ខេត្តព្រះវិហា៖ ក្រុមហ៊ុន ប្ល៊ូហ៊ីវិន ដែលមានទីតាំង ស្ថិតនៅភូមិព្យូជ្រូក ឃុំគូលែនជើង ស្រុកគូលែន ខេត្តព្រះវិហារ ដែរបានទទួលសិទ្ធ បំពេញបន្ថែម ចុះថ្ងៃទី២៦ ខែកញ្ញា ឆ្នាំ២០១៨ លិខិតលេខ៦២២ ក.ស.ក ចុះថ្ងៃទី១៨ ខែមករា ឆ្នាំ២០១៨ របស់ក្រសួងកសិកម្មរុក្ខាប្រមាញ់ និងនេសាទ ស្តីពីការទទួលស្គាល់ អោយកែច្នៃ ផលអនុផលព្រៃឈើបង់ពន្ធជូនរដ្ឋ ក្នុងដីសម្បទានសេដ្ឋកិច្ចនោះ គេសង្កេតឃើញ ការកាប់បំផ្លិចបំផ្លាញព្រៃឈើ នៅក្នុងតំបន់ជម្រកសត្វព្រៃបឹងពែរ និងតំបន់អភិរក្ស គូលែនព្រហ្មទេព យ៉ាងរង្គាសនិងក្លាយជាទីវាលអស់ទៅហេីយ។
ប្រភពពីប្រជាសហគមន៍ ដែលរស់នៅជិតតំបន់ ក្រុមហ៊ុនខាងលើនេះ គាត់់បានអោយដឹងថា ក្រោយពីក្រុមហ៊ុនខាងលើ ទទួលបានសិទ្ធិ ពីក្រសួងកសិកម្មរុក្ខាប្រមាញ់ និងនេសាទរួចហើយនោះ ក្រុមហ៊ុនខាងលើនេះ ចាប់ផ្ដើមធ្វើសកម្មភាព ជិះសេះលែងដៃ និងបានបង្កផលលំបាក ដល់ក្រុមប្រជាពលរដ្ឋ ដែលរស់នៅជុំវិញតំបន់នោះ ក៍ដូចជាប្រជាសហគមន៍ ពោធិ៏រៀងទាំងមូល ដោយមួយរយៈកន្លងទៅនេះ ក្រុមហ៊ុន ប្ល៊ូហ៊ីវិន ដែលមានឈ្មោះ សេន ឡាំ ជាមេការធំ បានឲ្យមនុស្សរបស់ខ្លួន ចូលបំផ្លាញព្រៃឈើ នៅក្នុងតំបន់ជម្រកសត្វព្រៃបឹងពែរនិងតំបន់អភិរក្សគូលែនព្រហ្មទេព យ៉ាងរាលដាលហេីយដឹកឈេីហ៊ុបចូលក្រុមហ៊ុនបំភ្លៃអោយជាឈេីស្របច្បាប់។
ក្រុមប្រជាសហគមន៍ បានលើកឡើង នឹងរិះគន់ថា ក្រុមហ៊ុន ប្ល៊ូហ៊ីវិន អាចធ្វើអ្វីៗ តាមអំពើចិត្ត ដោយសារមានការបើកភ្លើងខៀវ ពីលោក អ៊ុន ចាន់ដា អភិបាលខេត្តព្រះវិហារ នឹងមានការឃុបឃិតបើកដៃ ពីសំណាក់មន្ត្រីបរិស្ថាន និងមន្ត្រីរដ្ឋបាលព្រៃឈើ ក្នុងខេត្តព្រះវិហារ ផងដែរ ទើបអ្វីៗអាចប្រព្រឹត្តទៅដោយរលូន។
ហើយក្នុងនោះ លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់និងនេសាទខេត្តព្រះវិហារ ក៍ដូចជាលោក នង សុខុម ប្រធានរដ្ឋបាលព្រៃឈើខេត្តព្រះវិហារ ត្រូវគេដឹងថា គឺជាអ្នកឃុបឃិត ឲ្យឈ្មោះ សេន ឡាំ មេការធំ របស់ក្រុមហ៊ុន ប្ល៊ូហ៊ីវិន ធ្វើអ្វីៗស្រេចតែអំពើចិត្ត ដើម្បីជាថ្នូរ នឹងផលប្រយោជន៍ផ្ទាល់ខ្លួននិងបក្សពួករបស់ខ្លួន។
ប្រភពពីសមត្ថកិច្ចពាក់ព័ន្ធ បានឲ្យដឹងថា កាលពីថ្ងៃទី១១ ខែធ្នូ កន្លងទៅថ្មីៗនេះ ប្រជាសហគមន៍ការពារព្រៃឈើ បាននាំគ្នាព័ទ្ធចាប់រថយន្តរ៉េវ ដឹកឈើហុបមូល ចំនួន ៩ដើម របស់លោក សេន ឡាំ ដែលជាឈ្មួញឈើល្បីល្បាញ រស់នៅភូមិព្យួរជ្រូក ឃុំគូលែនជើង ស្រុកគូលែន ខេត្តព្រះវិហារ។ ហើយឈើហ៊ុបមូលទាំងនោះ ត្រូវបានលោក សេន ឡាំ មេការក្រុមហ៊ុន ប្ល៊ូហ៊ីវិន លួចប្រមូលទិញ ដឹកចេញពីតំបន់ អភិរក្សព្រៃឈើគូលែនព្រហ្មទេពនិងដែនជម្រកសត្វព្រៃបឹងពែរដឹកតាមភូមិពោធិ៍រៀង ឃុំគូលែនជើង ស្រុកគូលែន ត្រូវបានប្រជាសហគមន៍ ការពារព្រៃឈើ បានសហការជាមួយសមត្ថកិច្ចមូលដ្ឋាន ដើម្បីនាំយករថយន្តរ៉េវ និងឈើជាវត្ថុតាង មករក្សាទុក នៅសាលាស្រុកគូលែន កាលពីព្រឹកថ្ងៃទី១៣ ខែធ្នូ ឆ្នាំ២០១៨ ដើម្បីចាត់ការតាមនីតិវិធី។
មន្ត្រីអាជ្ញាធរនិងសមត្ថកិច្ចមូលដ្ឋាន ក្នុងឃុំគូលែនជើង ស្រុកគូលែន បានឲ្យដឹងថា បច្ចុប្បន្នឈ្មោះ សេន ឡាំ បានប្រើប្រាស់យីហោក្រុមហ៊ុន ប្ល៊ូហ៊ីវិន ដើម្បីប្រមូលទិញឈើ ដឹកចេញពីតំបន់ដែនជម្រកសត្វព្រៃបឹងពែរ និងតំបន់អភិរក្សគូលែនព្រហ្មទេព យ៉ាងរលូន។ ចំណែកលោក អ៊ន់ ចាន់ដា អភិបាលខេត្តព្រះវិហារ និងលោក ពឹង ទ្រីដា ប្រធានមន្ទីរកសិកម្មរុក្ខាប្រមាញ់ ខេត្តព្រះវិហារ ព្រមទាំងមេរដ្ឋបាលព្រៃឈើ ខេត្តព្រះវិហារ កំពុងរក្សាភាពស្ងៀមស្ងាត់ ទុកឲ្យលោក សេន ឡាំ មេការក្រុមហ៊ុន ប្ល៊ូហ៊ីវិន បន្តប្រព្រឹត្តបទល្មើសព្រៃឈើយ៉ាងចំហរព្រោះតែមានខ្នងបង្អែកនៅជួយជ្រោមជ្រែងពីក្រោយ។
ប្រភពព័ត៌មានពីប្រជាពលរដ្ឋ នៅក្នុងភូមិឃុំ ខាងលើនេះ បានបញ្ជាក់ឲ្យដឹងថា៖ ម្ចាស់ក្រុមហ៊ុននេះ មានឈ្មោះ សេន ឡាំ ជាមេការក្រុមហ៊ុន កំពុងសម្រុកកាប់ ដឹងជញ្ញូនឈើ ពីតំបន់ខាងក្រៅ ចូលមកអារនិងច្រៀក ដោយគ្មានអ្នកបង្រ្កាបទេ សូម្បីតែលោក អ៊ន់ ចាន់ដា អភិបាលនៃគណៈអភិបាល ខេត្តព្រះវិហារ ក៍អាចសម្ងំចាំទទួលប្រយោជន៍ ពីក្រុមហ៊ុនមួយនេះផងដែរ? ព្រោះថា អភិបាលខេត្ត ជាប្រធានគណ:បញ្ជាការ ឯកភាពខេត្ត ក្នុងការដឹកនាំទប់ស្កាត់ បទល្មើសព្រៃឈើ ហេតុអ្វីពេលនេះ បែជារក្សាភាពស្ងៀមស្ងាត់ បណ្ដោយឲ្យមេឈ្មួញ ឈ្មោះ សេន ឡាំ ធ្វើសកម្មភាព កាប់នឹងដឹកជញ្ជូនឈើ យ៉ាងគឃ្លើន ផ្ទុយពីច្បាប់អនុញ្ញាត ដែរខ្លួនមានទៅវិញ? ហើយបែជា លោកធ្វេីមិនដឹង? ឬមួយដូចពាក្យចាស់ថា មនុស្សដេកលក់ ងាយស្រួលដាស់ ប៉ុន្តែ ចំណែកដែលមនុស្ស ធ្វេីពត់ដេកលក់ ទេីបដាស់មិនភ្ញាក់ ។
ពាក់ព័ន្ធសកម្មភាព កាប់បំផ្លាញព្រៃឈើ យ៉ាងរង្គាសខាងលើ ប្រជាពលរដ្ឋជាច្រើន បានអំពាវនាវ សូមឲ្យឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរងកងយុទ្ធពលខេមរៈភូមិន្ទនិងជាមេបញ្ជាការកងរាជអាវុធហត្ថលេីផ្ទៃប្រទេស ដែលសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាទុកចិត្ត បានចាត់តាំងបំពេញបេសកម្មពិសេស ក្នុងការទប់ស្កាត់និងការបង្ក្រាបបទល្មេីសធនធានធម្មជាតិមេត្តាចុះពិនិត្យមើល លើទីតាំងក្រុមហ៊ុន ខាងលើនេះផង? កំពុងធ្វើសកម្មភាព អាច្រៀកឈើ ជារៀងរាល់ថ្ងៃបេីសង្ឃឹមលេីថ្នាក់ខេត្តពួកគាត់សំរាន្តលក់អស់ហេីយ? ប្រភពដដែលបានបន្តថា ក្រុមហ៊ុននេះ កំពុងផ្គើន ផ្ទុយពីអនុសាសន៍ សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃថ្មីៗនេះ លោកបានព្រមាន អភិបាលខេត្តមួយចំនួនអោយធ្វេីការទប់ស្កាត់និងបង្រ្កាបបទល្មើសព្រៃឈេីនៅក្នុងដែនដីរបស់ខ្លួនគ្រប់គ្រងដោយចេរភាព។
និយាយរួមនិងដោយឡែកក្រុមហ៊ុនមួយនេះគែនគរប្រជាពលរដ្ធអោយចូលកាប់និងអារឈេីនៅក្នុងដែនជម្រកសត្វព្រៃបឹងពែរនិងសហគមន៏ពោរៀងរួចបន្តដឹកចូលស្តុកនៅនិងក្រុមហ៊ុនមួយនេះ។
ពាក់ពន្ធ័និងការចោទប្រកាន់ខាងលេីគេហទំព័រ រស្មីក្រុងយើង មិនអាចសុំការបំភ្លឺបានឡេីយពីលោកអ៊ន់ ចាន់ដា អភិបាលខេត្តព្រះវិហារ ដោយមិនមានអ្នកទទួលទូរស័ព្ទ ។ ដោយឡែកលោក ពឹង ទ្រីដា ប្រធានមន្ទីរកសិកម្មរុក្ខាប្រមាញ់និងនេសាទ ខេត្តព្រះវិហារលោកឆ្លេីយយ៉ាងខ្លីថាជាប់ប្រជុំ ដោយឡែក លោក សេន ឡាំ មេការក្រុមហ៊ុនអង្គភាពគេហទំព័រ រស្មីក្រុងយើង មិនអាចទាក់ទងបានឡេីយ៕
ដោយ ៖ សិរីបុត្រ
