ខេត្តបន្ទាយមានជ័យ៖ លោកឧត្តមសេនីយ៍ត្រី ឃួន ជឿន មេបញ្ជារការយោធាល្បាតព្រំដែនគោកលេខ៥០៣ និងជារងកងពលថ្មើជើងលេខ៥១ ព្រមទាំងអ្នកការសែតជើងចាស់មួយរូបសូមមិនបញ្ចេញឈ្មោះ ដែលចេញមុខកាងឲ្យលោកឧត្តមសេនីយ៍ត្រី ឃួន ជឿន ផងនោះដែលកន្លងមកបានបដិសេធថា ច្រករបស់លោកមិនបានបើកដើម្បី នាំទំនិញគេចពន្ធនោះទេ ប៉ុន្តែជាក់ស្តែងសូមមើលអត្ថបទខាងក្រោមៈ
តាមប្រភពពីមន្ត្រីយោធាលេខ៥០៣ម្នាក់ សុំមិនបញ្ចេញឈ្មោះ បានទម្លាយអាថ៍កំបាំងអោយបានដឹងថា៖ លោក ឃួន ជឿន មេបញ្ជារការយោធាល្បាតព្រំដែនគោកលេខ៥០៣ អាងខ្នងបង្អែង ឃុបឃិតគ្នាជាមួយឈ្មួញនាំរថន្តចង្គូតស្តាំ ម៉ូតូ ជ្រូក មាន់ ទារ ក្របី ពិសេសទំនិញគេចពន្ធគ្រប់ប្រភេទឆ្លងដែនពីប្រទេសថៃចូលមកកម្ពុជា យ៉ាងគគ្រឹកគគ្រេងដូចគេហែកឋិនអញ្ជឹង ជារៀងរាល់យប់។
ជាក់ស្តែងកាលពីវេលាម៉ោង០៨ និង៣០នាទីយប់ ថ្ងៃទី០៧ ខែធ្នូ ឆ្នាំ២០១៨មានឈ្មួញឈ្មោះ ធា ដោយគេដឹងថា ជាមន្ត្រីយោធាម្នាក់បាននាំយក ត្រាក់ទ័រ រថយន្ត និងម៉ូតូចេញពីប្រទេសថៃមកកាន់ប្រទេសកម្ពុជា គគ្រឹកគគ្រេង ហើយក្នុងនោះក៏មានរថយន្តដែលមានស្លាកលេខរដ្ឋ ចាប់បានមួយថ្ងៃត្រូវបានដោះលែងទៅវិញ ហើយអ្នកដែលបើករថយន្តនោះមានឈ្មោះ ឆាយ និងឈ្មោះ ងោល។
ប្រភពដដែរបានបន្តថា៖ ការនាំ ត្រាក់ទ័រ រថយន្តចង្គូតស្តាំនិងម៉ូតូចេញពីប្រទេសថៃមកកាន់ប្រទេសកម្ពុជានេះ មិនមែនមានតែមួយថ្ងៃនោះទេ ពោលគឺរាល់យប់តែម្តង ដោយមិនមានការរំខានពីមន្ត្រីពាក់ពន្ឋ័ឡើយ។
ពាក់ពន្ឋ័ទៅនឹងការបើកច្រករបៀងបែបនេះ ត្រូវបានសម្តេចក្រឡាហោម ស ខេង ឧបនាយករដ្ឋមន្ត្រីក្រសួងមហាផ្ទៃ បានចេញបទបញ្ជាឲ្យបិទរាល់ច្រករបៀងនៅតាមបន្ទាត់ព្រំដែនកម្ពុជា-ថៃ។ តើលោកអភិបាលខេត្តមន្ទាយមានជ័យបានជ្រាបទេ ករណីលោក ឃួន ជឿន កំពុងលួចធ្វើបទល្មើស ផ្ទុយនិងអនុសាសន៏ដ៏ខ្ពង់ខ្ពស់របស់សម្តេច ស ខេង។
តែពេលនេះបទបញ្ជារបស់សម្តេច ហាក់បីដូចជាមិនសូវមានប្រសិទ្ធប្រភាព ខណៈដែរច្រករបៀងនេះ ដែរគ្រប់គ្រងដោយលោកឧត្តមសេនីយ៍ត្រី ឃួន ជឿន មេបញ្ជារការយោធាល្បាតព្រំដែនគោកលេខ៥០៣ នៅតែបន្តបើកយ៉ាងរលូន។
សូមបញ្ជាក់ដែរថា៖ នាពេលថ្មីៗនេះកម្លាំងសមត្ថកិច្ចគយ ក៏បានចុះចាប់នូរថយន្តសេរីទំនើបរបស់លោក ឧកញ៉ា ហង្យ ស៊ីផា ដែលនាំចេញពីប្រទេសថៃតាមច្រករបៀងដែលគ្រប់គ្រងដោយលោកឧត្តមសេនីយ៍ត្រី ឃួន ជឿន ដដែល។
ដោយ ៖ សិរីបុត្រ
