ព័ត៌មាន​ទាន់ហេតុការណ៍
ក្រសួងរៀបចំដែនដី នគរូបនីយកម្ម និងសំណង់ បាននឹងកំពុងអនុវត្តយុទ្ធសាស្រ្តបញ្ចកោណ ដំណាក់កាលទី១ គោលនយោបាយអាទិភាពទាំង៦ និងចំណុចគន្លឹះទាំង៥របស់រាជរដ្ឋាភិបាលកម្ពុជាក្រោមការដឹកនាំដ៏ត្រឹមត្រូវរបស់សម្តេចមហាបវរធិបតីនាយករដ្ឋមន្ត្រី - ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីជំរុញដល់មន្ត្រីនិងអាជ្ញាធរពាក់ព័ន្ធត្រូវរួមគ្នាដោយយកចិត្តទុកដាក់ ដើម្បីសម្រេចតាមផែនការនៃការចុះបញ្ជីដីធ្លីជូនប្រជាពលរដ្ - អ្នកតំណាងរាស្ត្រមណ្ឌលសៀមរាប អញ្ជើញកាត់ខ្សែបូ សម្ពោធឆ្លងកុដិ ផ្លូវបេតុង និងដងទង់ ក្នុងវត្តរតនមុនីរោងគោ ស្រុកក្រឡាញ់ - អគ្គស្នងការនគរបាលជាតិ ប្រកាសការចូលកាន់មុខតំណែង ស្នងការនគរបាលខេត្តសៀមរាបថ្មី - អរគុណនយោបាយឈ្នះឈ្នះ អរគុណសន្តិភាព អរគុណស្ថាបនិកប្រតិបត្តិករសន្តិភាព - ពិធីប្រកាសដាក់ឱ្យប្រើប្រាស់ជាផ្លូវការសេវាសាធារណៈតាមប្រព័ន្ធឌីជីថល របស់ក្រសួងរៀបចំដែនដី នគរូបនីយកម្ម និងសំណង់ - ថ្នាក់ដឹកនាំសាសនាឥស្លាមខេត្តសៀមរាបរៀបចំអបអរសាទរថ្ងៃបិទបញ្ចប់ការបួសរ៉ម៉ាឌន និងរីករាយថ្ងៃបុណ្យរ៉យ៉ាហ្វីតទ្រី (បុណ្យចូលឆ្នាំរបស់សាសនិកឥស្លាម) - វិញ្ញាបនបត្រសម្គាល់ម្ចាស់អចលនវត្ថុចំនួន ១ ៥៦៦បណ្ណ ត្រូវបានចែកជូនបងប្អូនប្រជាពលរដ្ឋនៅភូមិអូរព្រាល ឃុំសំរោង ស្រុកភ្នំក្រវាញ ខេត្តពោធិ៍សាត់ - គណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា បន្តប្រជុំតាមដាន ត្រួតពិនិត្យ និងវាយតម្លៃគម្រោងអភិវឌ្ឍរមណីយដ្ឋានខ្សាច់កម្សាន្តសាធារណៈកម្រិតខ្ពស់ប្រវែង ២ ៧០០ម៉ែត្រ - អាជ្ញាធរសង្កាត់ស្រង៉ែក្រុងសៀមរាបធ្វើសង្ក្រាន្តឆ្នាំថ្មីដើម្បីចង់បង្ហាញវប្បធម៌ អរិយធម៌ ប្រពៃណី និង ទំនៀមទំលាប់របស់ខ្មែរ
0

អ្នកស្រី តូ ស៊ីម និងអ្នកស្រី សុខ ស៊ីណា ស្នើសុំដល់លោក សុខ ហេង អធិការនគរបាលខណ្ឌព្រែកព្នៅ មេត្តាជួយណែនាំដល់អធិការរងព្រហ្មទណ្ឌប្រគល់ម៉ូតូដែលបានឃាត់ទុកកាលពីថ្ងៃទី២៦ ខែវិច្ឆិកា ឆ្នាំ២០២៣!


រាជធានីភ្នំពេញ ÷ អ្នកស្រី តូ ស៊ីម និងអ្នកស្រី សុខ ស៊ីណា រស់នៅភូមិខ្មែរលើ សង្កាត់គោក រកា ខណ្ឌព្រែកព្នៅ រាជធានីភ្នំពេញ គោរពស្នើ សុំដល់ឯកឧត្តមឧត្តមសេនីយ៍ឯក ជួន ណារិន អគ្គស្នងការរង ជាស្នងការនគរបាលរាជធានីភ្នំពេញ ជាពិសេសលោកវរសេនីយ៍ឯក សុខ ហេង អធិការនៃអធិការនគរបាលខណ្ឌព្រែកព្នៅ មេត្តាពិនិត្យមើលលើការបំពេញការងាររបស់លោកអធិការរងព្រហ្មទណ្ឌនិងសូមប្រគល់ម៉ូតូ២គ្រឿងដែលគ្មានបទល្មើសមកអ្នកស្រីទាំងពីរនាក់វិញ។

អ្នកស្រី តូ ស៊ីម បានប្រាប់ឱ្យដឹងថាកាលពីថ្ងៃទី ២៦ ខែវិច្ឆិកា ឆ្នាំ២០២៣ កម្លាំងនគរបាលខណ្ឌព្រែកព្នៅ បានឃាត់ខ្លួនក្មេងទំនើង១០នាក់ជា មួយ នឹងម៉ូតូ៣គ្រឿង (Yamag MxKing ២គ្រឿង និង Dream 100 ១គ្រឿង) រួមទាំងទូរស័ព្ទមួយ ចំនួនផងដែរ ដែលមានកូនរបស់អ្នកស្រីម្នាក់ផងដែរ។ ក្រោយការឃាត់ខ្លួនក្មេងទាំងនោះបានរយៈពេលមួយយប់រហូតដល់វេលា យប់ម៉ោង១០:៣០នាទីនាថ្ងៃទី២៧ ខែវិច្ឆិកា ឆ្នាំ២០២៣ ទើបកម្លាំងជំនាញព្រហ្មទណ្ឌនៃអធិការនគរបាលខណ្ឌព្រែកព្នៅដោះលែងឲ្យត្រឡប់ទៅផ្ទះវិញ។ ដោយឡែកម៉ូតូចំនួន៣ គ្រឿងត្រូវបានរក្សាទុកដោយប្រាប់អ្នកស្រីថា ÷ ចាំពិធីបុណ្យអុំទូករួចសូមម្ចាស់មកដោះស្រាយ ។

អ្នកស្រីបានបន្ថែមទៀតថាក្រោយពីពិធីបុណ្យអុំទុកហើយអ្នកស្រីបានទៅសុំម៉ូតូពីលោកអធិការ រងព្រហ្មទណ្ឌនោះម្តងទៀត តែលោកអធិការរងនោះបានប្រាប់ថាចាំសុំគោលការណ៍ពីមេសិន។ ក្រោយមកអ្នកស្រីបានទាក់ទងទៅលោកអធិការ លោកបានប្រាប់ថាឲ្យយកឯកសារទៅជួបខាងជំនាញដដែរ។

អ្នកស្រីបន្តថានៅថ្ងៃទី១៣ ខែធ្នូ ឆ្នាំ២០២៣ អ្នកស្រីបានយកកាតគ្រីម៉ូតូទៅជួបលោកអធិការរងនោះម្ដងទៀត តែលោកអធិការរងនោះសួរថា តើមានទឹកចិត្តមនោសញ្ចេតនាប៉ុន្មានជូនមេ? ដោយខាងម៉ូតូអាសង់គេបានជួយ១០០ដុល្លារហើយ អ្នកស្រីទាំងពីរនាក់បានជម្រាបលោកអធិការរងនោះថាពួកយើងខ្ញុំមិនមានប្រាក់ទេ ដោយមានត្រឹមតែ៥០ ដុល្លារប៉ុណ្ណោះ។ ពេលនោះលោកអធិការរងបានប្រាប់ថាទុកកាតគ្រី និងលេខទូរសព្ទនៅទីនេះសិនទៅចាំរៀបចំឯកសារស្នើសុំមេសិន នៅពេលបាននិងទូរសព្ទ ហៅមកយក។

អ្នកស្រី តូ ស៊ីម បានឲ្យដឹងនារសៀលថ្ងៃទី២៤ ខែធ្នូ ឆ្នាំ២០២៣ ថា រហូតដល់ថ្ងៃនេះជិតមួយខែហើយដែលម៉ូតូរបស់អ្នកស្រីទាំងពីរគ្រឿងមិនទាន់បានយកចេញពីអធិការនៃអធិការនគរបាលខណ្ឌព្រែកព្នៅនៅឡើយ ហើយអ្នកស្រីសួរថា តើម៉ូតូរបស់ខ្ញុំមានកំហុសអ្វី? បើមនុស្សទាំងអស់នោះបានដោះលែងរួចអស់ហើយ។។

សូមជម្រាបថាអង្គភាពយើងខ្ញុំធ្លាប់បានទំនាក់ទំនងទៅលោក សុខ ហេង អធិការនៃអធិការនគរបាលខណ្ឌព្រៃព្នៅ តាមលេខ 012 207 788 ករណីរឿងម៉ូតូនោះដែរ តែលោកបានបញ្ជាក់ថាសូមឲ្យយកឯកសារទៅជួបខាងជំនាញដើម្បីដោះស្រាយ។

ទាក់ទងអ្នកស្រី តូ ស៊ីម ម្ចាស់ម៉ូតូ ទូរស័ព្ទលេខ
071 873 2 283។

ដោយ ÷ ពុទ្ធី


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.