ខេត្តត្បូងឃ្មុំ ៖ ព័ត៍មានពីមន្ត្រីរាជការនៅក្នុងមន្ទីរកសិកម្មខេត្តត្បូងឃ្មុំបានឲ្យគេហទំព័រ រស្មីក្រុងយើង ដឹងថាលោក គឹម ឈុនលី នាយខណ្ឌរដ្ឋបាលព្រៃឈើខេត្តត្បូងឃ្មុំ កំពុងប្រមូលលុយតាមរបៀបពុករលួយពីក្រុមឈ្មួញដឹកជញ្ជូនឈើចេញទៅស្រុកយួនយ៉ាងគគ្រឹកគគ្រេងដោយគ្មានញញើតអ្វីទាំងអស់។
ប្រភពពីមន្ទីរកសិកម្មខេត្តត្បូងឃ្មុំ បានឲ្យដឹងទៀតថា៖ លោក គឹម ឈុនលី ហ៊ានធ្វើអ្វីៗតាមអំពើចិត្តគឺដោយសារអាងមានលោក កែវ អូម៉ាលីស្ស ប្រតិភូរាជរដ្ធាភិបាលទទួលបន្ទុករដ្ធបាលព្រៃឈើ និងលោក ហេង វិសិទ្ធ ប្រធានមន្ទីរកសិកម្មរុក្ខាប្រមាញ់និងនេសាទ ខេត្តត្បូងឃ្មុំជាបង្អែកខ្នងយ៉ាងរឹងមាំហើយជាញឹកញាប់លោក គឹម ឈុនលី តែងប្រើប្រាស់ឈ្មោះលោក វេង សាខុន ដើម្បីបិទបាំងទង្វើរបស់ខ្លួនដោយមិនខ្វល់ពីការរិះគន់អ្វីទាំងអស់។
ហេតុនេះហើយទើបក្រុមឈ្មួញធំៗមួយចំនួននៅតែអាចដឹកជញ្ជូនឈើឆ្លងកាត់ខេត្តត្បូងឃ្មុំ ចេញទៅស្រុកយួនតាមច្រកព្រំដែនជាច្រើនកន្លែងក្នុងស្រុកមេមត់ និងស្រុកពញាក្រែក យ៉ាងពេញបន្ទុក និងជារៀងរាល់យប់មានការឃុបឃិតបើកដៃពីសំណាក់លោក គឹម ឈុនលី ដែលកំពុងល្បីល្បាញក្នុងការឃុបឃិតដើម្បីប្រយាជន៏ផ្ទាល់ខ្លួន មិនញញឹតនិងការប្រព្រឹត្តអំពើពុករលួយ។
ប្រភពដែលស្និទ្ធនឹងលោក គឹម ឈុនលី បានឲ្យដឹងថា ឈ្មួញដឹកជញ្ជូនឈើឆ្លងកាត់ខេត្តត្បូងឃ្មុំ ចេញទៅស្រុកយួនតាមច្រកព្រំដែនក្នុងស្រុកមេមត់ និងស្រុកពញាក្រែក សុទ្ធតែមានទំនាក់ទំនងជិតស្និទ្ធជាមួយលោក គឹម ឈុនលី ទើបអាចដឹកជញ្ជូនឈើទៅដល់គោលដៅប្រកបដោយសុវត្ថិភាព។ ប្រភពបន្ថែមទៀតថា ឈ្មួញឈើដែលជាមន្ត្រីនគរបាលឬមន្ត្រីអាវុធហត្ថ ក៏ដូចជាឈ្មួញជាជនស៊ីវិល ជាឧកញ៉ា ត្រូវតែមានទំនាក់ទំនងជិតស្និទ្ធជាមួយលោក គឹម ឈុនលី ទើបអាចចៀសផុតពីការបង្ក្រាប។ ប្រសិនបើឈ្មួញណាចង់គេចវេះមិនបង់លុយតាមការកំណត់របស់លោក គឹម ឈុនលី គឺត្រូវប្រឈមនឹងការបង្ក្រាបយកស្នាដៃជាមិនខាន ព្រោះលោក គឹម ឈុនលី អាងមានលោក កែវ អូម៉ាលីស្ស និងលោកហេង វិសិទ្ធ ប្រធានមន្ទីរកសិកម្ម ខេត្តត្បូងឃ្មុំ ជាបង្អែកដ៏ក្រាសមិនខ្លាចឥទ្ធិពលពឈ្មួញឈើជាកម្លាំងប្រដាប់អាវុធឡើយ។
មន្ត្រីរាជការនៅក្នុងមន្ទីរកសិកម្មខេត្តត្បូងឃ្មុំ បានឲ្យដឹងថា បច្ចុប្បន្នឈ្មួញឈើច្រើននាក់នៅតែបន្តសកម្មភាពដឹកជញ្ជូនឈើឆ្លងកាត់ខេត្តត្បូងឃ្មុំ ចេញទៅស្រុកយួនយ៉ាងពេញបន្ទុក ជាពិសេសនៅពេលយប់។ ប្រភពបានឲ្យដឹងទៀតថាលោក គឹម ឈុនលី បានចាត់តាំងមនុស្សជំនិតរបស់ខ្លួនដែលមានរថយន្តសម្រាប់ប្រដេញចាប់ក្រុមឈ្មួញដឹកជញ្ជូនឈើខុសច្បាប់ផងដែរ ប្រសិនបើឈ្មួញទាំងនោះមិនរត់ការបង់លុយជាមុន។
ឯកឧត្តម ជាម ច័ន្ទសោភ័ណ អភិបាលខេត្តត្បូងឃ្មុំ ដែលទើបចូលកាន់តំណែងជំនួសលោក លី ឡេង កាលពីពេលថ្មីៗនេះមិនគួរមើលរំលងតទៅទៀតទេ ព្រោះលោក គឹម ឈុនលី និងបក្ខពួកកំពុងធ្វើអ្វីៗស្រេចតែអំពើចិត្ត។ ជាពិសេសលោក គឹម ឈុនលី ចាត់ទុកឈ្មួញឈើជាប្រភពចំណូលដ៏សំខាន់របស់ខ្លួន គឺជាមូលហេតុដែលធ្វើឲ្យក្រុមឈ្មួញបង្កើនសកម្មភាពដឹកជញ្ជូនឈើឆ្លងកាត់ខេត្តត្បូងឃ្មុំ ចេញទៅស្រុកយួន កាន់តែខ្លាំងក្លាជាងមុនទៅទៀត។
ពាក់ពន្ធ័និងការចោទប្រកាន់ខាងលើគេហទំព័រ រស្មីក្រុងយើង មិនអាចសុំការបំភ្លឺបានឡើយពីលោកគឹម ឈុនលីបានឡើយនៅថ្ងៃទី២០ខែធ្នូ ឆ្នាំ២០១៨បានឡើយដោយទូរសព្ឌ័មិនអាចទំនាក់ទំនងបាន។ ដោយឡែកលោកហេង វិសិទ្ធ ប្រធានមន្ទីរកសិកម្មរុក្ខាប្រមាញ់និងនេសាទខេត្តត្បូងឃ្មុំធ្លាប់បានប្រាប់អ្នកសារព័ត៌មានយើងកាលពីថ្ងៃទី១៦ខែធ្នូឆ្នាំ២០១៨លោកមិនបានដឹងរឿងការដឹកជញ្ជូនឈើឡើយ។
គួរបញ្ជាក់ថានៅក្នុងអាណាចក្រខេត្តត្បូងឃ្មុំរាល់យប់ជាប្រភពការឆ្លងកាត់ដឹកជញ្ជូនឈើប្រភេទប្រណិតនិងប្រភេទឈើលេខមួយចូលទឹកដីយួនតាមច្រកត្រពាំងផ្លុងនិងតាមច្រករបៀងផ្សេងៗទៀត ។
អ្វីដែលជាក់ច្បាស់ករណីនគរបាលខេត្តត្បូងឃ្មុំខេត្តមួយរូបវាយនិងកណ្តាប់ដៃបែកមាត់មេព្រៃកាលវេលាម៉ោង១០និង០៥នាទីយប់ក្នុងថ្ងៃទី១៥ខែធ្នូឆ្នាំ២០១៨ថ្មីៗកន្លងទៅនេះធ្វើអោយផ្អើលអស់មហាជននិងសង្គមទំនាក់ទំនងហ្វេសប៊ុកនិងប្រពន្ធ័ផ្សព្វផ្សាយពេញផ្ទៃប្រទេសប៉ុន្តែមកដល់ថ្ងៃនេះ
សមត្តកិច្ចមិនទាន់ចាត់ការទៅលើលោកស្នងការរងទិញឈ្មោះ(សុីឈ្មោះខ្មោច) ហ្សុីន ស្រីលាភ នៅឡើយទេករណីដឹកឈើក្រញ៉ូងបម្រុងឆ្លងទៅប្រទេសវៀតណាម ប៉ុន្តែដោយគ្មានការត្រូវរ៉ូវគ្នាជាមួយលោកគឹម ឈុនលី នាយខណ្ឌរដ្ធបាលព្រៃឈើខេត្តត្បូងឃ្មុំទើបមានការបែកធ្លាយបែបនេះគួរណាស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មេត្តាគួរធ្វើការត្រួតពិនិត្យលើមន្រ្តីឈ្មោះ គឹម ឈុនលី មានតួនាទី នាយខណ្ឌរដ្ធបាលព្រៃឈើខេត្តត្បូងឃ្មុំនេះផងកុំអោយជិះសេះលែងដៃខ្លាំងពេកដូចជាធំក្លិនមិនមិនសូវល្អទេទានប្រោស ៕
ដោយ ៖ សិរីបុត្រ
