ក្រុមឈ្មួញសម្រុកដឹកជញ្ជួនធ្យូង តាមរថយន្តសាំមយ៉ុងកែឆ្នៃជាច្រើនគ្រឿង ឆ្លងដែនទៅលក់នៅវៀតណាមយ៉ាងគំហុក រីឯលោកមេប៉ុស្តិ៍ច្រកទ្វារព្រំដែនក្អមសំណមិនចាត់វិធានការបង្រ្កាប !

ខេត្តកណ្តាល ÷ ប្រភពពីក្រុមឈ្មួញបានបញ្ជាក់ ឲ្យដឹងថាមេឈ្មួញជេីងខ្លាំងរកស៊ីដឹកជញ្ជូនធ្យូងចេញពីភូមិដំណាក់ចារ ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ ឆ្លងដែនទៅលក់នៅប្រទេសវៀតណាមចូលតាមច្រកអន្តរជាតិ ក្អមសំណរ ស្រុកលើកដែក ខេត្តកណ្តាល យ៉ាងរលូនសមត្ថកិច្ចពាក់ព័ន្ធរក្សាភាពស្ងៀមស្ងាត់ ឬអង្គុយចាំទទួលលាភសក្ការៈ។

ប្រភពប្រជាពលរដ្ឋរិះគន់ចំៗទៅលេីសមត្ថកិច្ចពាក់ពន្ធ័និងការដឹកនាំ និងគ្រប់គ្រងលើច្រកនេះដែលដឹកនាំដោយលោក សុង ម៉ាឡៃ ប្រធានការិយាល័យ គយ និងរដ្ឋករក្អមសំណ និងលោក រឹម លឹមសេង នាយប៉ុស្តិ៍នគរបាលច្រកទ្វាអន្តរជាតិព្រំដែនក្អមសំណរ កំពុងសប្បាយរីករាយក្នុងការប្រមូល លុយចែកគ្នាតាមបែបជិះសេះលែងដៃ ជាទូទៅគេតែងតែសង្កេតឃើញមន្ត្រីរបស់លោក សុង ម៉ាឡៃ និងមន្ត្រីរបស់លោក រឹម លឹមសេង តែងតែយកលុយ និងបើកបារ៉ាស់ឱ្យឡានសាំមយ៉ុងដឹកធ្យូងរបស់ក្រុមឈ្មួញដឹកជញ្ជូនឆ្លងដែនយ៉ាងគគ្រឹកគគ្រេង ទៅប្រទេសវៀតណមយ៉ាងពេញបន្ទុក។

រម្លឹកថា ច្រកទ្វារអន្តរជាតិព្រំដែនក្អមសំណស្ថិតនៅក្នុងភូមិក្អមសំណក្រោម ឃុំក្អមសំណ ស្រុកលើកដែក ខេត្តកណ្តាល ជាទូទៅគេតែងតែសង្កេតឃើញក្រុមឈ្មួញធ្វើសកម្មភាពដឹកជញ្ជូនធ្យូងតាមឡាន សាំមយ៉ុងកែឆ្នៃទ្រុងជាខ្សែៗដូចហែរកឋិនឆ្លងដែនតាមច្រកទ្វាអន្តរជាតិព្រំដែនក្អមសំណ យ៉ាងអាណាធិបតេយ្យដែលទង្វើនិងសកម្មភាពទាំងនេះ ត្រូវបានគេដាក់ការសង្ស័យថា អាចបណ្តាលមកពីលោកសុង ម៉ាឡៃ និងលោករឹម លឹមសេង ជាអ្នកបើកភ្លើងខៀវ ទើបមន្ត្រីប្រចាំការច្រកទ្វាអន្តរជាតិព្រំដែនក្អមសំណ បើកបារ៉ាស់ និងយកលុយពីក្រុមឈ្មួញ ដើម្បីចែកគ្នាធ្វើមានបាន ។

ប្រជាពលរដ្ឋក្នុងខេត្តកណ្តាល និងប្រជាសហគមន៍ ដែលជាអ្នកការពារព្រៃឈើ អំពាវនាវដល់ លោក គុណ ញឹម អគ្គនាយកដ្ឋានគយ និងរដ្ឋករកម្ពុជា ពិសេស លោក ស សុខា រដ្ឋមន្ត្រីក្រសួងមហាផ្ទៃ មិនគួរមើលរំលងពីទង្វើ និងសកម្មភាពរបស់លោកសុង ម៉ាឡៃ និងលោក រឹម លឹមសេង បន្តទៀតឡើយនាំឱ្យមានការរិះគន់ពីសំណាក់មហាជន៕

ដោយ ÷ ដានី