ខេត្តកំពង់ចាម ៖ កម្លាំងជំនាញចុះធ្វើការស្រាវជ្រាវករណីលេងតុងទីនតាមអនឡាញដែលមេតុងទីនជំពាក់លុយកូនតុងទីនជាច្រើននាក់ រាប់ម៉ឺនក្បាល រួមទឹកប្រាក់សរុបជាច្រើនលានដុល្លារ ហើយរត់គេចខ្លួនបាត់។
នៅថ្ងៃទី03 ខែមេសា ឆ្នាំ2024 វេលាម៉ោង13 និង 30នាទី នៅចំណុច ខុនដូរ អិល បឹងទំពុន ស្ថិតនៅក្នុងភូមិក្បាលទំនប់ សង្កាត់បឹងទំពុន ខណ្ឌមានជ័យ រាជធានីភ្នំពេញ កម្លាំងកងរាជអាវុធហត្ថខេត្តកំពង់ចាមបានចុះពន្លាតដែនសមត្ថកិច្ច សហការជាមួយកម្លាំងកងរាជអាវុធហត្ថរាជធានីភ្នំពេញ ដឹកនាំដោយលោក វរសេនីយ៍ទោ សែម ឃាង ប្រធានមន្ទីរស្រាវជ្រាវ និងបង្ក្រាបទល្មើសកងរាជអាវុធហត្ថខេត្តកំពង់ចាម ចុះធ្វើការឃាត់ខ្លួនបានជនសង្ស័យចំនួន02នាក់
ទី1, ឈ្មោះ សាន សុវណ្ណាលីស ភេទស្រី អាយុ ៣០ឆ្នាំ ជនជាតិខ្មែរ ។
2, ឈ្មោះ ណេង ស៊ុនហេង ភេទប្រុស អាយុ៣៣ឆ្នាំ ជនជាតិខ្មែរ ។
តាមដីកាបញ្ជាឲ្យចូលខ្លួន របស់លោក សេង រិទ្ធី ព្រះរាជអាជ្ញារង នៃអយ្យការសាលាដំបូងខេត្តកំពង់ចាម ដែលមានលេខ02 និងលេខ 03អ.យ.ជ/2024 ចុះថ្ងៃទី02 ខែមេសា ឆ្នាំ2024 ពាក់ព័ន្ធករណី រំលោភលើទំនុកចិត្ត និងឆបោក តុងទីនតាមអនឡាញ បច្ចុប្បន្ន កម្លាំងជំនាញបានបញ្ជូនជនសង្ស័យចំនួន០២នាក់ខាងលើមកបញ្ជាការដ្ឋានកងរាជអាវុធហត្ថខេត្តកំពង់ចាមដើម្បីបន្តនីតិវិធីច្បាប់។
ដោយ ÷ ទិត្យ
