ព័ត៌មាន​ទាន់ហេតុការណ៍
ឯកឧត្តមឧបនាយករដ្ឋមន្ត្រី សាយ សំអាល់ ចាត់ទុកធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុដ៏ទៃទៀត ជាដៃគូរយុទ្ធសាស្រ្តដ៏សំខាន់មួយ ក្នុងការទ្រទ្រង់ឧស្សាហកម្មហិរញ្ញវត្ថុ - ក្រសួងរៀបចំដែនដី នគរូបនីយកម្ម និងសំណង់ បានអញ្ជើញភាគីពាក់ព័ន្ធ ដើម្បីពិនិត្យ និងពិគ្រោះយោបល់លើការងារគ្រប់គ្រង និងប្រើប្រាស់ដី ស្ថិតនៅក្នុងភូមិឆ្វាំង ឃុំសំអាង - ដីឡូតិ៍លំនៅឋានត្រូវបានប្រគលជូនកងទ័ព នគរបាលជាតិដែលឈរជើងតាមព្រំដែនកម្ពុជា-វៀតណាម និងអតីតកងកម្លាំងប្រដាប់អាវុធ - វិញ្ញាបនបត្រសម្គាល់ម្ចាស់អចលនវត្ថុចំនួន ២៥៩បណ្ណ ជូនបងប្អូនប្រជាពលរដ្ឋស្ថិតនៅភូមិរណែង ឃុំស្រែឈូក ស្រុកកែវសីមា ខេត្តមណ្ឌលគិរី - លោក សាយ សំអាល់ ៖ កីឡាឡើងភ្នំបាននិងកំពុងទាក់ទាញចំណាប់អារម្មណ៍ខ្លាំងពីសំណាក់ប្រជាជនកម្ពុជា - ពិធីប្រកាសចូលកាន់តំណែង ក្រុមប្រឹក្សាខេត្តសៀមរាប អាណត្តិទី៤ នៅសាលសន្និសិទ្ធ សណ្ឋាគារសុខាសៀមរាប - ប្រជាពលរដ្ឋដែលមានក្បាលដីឃុំកែវពណ៌ស្រុកពួកខេត្តសៀមរាបត្រូវបានការងារចុះបញ្ជីដីធ្លីខេត្តធ្វើការប្រកាសកំណត់តំបន់សម្រាប់ធ្វើការវិនិច្ឆ័យ និងការចុះបញ្ជីដីធ្លីដែលមានលក្ខណៈជាប្រព័ន្ធ! - ឧបនាយករដ្ឋមន្ត្រី សាយ សំអាល់ ៖ តបតាមប្រសាសន៍ដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី សមាជិកក្រុមប្រឹក្សាខេត្ត អាណត្តិថ្មី ដែលជាអង្គនីតិប្បញ្ញត្តិរបស់ថ្នាក់ក្រោមជាតិនៃខេត្តនៅតាមតំបន់ឆ្នេរ ត្រូវជំរុញដំណើរការអភិវឌ្ឍតាមបែបប្រជាធិបតេយ្យថ្នាក់ក្រោមជាតិ - មន្ទីររៀបចំដែនដីនគរូបនីយកម្មនិងសំណង់ខេត្តសៀមរាបអំពាវនាវឱ្យប្រជាពលរដ្ឋដែលជាម្ចាស់ក្បាលដី ក្នុងឃុំកណ្តែក ស្រុកប្រាសាទបាគងអញ្ជើញមកពិនិត្យនិងផ្ទៀងផ្ទាត់ទិន្នន័យក្បាលដី! - គណៈអចិន្រ្តៃយ៍នៃគណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) បានរៀបចំកិច្ចប្រជុំរបស់ខ្លួន ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក
0

ទេយ្យទាន​របស់​សម្តេចធិបតី ​ហ៊ុន ​ម៉ាណែត ​និង​លោក​ជំទាវ​បណ្ឌិត​ប្រគេន​ព្រះ​សង្ឃ​០៩​វត្ត​ ​ដែល​មាន​ការ​ខ្វះ​ខាត​ទេយ្យទាន ​គ្រឿង​ឧបភោគ​បរិភោគ​រួម​មាន ​អង្ករ​ចំនួន ​១៤០​ការ៉ុង ​ស្មើ ​៣​៥០០​គក្រ ,មី១៧៥កេស


ខេត្តសៀមរាប ÷ ក្រសួងធម្មការ និងសាសនា នាំទេយ្យទានរបស់សម្តេចធិបតី ហ៊ុន ម៉ាណែត និងលោកជំទាវបណ្ឌិតប្រគេនព្រះសង្ឃ០៩វត្ត ដែលមានការខ្វះខាតទេយ្យទាន គ្រឿងឧបភោគបរិភោគរួមមាន អង្ករចំនួន១៤០ការ៉ុង ស្មើ៣៥០០គក្រ មី ១៧៥កេស ជាអំណោយដ៏ថ្លៃថ្លាពីសម្តេចធិបតី ហ៊ុន ម៉ាណែត នាយករដ្ឋមន្ត្រី និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានលោក ជំទាវ ទូច សារ៉ុម រដ្ឋលេខាធិការក្រសួងធម្មការ និង សាសនា តំណាងដ៏ខ្ពង់ខ្ពស់ឯកឧត្តម បណ្ឌិត ចាយ បូរិន រដ្ឋមន្ត្រីក្រសួងធម្មការ និងសាសនា ដោយបានសហការជាមួយរដ្ឋបាលខេត្ត និងព្រះមេគណខេត្ត សៀមរាប បាននាំយកមកវេរប្រគល់នៅរសៀលថ្ងៃទី១៦ ខែតុលាឆ្នាំ ២០២៣ បានរៀបចំឡើងនៅវត្តរាជបូណ៌ ស្ថិតក្នុងសង្កាត់សាលាកំរើក ក្រុង ខេត្តសៀមរាប ក្រោមព្រះ អធិបតីភាពសម្ដេចព្រះព្រហ្មរតនមុនី ពិន សែម សិរីសុវណ្ណោ គណៈមហានិកាយឧត្តមទីប្រឹក្សាគណៈសង្ឃនាយក និងជាសមាជិកថេរសភាព្រះពុទ្ធសាសនា នៃព្រះរាជា ណាចក្រកម្ពុជា និង ជាព្រះចៅអធិការវត្តរាជបូណ៌ ព្រះធម្មសិរី អាភាករោ ជុំ គឹមឡេង ព្រះរាជា គណៈកិត្តិយស ព្រះសុមង្គលសិលាចារ្យ ព្រះមេគណខេត្តសៀមរាប និង លោកស្រី យូ សុភា អភិបាលរង ខេត្តសៀមរាបផងដែរ។

លោកជំទាវ ទូច សារ៉ុម បាននាំយកប្រសាសន៍ផ្តាំផ្ញើសួរសុខទុក្ខរបស់សម្តេចនាយករដ្ឋមន្ត្រី និងឯកឧត្តមបណ្ឌិត ចាយ បូរិន រដ្ឋមន្ត្រីក្រសួងធម្មការ និងសាសនា ប្រគេន និងជូនដល់មន្ត្រីសង្ឃខេត្ត ព្រះសង្ឃគ្រប់អង្គ ប្រជាពុទ្ធបរិស័ទ ដែលជានិច្ចកាល សម្តេចបវរធិបតី ហ៊ុន ម៉ាណែត នាយករដ្ឋមន្ត្រី ដែលបានដឹកនាំបន្ត ពីរាជរដ្ឋាភិបាលអាណត្តិទី៦ ក្រោមការដឹកនាំរបស់សម្តេចតេជោ ហ៊ុន សែន តែងតែគិតគូរពីសុខទុក្ខ ភាពលំបាក ខ្វះខាត ទាំងវិស័យពុទ្ធចក្រ និងអាណាចក្រ និងគោរពស្រឡាញ់ជឿជាក់លើព្រះពុទ្ឋសាសនា ព្រោះ ថាព្រះពុទ្ឋសាសនា បានដើរតួនាទីយ៉ាងសំខាន់ ក្នុងការអប់រំ និងចូលរួមចំណែកអភិវឌ្ឍសង្គមជាតិ ជា មួយរាជរដ្ឋាភិបាលកម្ពុជា ជំរុញឲ្យប្រជាពលរដ្ឋប្រកាន់ភ្ជាប់នូវសីលធម៌ ចរិយាធម៌ និងគុណធម៌ល្អប្រសើរក្នុងការរស់នៅ ។

លោកជំទាវ បានបន្តទៀតថា ក្នុងនាមក្រសួងធម្ម ការនិងសាសនា ពិតណាស់គឺចង់ឃើញនៅតាម បណ្តាវត្តវ៉ាអារាមនានា ឭតែសម្តេងព្រះធម៌ មានភាពស្ងប់ស្ងាត់ ដែលផ្តល់ភាពត្រជាក់ត្រជុំសម្រាប់ប្រជាពុទ្ឋបរិស័ទជ្រកក្រោមម្លប់ព្រះធម៌ ស្របតាមរដ្ឋធម្មនុញ្ញ ថា ព្រះពុទ្ឋសាសនាជាសានារបស់រដ្ឋ ។ លោកជំទាវបានលើកឡើងថាបច្ចុប្បន្នវិស័យព្រះពុទ្ឋសាសនាបានកំពុងតែល្បីរន្ទឺនៅក្នុងពិភពលោក ហើយបណ្តាប្រទេសជឿនលឿននិងប្រទេសកំពុងអភិវឌ្ឍក៏មានភាពជឿជាក់ថា ព្រះពុទ្ឋសាសនាធ្វើឲ្យប្រទេសរីកចម្រើនជឿនលឿន ជាពិសេសនៅកម្ពុជាយើងតែម្តង។ ភាពល្បីល្បាញនិងភាពរីកចម្រើនរបស់ព្រះពុទ្ឋសាសនា អាចប្រព្រឹត្តទៅបានគឺអាស្រ័យដោយប្រទេសជាតិមានសុខសន្តិភាព បើគ្មានសុខសន្តិភាពទេយើងក៏គ្មានឱកាសអភិវឌ្ឍប្រទេសបានរីកចម្រើនដូចសព្វថ្ងៃនេះឡើយ ។

សម្ភារៈអំណោយទាំងនេះ បានបែងចែកនិងប្រគេនដល់វត្តចំនួន៧និងអាស្រមចំនួន២ ទៅតាមចំនួនព្រះសង្ឃគង់ក្នុងវត្តជាក់ស្តែង និងជាវត្តដែលមានការខ្វះខាតអំឡុងពេលពិធីបុណ្យកាន់បិណ្ឌនិង ភ្ជុំបិណ្ឌ ព្រមទាំងជាវត្តដែលបើកសាលាពុទ្ធិកបឋមសិក្សាមួយចំនួននៅក្នុងខេត្តសៀមរាប ដើម្បីចូលរួមចំណែកទ្រទ្រង់វិស័យព្រះពុទ្ធសាសនា ឲ្យកាន់តែរីកចម្រើនទ្វេរឡើងថែមទៀត៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.