ល្បែងមាន់ជល់អនឡាញយ៉ាងអាណាធិបតេយ្យនៅក្នុងទឹកដីខណ្ឌពោធិ៍សែនជ័យ ចង់សាកមើលតើលោក ម៉ម វុធី មេនគរបាលខណ្ឌពោធិ៍សែនជ័យ មានសមត្ថភាពបង្ក្រាបដែរឬទេ
រាជធានីភ្នំពេញ ÷ យោងតាមផេក NCN News Live បានផ្សាយអំពីល្បែងស៊ីសងតាមប្រព័ន្ធអនឡាញជាពិសេស មាន់ជល់តាមទូរទស្សន៍កំពុងតែបង្ហាញខ្លួនយ៉ាងខ្លួនយ៉ាងអាណាធិបតេយ្យនៅក្នុងទឹកដីខណ្ឌពោធិ៍សែនជ័យ រាជធានីភ្នំពេញ ។
តាមការចុះផ្សាយនាព្រលប់ថ្ងៃពុធ ទី១០ ខែមករា ឆ្នាំ ២០២៤ នេះទីតាំងល្បែងមាន់ជល់អនឡាញខុសច្បាប់ទាំងអស់នោះកំពុងពង្វក់ស្មារតីកូនខ្មែរឱ្យងប់ងល់និងលេងល្បែងស៊ីសង លេងខ្វល់ខ្វាយពីការងាររកស៊ីទទួលទាន គិតតែពីលក់ទ្រព្យសម្បត្តិ ភ្លេចការងារផ្ទះសម្បែងជាដើម…ល្បែងទាំងនោះកំពុងលេងនៅតាមទីតាំងខាងក្រោមដូចជា ÷
១. ស្ថិតនៅផ្លូវលេខ 12B ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ
២. ស្ថិតនៅផ្លូវលេខ 123 AK ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ
៣. ស្ថិតនៅផ្លូវលេខ 36k ភូមិព្រៃទា១ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពពីប្រជាពលរដ្ឋបានបង្ហើបប្រាប់ឲ្យដឹងថាល្បែងស៊ីសងអាណាធិបតេយ្យទាំងអស់នេះមានមេរបស់គេបានរត់ការបង់ប្រាក់ប្រចាំខែឲ្យមន្ត្រីគ្រប់ល្ពៅស្អុយមួយចំនួនតូចពីថ្នាក់ក្រោមដល់ថ្នាក់លើអស់ហើយ។ ប្រភពបានបន្ថែមទៀតថាមានថ្ងៃខ្លះឃើញមន្ត្រីចុះទៅឆ្វែលក្រឡឹងម្ដងម្កាលរួចក៏ចេញ ទៅបាត់អស់ទុកឲ្យក្រុមអ្នកលេងល្បែងទាំងអស់នេះលេងយ៉ាងអនាធិបតេយ្យបន្តទៀតដោយមិនគិតអំពីភូមិឃុំមានសុវត្ថិភាពនោះឡើយ។ ហើយវាក៏ជាការប្រាសចាគអំពីសីលធម៌សង្គមរបស់ខ្មែរទៀត ផង។
ប្រជាពលរដ្ឋបានលើកឡើងដោយដាក់ជាចម្ងល់ថា ÷ ហេតុអ្វីបានជាសមត្ថកិច្ចខណ្ឌពោធិ៍សែនជ័យដែលមានលោក ម៉ន វុធី ជាមេនគរបាលខណ្ឌពោធិ៍សែនជ័យ មិនចុះបង្ក្រាបទីតាំងដែលបានមើលឃើញដោយភ្នែកស្រស់ៗនេះម្ដងណាឡើយ ឬមួយលោកចាំទទួលរបាយការណ៍ល្អៗពីការភូតភរកុហកពីមន្ត្រីគ្រប់ល្ពៅស្អុយរបស់លោកទៅវិញ?។
ខណៈនៅព្រលប់ថ្ងៃទី១០ ខែមករា ឆ្នាំ២០២៤ អង្គភាពយើងស្វះស្វែងរកការបំភ្លឺពីលោក ម៉ន វុធី តាមរយៈលេខទូរសព្ទខលចូលច្រើនដងតែពុំមានអ្នកទទួល ទោះបីយ៉ាងណាអង្គភាពយើងខ្ញុំនឹងរង់ចាំការបំភ្លឺរៀងរាល់ម៉ោងធ្វើការ។
ប្រភពពីប្រជាពលរដ្ឋរស់នៅក្នុងតំបន់នោះបានស្នើសុំដល់ ឯកឧត្តមឧត្តមសេនីយ៍ឯក ជួន ណារិនអគ្គស្នងការរងនគរបាលជាតិ និងជាស្នងការរាជធានីភ្នំពេញ មេត្តាដាក់កម្លាំងបង្ក្រាបបទល្មើសល្បែងទាំងអស់នោះឲ្យខានតែបានកុំឲ្យពួកមេល្បែងទាំងនោះធំជាងសមត្ថកិច្ចម្ដងណាឡើយ។
#រូបភាព NCN News Live
