ព័ត៌មាន​ទាន់ហេតុការណ៍
ឯកឧត្តមឧបនាយករដ្ឋមន្ត្រី សាយ សំអាល់ ចាត់ទុកធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុដ៏ទៃទៀត ជាដៃគូរយុទ្ធសាស្រ្តដ៏សំខាន់មួយ ក្នុងការទ្រទ្រង់ឧស្សាហកម្មហិរញ្ញវត្ថុ - ក្រសួងរៀបចំដែនដី នគរូបនីយកម្ម និងសំណង់ បានអញ្ជើញភាគីពាក់ព័ន្ធ ដើម្បីពិនិត្យ និងពិគ្រោះយោបល់លើការងារគ្រប់គ្រង និងប្រើប្រាស់ដី ស្ថិតនៅក្នុងភូមិឆ្វាំង ឃុំសំអាង - ដីឡូតិ៍លំនៅឋានត្រូវបានប្រគលជូនកងទ័ព នគរបាលជាតិដែលឈរជើងតាមព្រំដែនកម្ពុជា-វៀតណាម និងអតីតកងកម្លាំងប្រដាប់អាវុធ - វិញ្ញាបនបត្រសម្គាល់ម្ចាស់អចលនវត្ថុចំនួន ២៥៩បណ្ណ ជូនបងប្អូនប្រជាពលរដ្ឋស្ថិតនៅភូមិរណែង ឃុំស្រែឈូក ស្រុកកែវសីមា ខេត្តមណ្ឌលគិរី - លោក សាយ សំអាល់ ៖ កីឡាឡើងភ្នំបាននិងកំពុងទាក់ទាញចំណាប់អារម្មណ៍ខ្លាំងពីសំណាក់ប្រជាជនកម្ពុជា - ពិធីប្រកាសចូលកាន់តំណែង ក្រុមប្រឹក្សាខេត្តសៀមរាប អាណត្តិទី៤ នៅសាលសន្និសិទ្ធ សណ្ឋាគារសុខាសៀមរាប - ប្រជាពលរដ្ឋដែលមានក្បាលដីឃុំកែវពណ៌ស្រុកពួកខេត្តសៀមរាបត្រូវបានការងារចុះបញ្ជីដីធ្លីខេត្តធ្វើការប្រកាសកំណត់តំបន់សម្រាប់ធ្វើការវិនិច្ឆ័យ និងការចុះបញ្ជីដីធ្លីដែលមានលក្ខណៈជាប្រព័ន្ធ! - ឧបនាយករដ្ឋមន្ត្រី សាយ សំអាល់ ៖ តបតាមប្រសាសន៍ដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី សមាជិកក្រុមប្រឹក្សាខេត្ត អាណត្តិថ្មី ដែលជាអង្គនីតិប្បញ្ញត្តិរបស់ថ្នាក់ក្រោមជាតិនៃខេត្តនៅតាមតំបន់ឆ្នេរ ត្រូវជំរុញដំណើរការអភិវឌ្ឍតាមបែបប្រជាធិបតេយ្យថ្នាក់ក្រោមជាតិ - មន្ទីររៀបចំដែនដីនគរូបនីយកម្មនិងសំណង់ខេត្តសៀមរាបអំពាវនាវឱ្យប្រជាពលរដ្ឋដែលជាម្ចាស់ក្បាលដី ក្នុងឃុំកណ្តែក ស្រុកប្រាសាទបាគងអញ្ជើញមកពិនិត្យនិងផ្ទៀងផ្ទាត់ទិន្នន័យក្បាលដី! - គណៈអចិន្រ្តៃយ៍នៃគណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) បានរៀបចំកិច្ចប្រជុំរបស់ខ្លួន ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក
0

អាជ្ញាធរឃុំបារាយណ៍ ស្រុកបារាយណ៍ ខេត្តកំពង់ធំ ត្រូវបានប្រជាពលរដ្ឋស្នើសុំអន្តរាគមន៍ពីសម្ដេចបវរធិបតី ហ៊ុន ម៉ា ណែត ជួយរកយុត្តិធម៌


ខេត្តកំពង់ធំ÷ ប្រជាពលរដ្ឋ៦០គ្រួសារ នៅភូមិចតុលោក ឃុំបារាយណ៍ ស្រុកបារាយណ៍ ខេត្តកំពង់ធំ បានស្នើសុំ ដល់រាជរដ្ឋាភិបាល ជាពិសេសសម្ដេច បវរធិបតី ហ៊ុន ម៉ាណែត នាយករដ្ឋមន្ត្រី ជួយអន្តរាគមន៍ ផ្ដល់នូវយុត្តិធម៌ ពីករណី ដីដែលរាជរដ្ឋាភិបាល កាត់ឆ្វៀល ប្រគល់ឱ្យ ប្រជាពលរដ្ឋ នៅក្នុងមូលដ្ឋាន របស់ ពួកគាត់ នោះ គឺភាគច្រើន ពុំបានធ្លាក់ដល់ដៃ ប្រជាពលរដ្ឋ ដែលជាអ្នកកាន់កាប់ និងអាស្រ័យផល ពិតប្រាកដ នោះទេ។ ផ្ទុយទៅវិញដីទាំងនោះត្រូវបានអាជ្ញាធរមានរដ្ឋបាល ឃុំ- ស្រុក បានឃុបឃិតគ្នាជាប្រព័ន្ធ ផ្ដល់ទៅឱ្យបក្ខពួកខ្លួន និងជាពិសេស គឺយកឈ្មោះផ្សេងៗ ទៅតាងនៅលើដីនោះ ដើម្បីរៀបចំ ក្នុងគោល បំណង ទាញយក ផលប្រយោជន៍ ផ្ទាល់ ខ្លួននិងបក្ខពួក តែប៉ុណ្ណោះ។ចំណែកពួកគាត់ ចំនួន៦០គ្រួសារ ដែលមានប្រវត្តិកាន់កាប់ និងអាស្រ័យផល នៅលើដីនោះ ពិតប្រាកដ គឺមិនមាននឈ្មោះ បានទទួលនូវ ដីនោះឡើយ។

ប្រជាពលរដ្ឋទាំងនោះ បានបញ្ជាក់ថា ក្រោយពីទទួលនូវ ភាពមិនប្រក្រតី ទាំងនេះ ពួកគាត់ បានប្ដឹងតវ៉ា ទៅរដ្ឋបាលឃុំ និង ស្រុក ជាច្រើនលើក ប៉ុន្តែ លោកមេឃុំ និងលោក អភិបាលស្រុក ពុំបាន រកដំណោះ ស្រាយ សមស្រប ដើម្បីឱ្យពួកគាត់ ទទួល យកបាន នោះឡើយ។ ក្រោយមកពួកគាត់ក៏បានដាក់ពាក្យបណ្ដឹងទៅរដ្ឋបាលខេត្ត កំពង់ធំទៀត តែលទ្ធផល គឺស្ងាត់ឈឹងដដែល។ ហេតុនេះពួកគាត់គ្មានជម្រើស មានតែបន្តប្ដឹងទៅថ្នាក់ជាតិ ជាពិសេស សម្ដេច បវរធិបតី ហ៊ុន ម៉ាណែត សុំឱ្យ សម្ដេច មេត្តាផ្ដល់នូវយុត្តិធម៌ ដល់ពួកគាត់ដោយក្ដីករុណាផងចុះ។

ប្រជាពលរដ្ឋ ទាំងនោះ សុំឱ្យមានការអន្តរាគមន៍ ស៊ើបអង្កេត ជាបន្ទាន់ណាមួយ ដើម្បីឈាន ទៅដល់ការផ្អាក ជាបណ្ដោះ អាសន្ន ទៅលើសកម្មភាព សំរុក បំពានចូលទៅកាន់កាប់ រំលោភលើដី ដែលពួក គាត់ បានកាន់កាប់ នោះ។

ដោយបច្ចុប្បន្ន មានគ្រឿងចក្រ ជាច្រើនគ្រឿង បានសម្រុក យ៉ាងសកម្ម ទៅឈូសឆាយ នៅលើដី និងព្រៃ និងដុតព្រៃ នៅចំណុចនោះ ដោយពង្រីក លើសទំហំ ដី ដែលរាជរដ្ឋាភិបាល កាត់ឆ្វៀលឱ្យនោះទៀតផង។

តំណាងប្រជាពលរដ្ឋ ៦០គ្រួសារ នេះបញ្ជាក់ថា ដីនោះ នៅចំណុច ក្រោមអាងទឹកចិន ជាប់ត្រពាំង ជ្រោយអង្ក្រង ឋិតនៅ ឃុំបារាយណ៍ គឺពួកគាត់បានកាន់កាប់ តាំងពីឆ្នាំ១៩៩១ មកម្លេះ។

ក្រោយមក អាជ្ញាធរ និងសមត្ថកិច្ចជំនាញ បានផ្សព្វផ្សាយមិនឱ្យប្រជាពលរដ្ឋកាន់កាប់ដីនោះ ដោយ ថា ដីនោះ ជាដីរបស់រដ្ឋ និងទុកជាដែនព្រៃ អភិរក្សសត្វខ្សឹម ប៉ុន្តែក្រោយមក ដីនោះ ត្រូវបាន រាជរដ្ឋា ភិបាលកាត់ឆ្វៀលប្រគល់ឱ្យប្រជាពលរដ្ឋប៉ុន្តែបែរ ជាពួកគាត់ ជាអ្នកកាន់កាប់ នៅលើដីនោះ មិនទទួល បានទៅវិញ ទន្ទឹមគ្នា នឹងពួកគាត់នៅតែតវ៉ាជាប់រហូតនោះ។

ប្រជាពលរដ្ឋបន្តថា កាលដែលតវ៉ា នៅសាលាឃុំ បារាយណ៍នោះ មេឃុំ ចេះតែឱ្យពួកគាត់នៅឱ្យស្ងៀមទៅ.. វាមិនអត់នោះទេ កុំទៅភ័យ ប៉ុន្តែបើ មិនស្ដាប់គាត់ (មេឃុំ) ទេ ប្រយ័ត្នតែ បែកធ្លាយ ដល់លើ នោះ គឺគេមិនកាត់ឱ្យទេ គឺអត់តែ..ទាំងអស់ គ្នាហ្នឹង។

ទាក់ទិន នឹងព័ត៌មាននេះអង្គភាពយើងបានស្វះស្វែងរការបំភ្លឺពី លោក អ៊ួង សារឿន អភិបាលស្រុក បារាយណ៍ តែពុំអាចទំនាក់ទំនង ទោះយ៉ាងណាអង្គភាពយើងនិងរង់ចាំបកស្រាយបំភ្លឺពីភាគីពាក់ព័ន្ធរៀងរាល់ម៉ោងធ្វើការ៕

ដោយ ÷ វុទ្ធី

 


Filed in: ព័ត៌មានជាតិ, ព័ត៌មានថ្មីៗ, ព័ត៌មានសំខាន់

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.