ខេត្តក្រចេះ ៖ ឈ្មួញរកសុីខាងដឹកជញ្ចូនឈេី ឈ្មោះ ផល រស់ភូមិស្វាយទាប ឃុំអំពិលក្រៅ ស្រុកសុីធរកណ្តាល ខេត្តព្រៃវែង ដែលគេស្គាល់ថាជាមេឈ្មួញដ៏មានឥទ្ធិពល ខាងរកសុីបទល្មេីសដឹកជញ្ចូនធនធានធម្មជាតិព្រៃឈេីយ៉ាងដុះស្លែររាប់ឆ្នាំមកហេីយក្រោយ ពីផ្អាកមួយរយៈពេលខ្លី ពេលសមត្ថកិច្ច បង្ក្រាបឥលូវចាប់ផ្តេីមបន្តសកម្មភាពដឹកជញ្ចូនឈេីឡេីងវិញហើយ ដោយបន្តដឹកចេញពីចំណុច ព្រៃឡង់ ភូមិស្ពានក្តារ ឃុំកំពង់ចាម ស្រុកសំបូរ ខេត្តក្រចេះ ជាតំបន់ព្រៃឡង់ តំបន់អភិរក្សសត្វព្រៃ។
ប្រភពពីប្រជាពលរដ្ឋបានឲ្យដឹងថានៅយប់ម៉ោងប្រហែល២:០០នាទី ទៅ៣:០០នាទីនាថ្ងៃទី២៥ ខែកញ្ញា ឆ្នាំ២០២៣ គេបានឃើញ រថយន្តសាមយ៉ុងកែឆ្នៃគ្មានស្លាកលេខសំគាល់ ដែលគេស្គាល់ថាជារថយន្តរបស់មេឈ្មួញបំផ្លាញព្រៃឈើឈ្មោះផល ដឹកជញ្ជូនឈើចេញពីតំបន់ខាងលើឆ្ពោះកាត់ទៅតាមស្រុកស្ទឹងត្រង់ ខេត្តកំពង់ចាម ហើយបានបន្តឆ្ពោះទៅកាន់ខេត្តព្រៃវែង។
ប្រភពបានបន្តឲ្យដឹងទៀតថាមេឈ្មួញឈ្មោះផល រូបនេះបានអួតអាងប្រាប់អ្នកភូមិខាងលើថាគេរកស៊ីដឹកជញ្ជូនបទល្មើសព្រៃឈើនេះបានដោយរលូនដោយគេបានបង់ប្រាក់ជូនសមត្ថកិច្ចគ្រប់ថ្នាក់តាមឋានានុក្រមអស់ហើយ ដូច្នេះគ្មានសមត្ថកិច្ចណាហ៊ានបង្រ្កាប ឡេីយ ។
ប្រជាពលរដ្ឋបានទទួចស្នើសុំដល់លោកនាយឧត្តមសេនីយ៍ផ្កាយមាសបួន សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈ កម្មការបង្ក្រាបបទល្មើសព្រៃឈើ មេត្តាចាត់កម្លាំងចាំស្ទាក់បង្ក្រាប់រថយន្តដឹកឈើរបស់លោកផលផងទានដើម្បីឲ្យធនធានធម្មជាតិស្ថិតស្ថេរគង់វង្សសម្រាប់កូនចៅជំនាន់ក្រោយ៕
ដោយ ÷ ប៉ាត់ ទិត្យ
