រាជធានីភ្នំពេញ៖ ថ្ងៃព្រហស្បតិ៍ ៦កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៣ ខែធ្នូ ឆ្នាំ២០១៨ ដោយមានការបញ្ជាផ្ទាល់ និងដឹកនាំដោយឯកឧត្តមសេនីយន៏ឯក រ័ត្ន ស្រ៊ាង មេបញ្ជាការរង នៃអាវុធហត្ថលើផ្ទៃប្រទេស និងជាមេបញ្ជាការអាវុធហត្ថរាជធានីភ្នំពេញ បានដាក់បញ្ជា និងក្រើនរំលឹកដល់កម្លាំងកងរាជអាវុធហត្ថទូទាំងរាជធានីភ្នំពេញ អោយបង្កា បង្រ្កាប និងការពារសុវត្ថិភាពជូនប្រជាពលរដ្ឋ អោយមានសុខសន្តិភាព ។ ទន្ទឹមនិងបទបញ្ជា អាវុធហត្ថខ័ណ្ឌសែនសុខ បានបើកវគ្គបង្រៀនកម្លាំងមូលដ្ឋានកងរាជអាវុធហត្ថ ពីយុទ្ធសាស្រ្តពីការបង្ក្រាបជនល្មើស មានអាវុធនៅនឹងដៃ។
ដោយឡែកកម្លាំងមូលដ្ឋានកងរាជអាវុធហត្ថខណ្ឌទាំង១២ ក៏ដូចកម្លាំងក្នុងទីបញ្ជាការ រួសរាន់ក្រោកពីដំណេក ងូតទឹក ស្លៀកពាក់ រង់ចាំទទួលបទបញ្ជាចេញបេសកកម្ម ការពារ សន្តិសុខ សុវត្ថិភាព ជួយសម្រួលចរាចរ ជូនសិស្សានុសិស្សឆ្លងផ្លូវ គណៈប្រតិភូជាតិ និងអន្តរជាតិ តាមភូមិសាស្រ្តសំខាន់ៗ ក្នុងរាជធានីភ្នំពេញ ។
ក្រៅពីបេសកកម្មការងាររបស់កម្លាំងក្នុងទីបញ្ជាការ កម្លាំងមូលដ្ឋានអាវុធហត្ថខណ្ឌទាំង១២ នៃរាជធានីភ្នំពេញ ក៏បានបន្តចេញល្បាតការពារ សន្តិសុខ សុវត្ថិភាព ជូនបងប្អូនប្រជាពលរដ្ឋ ទាំងនៅលើដងផ្លូវ និងទាំងកំពុងនៅសម្រាន្តលង់លក់ក្នុងគេហដ្ឋាន តាមភូមិសាស្រ្តខណ្ឌរៀងៗខ្លួន នាពេលរាត្រីដោយពុំខ្លាចភាពនឿយហត់៕
ដោយ ៖ សិរីបុត្រ
