ខេត្តកំពង់ស្ពឺ ៖ នៅរសៀលថ្ងៃទី២៥ ខែធ្នូ ឆ្នាំ២០១៨នេះ ឯកឧត្តម វ៉ី សំណាង អភិបាលខេត្តកំពង់ស្ពឺ បានចែកអំណោយជាសម្ភារប្រើប្រាស់ក្នុងផ្ទះជូនកម្មករ កម្មការិនី ប្រមាណ២,០០០នាក់ នៅរោងចក្រហីរូតា ដែលមានទីតាំងស្ថិតនៅឃុំវល្លិស ស្រុកសំរោងទង។
ក្នុងឱកាសនោះលោក អភិបាលខេត្តកំពង់ស្ពឺ បានថ្លែងថា ដោយកត្តាសុខវត្ថិភាព សន្តិភាព និងដោយមានការយកចិត្តទុកដាក់ពីរាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ទើបបងប្អូនកម្មករ កម្មការិនី មានឱកាសបានជួបជុំគ្នាគ្រប់កម្មវិធីជាតិធំៗ និងបុណ្យអន្តរជាតិជាច្រើនផងដែរ។
លោកអភិបាលបន្តថា ដោយសារតែការអភិវឌ្ឍន៏ និងមានសន្តិភាពពេញលេញទូទាំងប្រទេសបានធ្វើយើងទាំងអស់គ្នា មានការងារធ្វើទទួលបានផលកម្រៃបៀរវត្សន៍ខ្ពស់ រស់នៅដោយភាពសម្បូរសប្បាយ សុខដុមរម្យនា ជាការពិតសព្វថ្ងៃមានសម្ភារពេញនិយមប្រើប្រាស់គ្រប់លំនៅដ្ឋាន កត្តានេះហើយដែលរាជរដ្ឋាភិបាលទាមទារចាំបាច់ ត្រូវកសាងបន្ថែមគ្រប់ហេដ្ឋារចនាសម័ន្ធ ដើម្បីតម្រូវការចាំបាច់ជូនពលរដ្ឋ៕
ដោយ ៖ សំណាង
