ពោធិសែនជ័យ ៖ សន្តិសុខយាមរោងចក្រ សហការជាមួយកំលាំងសមត្ថកិច្ចចោមចៅទី៣បានឃាត់ជនសង្ស័យចំនួន៣នាក់ផ្លោះរបងចូលលួចកាត់ខ្សែរភ្លើងនៅក្នុងរោងចក្រមួយកន្លែងកន្លែងស្ថិតនៅភូមិអង្គកែវ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង១១និង៣០នាទីព្រឹកថ្ងៃពុធ ១កើតខែបុស្ស ខែមាឃ ឆ្នំារកា ពស២៥៦១ ត្រូវនិងថ្ងៃទី១៧ ខែមករា ឆ្នាំ២០១៨។
ជនសង្ស័យទី១.ឈ្មោះនី ណេត ភេទប្រុសអាយុ ២១ឆ្នាំមុខរបនិងស្នាក់នៅមិនពិតប្រាកដ ទី២.ឈ្មោះ ផាត សុវណ្ណា ភេទប្រុសអាយុ៣១ឆ្នាំ មុខរបរជាងផ្សារដែកស្នាក់នៅភូមិកំបូល សង្កាត់កំបូល ខណ្ឌពោធិ៍សែនជ័យ និងទី៣.ឈ្មោះ ថាច ប៉ុនថន ភេទប្រុសអាយុ៣១ឆ្នាំ មុខរបរជាងផ្សារដែក ស្នាក់នៅផ្សារកំបូល សង្កាត់កំបូល ខណ្ឌពោធិ៍សែនជ័យ។
តាមសម្តីបុរសជាអ្នកមើលការខុសត្រូវក្នុងរោងចក្រខាងលើបានឲ្យដឹងថា រោងចក្រខាងលើបានបិទដំណើរការជាង២ឆ្នាំមកហើយ ដោយបិទទ្វារចោលហើយរូបគាត់ជាអ្នកមើលការខុសត្រូវ ដោយសារតែទីធ្លាដីធំពេកទើបមើលមិនសព្វគ្រប់ក្នុងទីកន្លែងរោងចក្រ ហើយជាញឹកញ៉ាប់នៅក្នុងរោងចក្រខាងលើតែងតែបានបាត់សំភារះជាច្រើនលើកច្រើនសារមកហើយ ។ លុះដល់វេលាកើតហេតុខាងលើស្រាប់តែឃើញជនសង្ស័យចំនួន៣នាក់កំពុងធ្វើសកម្មភាពចូលលួចកាត់ខ្សែរភ្លើងទើបលោករាយការណ៍ជូនទៅសមត្ថកិច្ចឃាត់ខ្លួនភា្លមៗតែម្តង ។
នៅចំពោះមុខសមត្ថកិច្ចជនសង្ស័យទាំង៣នាក់ បានអោយដឹងថាពួកគេបានធ្វើសកម្មភាពលួចកាត់ខ្សែរភ្លើងពិតប្រាកដមែន និងធ្លាប់ប្រើប្រាស់គ្រឿងញៀនថែមទៀតផង។
ជនសង្ស័យត្រូវបានសមត្ថកិច្ចធ្វើការសាកសួរ និងកសាងសំណុំរឿងព្រមទាំងវត្ថុតាងបញ្ជូនទៅកាន់អធិការនរបាលខណ្ឌពោធិ៍សែនជ័យដើម្បីបន្តបញ្ជូនទៅកាន់តុលារការចាត់ការតាមនីតិវិធីច្បាប់៕
ដោយ ៖ វិចិត្រ
