្ទាប់រយៈពេលប៉ុន្មានថ្ងៃចុងក្រោយនេះ នៅក្នុងប្រតិបត្តិការបង្ក្រាបអំពើរត់គេចពន្ធពីសំណាក់សមត្ថកិច្ចគយពីអគ្គនាយកដ្ឋានគយនិងរដ្ឋាករ សហការជាមួយសមត្ថកិច្ចសាខាគយនិងរដ្ឋាករខេត្តព្រះសីហនុ និងសមត្ថកិច្ចពាក់ពន្ធ័។
បើតាមលោក ទុំ ណូ អះអាងថា រថយន្តទំនើបចង្កូតស្តាំបន្លំពន្ធទាំងអស់នេះនឹងត្រូវដកហូតទុកជាសម្បត្តិរដ្ឋដោយមិនមានការដោះស្រាយបង់ជាប្រាក់ពិន័យឲ្យម្ចាស់នាំយកទៅវិញបានឡើយ។
ក្រៅពីនេះលោកប្រធានសាខាគយ និងរដ្ឋាករខេត្តព្រះសីហនុថ្លែងថា ការប្រមូលប្រាក់ពន្ធជូនរដ្ឋក្នុងឆ្នាំ ២០១៨ កន្លងទៅេនេះ សាខាគយនិងរដ្ឋាករខេត្តព្រះសីហនុ ប្រមូលប្រាក់ពន្ធបង់ចូលថវិការដ្ឋបាន ជាង១០៤ពាន់លានរៀល។
ចំពោះការបង្ក្រាបបទល្មើសគេចពន្ធវិញមានជាង១២០ករណី ទាំងមធ្យោបាយយានយន្ត និងទំនិញផ្សេងៗមួយចំនួនទៀត៕
ដោយ ៖ សិរីបុត្រ
