ខេត្តមណ្ឌលគីរី ៖ នៅវេលាម៉ោង ០៦ព្រឹក ថ្ងៃទី ២៧ ខែធ្នូឆ្នាំ ២០១៨ មានករណីគ្រោះថ្នាក់ចរាចរណ៏ដែលបណ្តាអោយមនុស្ស៤នាក់រងរបួសធ្ងន់ស្រាល ខូចខាតរថយន្ត ០៣គ្រឿងព្រមទាំងផ្ទះ១ខ្នងបាក់រាបដល់ដីបង្កឡើងដោយឡានដឹកឈើនៅ នៅចំណុច KM១៣៦ ស្ថិតនៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី។
ប្រភពពីកន្លែងកើតហេតុ បានឲ្យដឹងថា មានរថយន្តចំនួន ០៥គ្រឿង បានបើកដេញតាមពីក្រោយ ឡានសាំយ៉ុងមួយគ្រឿងដែលមានផ្ទុកឈើប្រណិតក្នុងទិសដៅពីស្រុកកែវសីមា ឆ្ពោះទៅស្រុកស្នួលខេត្តក្រចេះ។ លុះមកដល់ចំនុចកើតហេតុខាងលេី រថយន្តពីរគ្រឿងបានប៉ះទង្គិចគ្នា បណ្ដាលឲ្យរថយន្តសាំយ៉ុង រេក្រឡាប់ ជាច្រើនត្រឡប់ ចូលទៅក្នុងផ្ទះមួយខ្នងរបស់បងប្អូនជនជាតិខ្មែរអ៊ីស្លាម បង្កឲ្យមនុស្សនៅក្នុងផ្ទះម្នាក់ រងរបួសធ្ងន់ ចំណែកមនុស្សនៅក្នុងរថយន្តសាំយ៉ុង ចំនួន ៣នាក់ បានរងរបួសធ្ងន់ស្រាលកំពុងស្ថិតនៅក្នុងការជួយសង្គ្រោះ បន្ទាន់ដោយឡែក ម្ចាស់រថយន្តប្រភេទឆ្លាម ពុំស្គាល់អត្តសញ្ញាណ ឡេីយព្រោះដាក់មេប្រូចបាត់ស្រមោលបន្សល់ទុករថយន្តតែប៉ុណ្ណោះនៅនិងកន្លែងកើតហេតុ។
សេចក្តីរាយការណ៍ពីកន្លែងកើតហេតុ បានបញ្ជាក់ថា រថយន្តសាំយ៉ុងដឹកឈើមានម្ចាស់ឈ្មោះរត្ន័ជាតៃកុងឡាន និងជាកូនប្រុស របស់លោកមាស សុភាព មេបញ្ជាការវរៈការពារព្រំដែនលេខ២០៤នៃខេត្តក្រចេះ។ហេីយឈ្មោះរត្ន័នេះដឹកឈេីប្រណិតជាប្រចាំនៅក្នុងទឹកដីស្រុកកែវសីមានៃខេត្តមណ្ឌលគិរីជាប្រចាំ ។
ដូច្នោះហេីយគេហទំព័រ រស្មីក្រុងយើង និងប្រជាពលរដ្ឋនៅក្នុងខេត្តមណ្ឌលគីរី ចាំមេីល តើលោក ស្វាយ សំអ៊ាងអភិបាលខេត្តមណ្ឌលគិរីដែលធ្លាប់បានសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃធ្លាប់ធ្វេីការព្រមានដកតំណែងកាលពីពេលថ្មីៗកន្លងទៅនោះនិង
លោក អុំ វណ្ណសុភក្រ្ត័នាយខណ្ឌរដ្ឌបាលព្រៃឈេីប្រកែកដល់ណាទៀត។
ពាក់ព័ន្ធនិងគ្រោះថ្នាក់ចរាចរណ៍សមត្តកិច្ចប្រដេញចាប់រថយន្តដឹកឈើដែលបណ្តាអោយមានគ្រោះថ្នាក់ខាងលេីនេះគេហទំព័រ រស្មីក្រុងយើង មិនអាចសុំការបំភ្លឺបានឡេីយពីលោក អុំ វណ្ណសុភក្ត្រ័ នាយខណ្ឌរដ្ឌបាលព្រៃឈេីខេត្តមណ្ឌលគិរីដោយទូរស័ព្ទហៅចូលគ្មានអ្នកទទួល ដោយឡែកលោកអធិការនគរបាលស្រុកកែវសីមាក៏មិនអាចទាក់ទងបានដែរ។
គួរបញ្ជាក់ថាសកម្មភាពកាប់និងដឹកជញ្ជូនឈេីល្មើសច្បាប់នៅក្នុងអាណាចក្រខេត្តមណ្ឌលគិរីសព្វថ្ងៃដឹកឈេីចេញយ៉ាងប្រសេចប្រសាចទាំងថ្ងៃទាំងយប់ជារៀងរាល់ថ្ងៃយកទៅលក់នៅប្រទេសវៀតណាមយ៉ាងគគ្រឹកគគ្រេងដូចជាករណីរថយន្តខាងនេះបុកគ្នាក្រឡាប់ ក្អួតចេញសុទ្ធតែឈេីប្រណិតទេីបអស់លោកសមត្ថកិច្ចនិងអាជ្ញាធរបាស់សក់៕
ដោយ ៖ សិរីបុត្រ
