រាជធានីភ្នំពេញ ៖ ក្រោមការដឹកនាំបញ្ជាដោយផ្ទាល់ពីឧត្តមសេនីយ៏ឯក រ័ត្ន ស្រ៊ាង មេបញ្ជាការរងអាវុធហត្ថលើផ្ទៃប្រទេស និងជាមេបញ្ជាការអាវុធហត្ថរាជធានីភ្នំពេញ កំលាំងជំនាញនៃការិយាល័យស្រាវជ្រាវបទល្មើសគ្រឿងញៀន បានបញ្ជូនជនសង្ស័យប្រុសស្រី១០នាក់ ទៅតុលាការដើម្បីធ្វើការផ្តន្ទាទោស ពាក់ព័ន្ធករណីគ្រឿងញៀន រួមនិងវត្ថុតាងក្រាមពណ៌សថ្លា ២៨កញ្ចប់(ប្រភេទម៉ាទឹកកក)នាថ្ងៃទី២០ ខែធ្នូ ឆ្នាំ២០១៨ ។
ជនសង្ស័យទាំង ១០នាក់នេះរួមមាន៖
១.ឈ្មោះ សុខ ចន្ធី ភេទស្រី អាយុ ៣៦ឆ្នាំ ,២.ឈ្មោះ ម៉ៅ រាសី ភេទប្រុស អាយុ ៤២ឆ្នាំ ,៣. ឈ្មោះ អ៊ែល រតនា ភេទប្រុស អាយុ ៣៧ឆ្នាំ ,៤. ឈ្មោះ ចន ប៊ុនធឿន ភេទប្រុស អាយុ ២៨ឆ្នាំ ៥. ឈ្មោះ សុន សុភ័ក្រ ភេទប្រុស អាយុ ៣១ឆ្នាំ ,៦. ឈ្មោះ នួន កក្កដា ភេទប្រុស អាយុ ៣៨ឆ្នាំ ,៧. ឈ្មោះ ស៊ុន រឹទ្ធ ភេទប្រុស អាយុ ២០ឆ្នាំ ,៨. ឈ្មោះ គង់ សុវណ្ណធរ៉ា ភេទស្រី អាយុ ២៧ឆ្នាំ ឃាត់ខ្លួនបានកាលពីវេលាម៉ោង០៩:៤០នាទី ចំណុច សំណង់មិនរៀបរយ ភូមិព្រែកទាល់១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ៩. ឈ្មោះ សិទ្ធ បញ្ញា ភេទប្រុស អាយុ ២៤ឆ្នាំ និងទី១០. ឈ្មោះ វ៉ាន់ ស្រីរត្ន័ ភេទស្រី អាយុ ២១ឆ្នាំ ឃាត់ខ្លួនបានកាលពីចន្លោះវេលាម៉ោង០៩:១៥នាទី និងម៉ោង០៩:៤៥នាទី ចំណុច បន្ទប់ជួលលេខ៣ ផ្លូវលំ ភូមិដំណាក់ធំ១ សង្កាត់ស្ទឹងមានជ័យ និង ផ្ទះគ្មានលេខ ផ្លូវ៧៧ ក្រុម៥ ភូមិចំរើនផល សង្កាត់បឹងទំពុន១ ខណ្ឌមានជ័យ រាជធានីភ្នំពេញ។
ក្រោយពេលឃាត់ខ្លួនជនសង្ស័យទាំង១០មកសួរចម្លើយ ក្រោមវិធានការជំនាញ នៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ ពួកគេទាំង១០នាក់ បានសារភាពថា គឺពិតជាជាប់ពាក់ព័ន្ធករណីគ្រឿងញៀនប្រាកដមែន ហើយគ្រឿងទាំងអស់ក៏ជារបស់ពួកគេដែរ ទើបសមត្ថកិច្ចអាវុធហត្ថបានប្រមូលវត្ថុតាង និងសុំណុំរឿងបញ្ជូនទៅតុលាការ ដើម្បីចាត់ការបន្តតាមច្បាប់៕
ដោយ ៖ សិរីបុត្រ
