ព័ត៌មាន​ទាន់ហេតុការណ៍
កិច្ចប្រជុំផ្សព្វផ្សាយពីផែនការសកម្មភាព និងផែនការយុទ្ធសាស្ត្ររបស់ក្រុមការងាររៀបចំផែនការយុទ្ធសាស្ត្រអភិវឌ្ឍន៍តំបន់ប៉ូលសេដ្ឋកិច្ចនៃព្រះរាជាណាចក្រកម្ពុជា នាថ្ងៃទី២០ ឧសភា ឆ្នាំ២០២៤ - បងប្អូនពុទ្ធបរិស័ទសប្បុរសជនប្រគេនទេយ្យទានជាគ្រឿងឧបភោគបរិភោគ ដើមី្បទ្រទ្រង់វិស័យពុទ្ធិកៈសិក្សានៅវត្តស្វាយ រមៀតក្រុងសៀមរាប - គួរឱអាសូនិងសង្វេគជាទីបំផុតករណីក្មេង ស្រីវ័យ១២ឆ្នាំធ្វើអត្តឃាត (ចងក)សម្លាប់ខ្លួនឯង  - ក្រសួងរៀបចំដែនដី នគរូបនីយកម្ម និងសំណង់ ជួបសំណេះសំណាល និងពិភាក្សាជាមួយអតិថិជនបុរីវីអាយភី (VIP) ដេីម្បីដោះស្រាយបញ្ចប់បញ្ហាជាមួយគ្នា - មន្ទីររៀបចំដែនដីនគររូបនីយកម្មសំណង់ និងសុរិយោដីខេត្តរួមជាមួយអាជ្ញាធរស្រុកចុះផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័ក្នុងឃុំជីក្រែង ស្រុកជីក្រែង ខេត្តសៀមរាប ក្នុងតំបន់១និងតំបន់២ នៃអាជ្ញាធរទន្លេសាប សម្រាប់ការចុះបញ្ជីដីធ្លី មានលក្ខណៈជាប្រព័ន្ធ! - វិញ្ញាបនបត្រសម្គាល់ម្ចាស់អចលនវត្ថុ ចំនួន ២,៧០៣ បណ្ណ ត្រូវបានប្រគល់ជូនប្រជាពលរដ្ឋរដ្ឋចំនួន ១,៤០០ គ្រួសារ ស្ថិតនៅភូមិសណ្តាន់ និងភូមិសំព័រ ឃុំចំណាក្រោម ស្រុកស្ទោង ខេត្តកំពង់ធំ - ក្រសួងរៀបចំដែនដី នគរូបនីយកម្ម និងសំណង់ នឹងបើកទំព័រថ្មីលើវិស័យស្ថាបត្យកម្ម វិស្វកម្ម សំណង់ និងនគរូបនីយកម្មនៅកម្ពុជា - ប្រជាពលរដ្ឋរងគ្រោះដោយខ្យល់កន្រ្តាក់ និងរន្ទះបាញ់សរុបចំនួន៦៤គ្រួសារក្នុងស្រុកពួក ទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តសៀមរាប - ឈ្មួញនាំចូលប្រហុកសាច់ត្រីក្នុងមួយថ្ងៃៗរាប់តោនពីវៀតណាមមកកម្ពុជា ដោយមិនរំខានអាជ្ញាធរខេត្តតាកែវ - វិញ្ញាបនបត្រសម្គាល់ម្ចាស់អចលនវត្ថុចំនួន ៦ ៦៧២ បណ្ណ ត្រូវបានចែកជូនបងប្អូនប្រជាពលរដ្ឋនៅភូមិនារាយណ៍ និងភូមិព្រៃស្បូវ ឃុំនារាយណ៍ ស្រុកឈូក ភូមិត្រពាំងច្រនៀង ឃុំស្រែជាខាងជើង ស្រុកដងទង់ និងភូមិខ្ពបរុប ឃុំស្រែចែង ស្រុកជុំគិរី ខេត្តកំពត
0

អង្គកឋិនទានមហាសាមគ្គី ដង្ហែរទៅវត្តប្រាសាទ គោកចកទទួលបានបច្ច័យចំនួនជាង៤២លានសម្រាប់កសាងសមទ្ធិផលនានាក្នុងវត្ត


ខេត្តសៀមរាប ÷ អង្គកឋិនទានមហាសាមគ្គីរបស់សប្បុរសជន និងប្រជាពុទ្ឋបរិស័ទជិតឆ្ងាយក្រោមគំនិតផ្តួចផ្តើមឡើងដោយឯកឧត្តមឧកញ៉ាបណ្ឌិត សៀង ណាំ ឯកឧត្តម ប៊ុន ថាឬទ្ធ អ្នកតំណាងរាស្ត្រមណ្ឌលសៀមរាប និងលោកជំទាវ ព្រមទាំងលោក ស្នងការនគរបាលខេត្ត អាជ្ញាធរក្រុងសៀមរាប មន្ត្រីរាជការ និងបងប្អូនប្រជាពុទ្ធបរិស័យចំណុះជើងវត្ត បានដង្ហែរទៅវត្តប្រាសាទគោកចក ស្ថិតក្នុងភូមិវាល សង្កាត់គោកចក ក្រុងសៀមរាប ខេត្តសៀមរាប។ ដើមី្បប្រមូលបច្ច័យទៅកសាងសមទ្ធិផលក្នុងវត្ត នៅរសៀលថ្ងៃទី១៩ ខែវិច្ឆិកាឆ្នាំ២០២៣ ប្រមូលបច្ច័យបានចំនួន៤២,៧៥០,០០០រៀល ។

អង្គកឋិនទានមហាសាមគ្គី បានដង្ហែប្រទក្សិណ៣ជុំព្រះវិហារ ដោយមានការចូលរួមពីម្ចាស់ត្រ័យ ដូនជី តាជី និងប្រជាពុទ្ធបរិស័ទមកពីគ្រប់ទិសទីយ៉ាង ច្រើនកុះករប្រកបដោយភាពអធិកអធមក្រៃលែង ។ តាមការបញ្ជាក់របស់លោកតាអាចារ្យវត្ត បានឲ្យដឹងអំពីអត្ថន័យ នៃបុណ្យអង្គកឋិនទានថា តាមទំនៀម ទម្លាប់ប្រពៃណីព្រះពុទ្ធសាសនា និងការគោរពបូជារបស់ប្រជាពលរដ្ឋខ្មែរតាំងពីយូរណាស់មកហើយ គឺបុណ្យកឋិនទានធ្វើបានតែរយៈពេល២៩ថ្ងៃប៉ុណ្ណោះ ចាប់ពីថ្ងៃ១រោច ខែអស្សុជ ដល់ថ្ងៃ១៥កើត ខែកត្តិក ដែលការប្រគេនព្រះសង្ឃក្រាលគ្រងនៅថ្ងៃណាមួយក៏បានដែរ ហើយវត្តមួយធ្វើកឋិនទានបានតែម្ដងទេក្នុងមួយឆ្នាំ។

លោកអាចារ្យបន្តថា កឋិន គឺជាសំពត់ដែលទាយក -ទាយិកា នាំយកគ្រឿងស្លៀកដណ្ដប់ ដែលដេរភ្ជាប់ដោយចេសមានឈ្មោះថា ចីវរ ទៅប្រគេនចំពោះភិក្ខុសង្ឃដែលបានគង់ចាំព្រះវស្សាអស់រយៈពេល ៣ខែរួចមកហើយ ចំពោះបុគ្គលដែលធ្វើ គប្បីធ្វើឲ្យត្រូវតាមរបៀបវិន័យព្រះពុទ្ធដែរ ទើបកើតជាកឋិនពេញលក្ខណៈ។ រីឯអានិសង្ស គឺទាយកអ្នកធ្វើកឋិនបានអានិសង្សច្រើន ឯភិក្ខុសង្ឃអ្នកទទួលក្រាលគ្រង និងអនុមោទនាក៏បានអានិសង្ស៥យ៉ាងដែរ ។

មានសង្ឃដិកាព្រះគ្រូវិចិត្រវង្សា ហែម គឹមសាន ញាតិធម្មោ ព្រះចៅអធិការវត្តប្រាសាទគោកចក បានលើកឡើងថាអង្គកឋិនទានសម្រាប់វត្តឆ្នាំនេះកើតឡើដោយ ហេតុ៤យ៉ាង ,ទី១ដោយសារជីដូនជីតា ប្រជាពុទ្ឋបរិស័ទបានស្តាប់ព្រះធម៌ ព្រះវិន័យ ព្រះពុទ្ឋសាសនា បានដឹងថាកឋិនទាន ជាកាលទានមានផលវិសេសជាងទានទាំងពួង ព្រោះបានផលដល់ទាយកម្ចាស់ទានផង បានអានិសង្ឍដល់ភិក្ខុជាបដិគ្គាហកៈអ្នកទទួលក្រាលគ្រង និង អ្នកអនុមោទនាផង។ ទី២ ដោយហេតុបានឃើញព្រះសង្ឃគង់ចាំវស្សាក្នុងវត្តនេះបានរៀនសូត្រធម៌វិន័យ ប្រព្រឹត្តត្រឹមត្រូវតាមច្បាប់ព្រះពុទ្ឋសាសនា។ ទី៣ដោយប្រជាពុទ្ឋបរិស័បានមើលឃើញអំពីហេដ្ឋារចនាសម្ព័ន្ឋវត្តមានអាយុកាលចំណាស់និងរងនូវភាពទ្រុឌទ្រោមជាអន្លើៗ ខ្វះខាតទីសេនាសេនៈសម្រាប់ព្រះសង្ឃ ។ ទី៤ ប្រជាពុទ្ឋបរិស័ទ បានឈ្វេងយល់ នូវអាយុសង្ខាររបស់ខ្លួនមិនទៀង ស្ថិត ស្ថេរឡើយ ក៏នាំគ្នាសន្សំបុណ្យទានសម្រាប់ជាតិមុខរបស់ពួកគាត់រៀងៗខ្លួន ។

ព្រះចៅអធិការបានថ្លែងអំណរគុណយ៉ាងជ្រាលជ្រៅ ចំពោះពុទ្ធបរិស័ទ សំខាន់ម្ចាស់ផ្តើមបុណ្យទាំងអស់ ដែលបាននាំយកត្រ័យចីវរ មកប្រគេនដល់ព្រះសង្ឃ គង់ចាំព្រះវស្សាអស់កាលត្រីមាស ក្នុងវត្តប្រាសាទ គោកចកនេះ ។ ព្រះអង្គបានមានសង្ឃដិកាថា កឋិន ទានមហាសាមគ្គីនេះ ប្រមូលបច្ច័យ សម្រាប់យកមកកសាងសមទ្ធិផលក្នុងវត្តនេះមានចំនួន ៤២,៧៥០,០០០រៀល។ សូមឲ្យវត្ថុស័ក្តិសិទ្ធិក្នុងលោក ពិសេសបារមីព្រះអង្គចេកព្រះអង្គចម យាម ទេព តាដំបងដែក លោកតារាជ តាពេជ្ជ បារមីទេវតា គង់ប្រថាប់ថែរក្សានៅតាមប្រាង្គប្រាសាទនៅលើទឹកដីអង្គរ តាមជួយបីបាច់ថែរក្សាបងប្អូន ថ្នាក់ ដឹកនាំទាំងអស់គ្រប់ទិវារាត្រី ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.