ខេត្តត្បូងឃ្មុំ ÷ នៅថ្ងៃទី១០ ខែតុលា ឆ្នាំ២០២៣ មានសេចក្តីរាយការណ៍ពីច្រកទ្វារភាគីទន្លេចាម ជាមួយខេត្តប៉ិញភឿក (ប្រទេសវៀតណាម) ដែលមានកាស៊ីណូមួយឈ្មោះ Royal Casino បានអនុញ្ញាតឱ្យជនជាតិវៀតណាមឆ្លងដែនចូលលេងល្បែងមាន់ជល់ បៀរ គ្រប់ឡុកឡាក់…ជាដើម។ ដែលមានទីតាំងស្ថិតនៅភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ។
តាមប្រភពច្បាស់ការណ៍បានឲ្យដឹងថាកាស៊ីណូខាង លើនេះមិនទាន់មិនមានច្បាប់អនុញ្ញាតត្រឹមត្រូវតាម ច្បាប់ល្បែងពាណិជ្ជកម្មនោះឡើយជាពិសេសក៏ពុំទាន់មានប្រាក់តម្កល់ទុកនៅក្នុងស្ថាប័នដែលមាន សមត្ថកិច្ចនៅឡើយដែរ យោងតាមការបង្ហើបប្រាប់ពីបុគ្គលម្នាក់ដែលមានឈ្មោះសិទ្ធិដែលគេដឹងថាជាអ្នកមើលការខុសត្រូវនៅក្នុងកាស៊ីណូខាងលើ។
មហាជនជនបានសំណូមពរដែលឯកឧត្តមបណ្ឌិត ជៀម ច័ន្ទសោភ័ណ្ឌ អភិបាលនៃគណៈអភិបាលខេត្តត្បូងឃ្មុំ និងលោក ម៉ុន មាគ៌ា ស្នងការនគរបាលខេត្តត្បូងឃ្មុំ មេត្តាចាត់កម្លាំងដើម្បីធ្វើអធិការកិច្ចលើ Casino ដែលមានឈ្មោះ Royal Casino ខាងលើដើម្បីឲ្យប្រាកដថាតើកាស៊ីណូនោះបានប្រកបអាជីវកម្មមានលក្ខណៈត្រឹមត្រូវតាមច្បាប់ហើយដែរឬទេ និងសូមពិនិត្យមើលសកម្មភាពការងាររបស់មន្ត្រីនៅតាមច្រកនោះដែលអនុញ្ញតិឱ្យជនជាតិវៀតណាមដែលឆ្លងដែនចូលមកលេងល្បែងទាំងនេះត្រឹមត្រូវតាមច្បាប់ដែរឬទេ។
នៅរសៀលថ្ងៃទី១០ ខែតុលាឆ្នាំ២០២៣ អង្គភាពយើងខ្ញុំបានព្យាយាមស្វះស្វែងរកការបំភ្លឺពីឯកឧត្តមអភិបាលខេត្ត និងលោកស្នងការេខត្តត្បូងឃ្មុំដើម្បីបញ្ជាក់ពីករណីខាងលើ តែមិនអាចទំនាក់ទំនងបានដោយទូរស័ព្ទហៅចូលច្រើនដងតែមិនមានអ្នកលើកទោះយ៉ាងណាអង្គភាពយើងខ្ញុំនិងរង់ចាំការបំភ្លឺគ្រប់ភាគីពាក់ព័ន្ធ៕
ដោយ ÷ ពុទ្ធី
