ខេត្តព្រះសីហនុ ៖ ព្រឹកថ្ងៃពុធ ១១ រោច ខែមិគសិរ ឆ្នាំច សំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី២ ខែមករា ឆ្នាំ២០១៩
នៅមូលដ្ឋានសមុទ្របានរៀបចំកម្មវិធីបិទវគ្គហ្វឹកហ្វឺនបំប៉នជំនាញ កងទ័ពជើងទឹក ប្រចាំឆ្នាំ២០១៨ និងកាត់ខ្សែបូរសម្ពោធដាក់ឱ្យប្រើប្រាស់អាគារទីបញ្ជាការកងអន្តរាគមន៍ថ្មើរជើង ក្រោមអធិបតីភាពដ៏ខ្ពង់ខ្ពស់ នាយឧត្តមនាវី ទៀ វិញ អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងទឹក អគ្គលេខាធិការ នៃគណៈកម្មាធិការជាតិសន្តិសុខ លម្ហសមុទ្រនិងឯកឧត្តមយន្ត មីន អភិបាលខេត្តព្រះសីហនុ ។
ក្នុងឱកាសនេះផងដែរ ឯកឧត្តមទៀ វិញនិងគណះប្រតិភូទាំងអស់ បានអញ្ជើញពិនិត្យអាគារប្រចាំការល្បាតរួម ដែលទើបសាងសង់រួច ជាអំណោយរបស់កងទ័ពជើងទឹកនៃ ប្រជាជនវៀតណាម៕
ដោយ ៖ សិរីបុត្រ
