រាជធានីភ្នំពេញ៖ នារសៀលថ្ងៃព្រហស្បតិ៍ ០៦កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៣ ខែធ្នូ ឆ្នាំ២០១៨ រដ្ឋបាលរាជធានីភ្នំពេញបានប្រារព្ធពិធីប្រកាស គណៈកម្មាធិការជំរឿនទូទៅប្រជាជនថ្នាក់រាជធានី ខណ្ឌ និងផ្សព្វផ្សាយផែនការសកម្មភាពជំរឿនទូទៅប្រជាជននៅព្រះរាជាណាចក្រកម្ពុជាឆ្នាំ២០១៩ ក្រោមអធិបតីភាពលោកជំទាវ ហង់ លីណា ប្រតិភូរាជរដ្ឋាភិបាលកម្ពុជាទទួលបន្ទុកអគ្គនាយកវិទ្យាស្ថានជាតិសិ្ថតិ ឯកឧត្ដម ម៉ប់ សារិន ប្រធានក្រុមប្រឹក្សារាជធានីភ្នំពេញ និងឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ។
ឯកឧត្ដមអភិបាលក៏បានផ្ដាំផ្ញើដល់អាជ្ញាធរមូលដ្ឋានមន្រ្តីទាំងអស់ ត្រូវសហការគ្នាដើម្បីជំរុញកិច្ចការងារជំរឿនទូទៅប្រជាជនថ្នាក់រាជធានី ខណ្ឌ ឱ្យមានប្រសិទ្ធភាព និងទាន់ពេលវេលា សំណូមពរជាពិសេស សូមបងប្អូនប្រជាពលរដ្ឋក្នុងរាជធានីភ្នំពេញទាំងអស់ ត្រូវចូលរួមសហការផ្ដល់ព័ត៌មានជូនមន្រ្តីចុះធ្វើជំរឿនឲ្យបានគ្រប់ៗគ្នា៕
ដោយ ៖ សិរីបុត្រ
