ខេត្តមណ្ឌលគិរី ៖ នៅថ្ងៃទី០៤ ខែមករា ឆ្នាំ២០១៩នេះមន្ត្រីអង្គការក្រៅរដ្ឋាភិបាលនិងសកម្មជនព្រៃឈើក្នុងខេត្តមណ្ឌលគិរី បានឲ្យដឹងថា លោក ស្វាយ សំអ៊ាង អភិបាលខេត្តមណ្ឌលគិរី និងលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី និងលោកអ៊ុ វណ្ណសុភគ័ នាយខណ្ឌរដ្ឋបាលព្រៃឈេីមណ្ឌលគិរី គ្មានឆន្ទៈក្នុងការទប់ស្កាត់បទល្មើសដឹកជញ្ជូនឈើចេញទៅស្រុកយួនយ៉ាងពេញបន្ទុកនោះទេ។
ជាក់ស្ដែងឈ្មួញដែលមានខ្នងបង្អែករឹងមាំ ជាពិសេសឈ្មួញឈ្មោះ គួយ សុឃុន ជាមន្ត្រីនគរបាលខេត្តមណ្ឌលគិរី និងជាប្អូនប្រុសលោក ស្វាយ សំអ៊ាង អភិបាលខេត្តមណ្ឌលគិរី នៅតែបន្តសកម្មភាពដឹកជញ្ជូនឈើចេញទៅស្រុកវៀតណាមតាមច្រកទ្វេភាគីណាំលៀ ហៅច្រកប៉ុស្ដិ៍៧ ដោយគ្មានញញើតអ្វីទាំងអស់។ មន្ត្រីរាជការក្នុងសាលាខេត្តមណ្ឌលគិរី មួយចំនួនបានបង្ហើបឲ្យដឹងថា ដោយសារអាងមានខ្នងបង្អែករឹងមាំទើបឈ្មួញឈ្មោះ គួយ សុឃុន នៅតែបន្តសកម្មភាពដឹកជញ្ជូនឈើចេញទៅលក់នៅប្រទេសវៀតណាមយ៉ាងពេញបន្ទុកមិនញញឹតនឹងការបង្ក្រាបពីសមត្ថកិច្ចឡើយ។
បើតាមប្រភពពីមន្ត្រីនគរបាលនៅក្នុងស្នងការដ្ឋាននគរបាលខេត្តមណ្ឌលគិរី មួយចំនួនបានឲ្យដឹងថា បច្ចុប្បន្នឈ្មួញឈ្មោះ គួយ សុឃុន ដែលជាមន្ត្រីនគរបាលខេត្តមណ្ឌលគិរី និងជាប្អូនប្រុសរបស់លោក ស្វាយ សំអ៊ាង អភិបាលខេត្តមណ្ឌលគិរី នៅតែបន្តសកម្មភាពដឹកជញ្ជូនឈើចេញទៅស្រុកយួនតាមច្រកទ្វេភាគីណាំលៀ ហៅច្រកប៉ុស្ដិ៍៧ យ៉ាងពេញបន្ទុក។ ប្រភពបានឲ្យដឹងទៀតថា ក្នុងខណៈដែលឈ្មួញដទៃទៀតផ្អាកសកម្មភាពដឹកជញ្ជូនឈើចេញទៅស្រុកយួន គឺឈ្មួញឈ្មោះ គួយ សុឃុន អាងមានខ្នងបង្អែករឹងមាំបន្តសកម្មភាពដឹកជញ្ជូនឈើប្រណីតចេញតាមច្រកប៉ុស្ដិ៍៧ ដោយគ្មានមន្ត្រីជំនាញឬសមត្ថកិច្ចពាក់ព័ន្ធណាហ៊ានប៉ះពាល់ឡើយ។ មន្ត្រីជំនាញនិងសមត្ថកិច្ចពាក់ព័ន្ធក្នុងខេត្តមណ្ឌលគិរី ញញើតនឹងឥទ្ធិពលរបស់លោក ស្វាយ សំអ៊ាង អភិបាលខេត្តមណ្ឌលគិរី ទើបបណ្ដោយឲ្យឈ្មួញឈ្មោះ គួយ សុឃុន ដែលជាប្អូនប្រុសរបស់ខ្លួន ដឹកជញ្ជូនឈើចេញទៅលក់នៅប្រទេសវៀតណាមយ៉ាងរលូននិងយ៉ាងចំហរ៕
ប្រភពដែលស្និទ្ធនឹងឈ្មួញឈ្មោះ គួយ សុឃុន បានឲ្យដឹងថា លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានដឹងយ៉ាងច្បាស់ពីសកម្មភាពរបស់ឈ្មួញឈ្មោះ គួយ សុឃុន ក្នុងការបន្តសកម្មភាពដឹកជញ្ជូនឈើចេញទៅស្រុកយួន។ ក៏ប៉ុន្តែទំនងមានជាប់ពាក់ព័ន្ធនឹងផលប្រយោជន៍មួយផ្នែកណានោះ ទើបលោក ឡោ សុខា ស្នងការនគរបាលខេត្តមណ្ឌលគិរីបណ្ដោយឲ្យឈ្មួញឈ្មោះ គួយ សុឃុន ធ្វើអ្វីៗស្រេចតែអំពើចិត្ត ហើយមិនខ្វល់ពីការរិះគន់អ្វីទាំងអស់។ ចំណែកលោក សំរិត ណយ មេនគរបាលអន្តោប្រវេសន៍ច្រកទ្វេភាគីណាំលៀ ហៅច្រកប៉ុស្ដិ៍៧ ដែលមានលោក ទៀង សៅរតន៍ ស្នងការរងនគរបាលខេត្តមណ្ឌលគិរី ទទួលបន្ទុកអន្តោប្រវេសន៍ជាបង្អែករឹងមាំទើបហ៊ានឃុបឃិតឲ្យឈ្មួញឈ្មោះ គួយ សុឃុន ដ៏មានឥទ្ធិពល បន្តសកម្មភាពដឹកជញ្ជូនឈើឆ្លងដែនចេញទៅប្រទេសវៀតណាមតាមច្រកណាំលៀ ហៅច្រក៧យ៉ាងគឃ្លើន។
ប្រភពពីមន្ត្រីពាក់ព័ន្ធនៅច្រកទ្វេភាគីណាំលៀ ហៅច្រកប៉ុស្ដិ៍៧ ឃុំប៊ូស្រា ស្រុកពេជ្រាដា ខេត្តមណ្ឌលគិរី បានលួចបង្ហើបថា៖ បច្ចុប្បន្នឈ្មួញមួយចំនួនបានផ្អាកសកម្មភាពដោយសារខ្លាចមន្ត្រីគណៈកម្មការបង្ក្រាបនិងទប់ស្កាត់បទល្មើសព្រៃឈើចាត់ការពួកគេតាមច្បាប់។ ក៏ប៉ុន្តែសម្រាប់ឈ្មួញឈ្មោះ គួយ សុឃុន ដែលជាមន្ត្រីនគរបាលខេត្តមណ្ឌលគិរី និងជាប្អូនប្រុសរបស់លោក ស្វាយ សំអ៊ាង អភិបាលខេត្តមណ្ឌលគិរី នៅតែបន្តសកម្មភាពដឹកជញ្ជូនឈើប្រណីតចេញតាមច្រកប៉ុស្ដិ៍៧ យ៉ាងរាលដាលដដែល។ សកម្មភាពរបស់ឈ្មួញឈ្មោះ គួយ សុឃុន ក្នុងការដឹកជញ្ជូនឈើចេញទៅស្រុកយួនកំពុងធ្វើឲ្យព្រៃឈើនៅសេសសល់ក្នុងស្រុកកោះញែក ស្រុកកែវសីមា ស្រុកពេជ្រាដា រងការបំផ្លាញយ៉ាងមហន្តរាយ។
ចំណែកលោក អ៊ុ វណ្ណសុភគ៌ នាយខណ្ឌរដ្ឋបាលព្រៃឈើខេត្តមណ្ឌលគិរី និងសមត្ថកិច្ចពាក់ព័ន្ធដទៃទៀតត្រូវបានគេដឹងថា គឺជាអ្នកឃុបឃិតឲ្យឈ្មួញឈ្មោះ គួយ សុឃុន ធ្វើសកម្មភាពដឹកជញ្ជូនឈើចេញទៅស្រុកវៀតណាមដល់គោលដៅប្រកបដោយសុវត្ថិភាព។
ពាក់ពន្ធ័និងការចោទប្រកាន់ខាងលេីនេះនៅព្រឹកថ្ងៃទី០៥ខែមករាឆ្នាំ២០១៩ គេហទំព័ រស្មីក្រុងយើង មិនអាចសុំការបំភ្លឺបានឡេីយពីលោក អ៊ុ វណ្ណសុភគ៌ នាយខណ្ឌរដ្ឌបាលព្រៃឈេីខេត្តមណ្ឌលគិរីដោយទូរស័ព្ទហៅចូលគ្មានអ្នកទទួល ។ ដោយឡែកលោកស្វាយ សំអ៊ាង អភិបាលខេត្តមណ្ឌលគិរីបានចេះត្រឹមតែនិយាយអាឡូៗរួចក៏បិទទូរសព្ឌ័។
គួររំលឹកផងដែរថានៅក្នុងអាណាចក្រខេត្តមណ្ឌលគិរីមួយនេះសកម្មភាពកាប់និងដឹកជញ្ជូនឈេីទៅឆ្លងដែនទៅប្រទេសវៀតណាមកាន់តែមានការលេចធ្លោខ្លាំងោឡើងៗ បេីទោះបីសម្តេចក្រឡាហោម សខេង ឧបនាយករដ្ធមន្ត្រីរដ្ធមន្ត្រីក្រសួងមហាផ្ទៃធ្លាប់ធ្វេីការព្រមានអោយទប់ស្កាត់និងបង្រ្កាបបទល្មេីសព្រៃឈេីបេីពុំដូច្នោះទេនិងត្រូវដកហូតតំណែងប៉ុន្តែការព្រមានរបស់សម្តេចក្រឡាហោម ស ខេងហាក់បី លោក ស្វាយ សំអ៊ាង មិនអនុវត្តតាមបទបញ្ជានិងការណែនាំដ៏ខ្ពង់ខ្ពស់របស់សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ទំនងជាលោក ស្វាយ សំអាង មានខ្ខងបង្អែកដ៏រឹងមាំុនៅទីស្តីការគណៈរដ្ឋមន្ត្រីចាំជួយហើយ ទើបជាក្នុងអាណាចក្រខេត្តមណ្ឌលគិរីនៅតែមានការចរាចរណ៏ចេញឈេីទៅប្រទេសវៀតណាមជាប្រចាំ ៕
ដោយ ៖ សិរីបុត្រ
