ខេត្តសៀមរាប ÷ នៅថ្ងៃទី១១ ខែមីនា ឆ្នាំ២០២៤ មានករណីយកគ្រឿងចក្រទៅក្រវ៉ាត់និងជីកយកអាចម៍ដីធ្វើអាជីវកម្មនៅចំណុចបឹងបុប្ផា ស្ថិតនៅក្នុងភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ពិតជាមិនធម្មតាលេងមួយក្បាច់នេះប្រហែលជាលេងតែពីរនាក់ទេមើលទៅ ដីឧទ្យាន ជាតិអង្គរគ្រប់គ្រងដោយអាជ្ញាធរអប្សរា តំបន់មួយ បងប្អូនប្រជាពលរដ្ឋនៅខេត្តសៀមរាបដឹងហើយតំបន់មួយគឺជាប់ជាមួយអង្គរតែម្ដង តើករណីនេះឯកឧត្តមប្រាក់ សុភ័ណ្ឌ អភិបាលនៃគណៈអភិបាលខេត្តសៀមរាបបានជ្រាបដែរទាន?។
នៅល្ងាចថ្ងៃទី១១ ខែមីនា ឆ្នាំ២០២៤ អង្គភាពសារព័ត៌មានយើងបានធ្វើបទសម្ភាសន៍តាមរយៈទូរស័ព្ទ ទៅលោកស្រី ឈិន សាវី ចៅសង្កាត់គោកចក បានប្រាប់អ្នកសារព័ត៌មានយើងឲ្យបានដឹងថា ការស្នើសុំដាក់គ្រឿងចក្រទៅជីកស្ដារអាចម៍ ដីក្រវ៉ាត់ព្រោះមានប្រជាពលរដ្ឋទន្ទ្រាន នៅតំបន់បឹងបុប្ផាស្ថិតនៅក្នុងភូមិសាស្ត្រភូមិត្រពាំងសេះសង្កាត់គោកចក ហេតុផលនេះលោកស្រីបានស្នើសុំទៅលោក ឡុង កុសល អ្នកនាំពាក្យអប្សរា លោកឡុងកុសលបានអនុញ្ញាតឲ្យអ្នកស្រីបញ្ចុះគ្រឿងចក្រទៅបឹងបុប្ផានោះតែម្ដងសូម្បីតែលោកអភិបាលក្រុងសៀមរាបក៏មិនដឹងដែរ។
នៅល្ងាចថ្ងៃដដែលអ្នកសារព័ត៌មានយើងបានភ្ជាប់ទូរស័ព្ទធ្វើបទសម្ភាសន៍ទៅលោក ឡុង កុសល ដែលជាអ្នកនាំពាក្យអាជ្ញាធរអប្សរា លោកបានឆ្លើយថាលោកអត់ដឹងទេបើបានរាយការណ៍ឱ្យខ្ញុំៗអរគុណណាស់ចាំខ្ញុំចុះទៅពិនិត្យ អីយ៉ាយ៉ាងម៉េចចេះ អ្នកស្រីចៅសង្កាត់ឆ្លើយថាលោក ឡុង កុសល ជាអ្នកអនុញ្ញាតរីឯលោក ឡុង កុសលឆ្លើយថាមិនដឹងទៅវិញ ។
ចំណែកប្រជាពលរដ្ឋគ្រាន់តែបោះតែបង្គោលមួយអាជ្ញាធរអប្សរាទៅដល់ភ្លាមឥឡូវនេះយ៉ាងម៉េចទៅវិញ។នេះគ្រាន់ជាព័ត៌មានបឋមថ្ងៃទី១១ ខែមីនាឆ្នាំ២០២៤ សូមរង់ចាំលម្អិតនៅថ្ងៃបន្ទាប់៕
