ខេត្តពោធិ៍សាត់ ÷ សកម្មភាពចូលវ៉ៃអួននៅក្នុងឡូអភិរក្សមួយនេះជារៀងរាល់យប់មិនដែលខាន តើឈ្មោះមាន់ មេង ឈ្មោះឡុង អូន ឈ្មោះឡុង គៀង មានខ្សែ និងខ្នងធំប៉ុណ្ណាទើបហ៊ានចូលវ៉ៃលុកនៅក្នុងឡូអភិរក្ស បែបនេះ សំខាន់គឺជំនាញសង្កាត់ផ្នែកខណ្ឌរដ្ឋបាលជលផលដែលឈរជើងនៅមូលដ្ឋាននោះបានដឹងហើយឬនៅ?
តាមប្រភពពីបងប្អូនរស់នៅក្នុងឃុំកំពង់ហ្លួងបានផ្ដល់ព័ត៌មានពិតមកកាន់អង្គភាពយើងថាជំនាញសង្កាត់ និងផ្នែកដែលឈរជើងជាប់ជាមួយនឹងបទល្មើសគឺអ្នកបើកភ្លើងខៀវឲ្យក្រុមបីនាក់នេះចូលទៅនេសាទវ៉ៃ អួននៅក្នុងឡូអភិរក្សតែម្ដងដោយសារតែដោះដូរជាមួយនឹងអាហារបីពេលហើយចាប់ដៃគ្នាបំផ្លាញនូវធនធានមច្ឆាជាតិដែលជាកន្លែងត្រីពូជពងកូននោះ ។
ប្រជាពលរដ្ឋរស់នៅផ្ទះបណ្ដែតទឹក ក្នុងភូមិកំពង់ហ្លួង ឃុំកំពង់ហ្លួង ស្រុកក្រគរ ខេត្តពោធិ៍សាត់ សូមសំណូម ពរទៅកាន់លោក ឌិត ទីណា រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ និងលោក ពុំ ស៊ីថា ប្រតិភូរាជរដ្ឋាភិបាល និងជាប្រធានរដ្ឋបាលជលផល មេត្តាចាត់វិធានការនិងដាក់ការស៊ើបអង្កេតមកលើជំនាញរដ្ឋបាលជលផលនៅនឹងមូលដ្ឋានភូមិឃុំខាងលើនេះផងទាន៕
#ព័ត៌មានបឋម សូមរង់ចាំលំអិតនៅពេលក្រោយ!
