ខេត្តកំពង់ចាម ÷ នាព្រឹកថ្ងៃអង្គារ៍ ទី១៩ ខែកញ្ញា ឆ្នាំ២០២៣ នៅទីតាំងសាលាបឋមសិក្សាដីក្រហមថិតនៅ ភូមិដីក្រហម ឃុំសូភាស ស្រុកស្ទឹងត្រង់ ខេត្តកំពង់ចាម បានបើកយុទ្ធនាការអប់រំអំពីច្បាប់ចរាចរណ៍ផ្លូវគោកដែលដឹកនាំដោយលោកវរសេនីយ៍ ទោ ឈាត គឹមឆន នាយរងការិយាល័យចរាចរណ៍ផ្លូវគោកខេត្តកំពង់ចាម បានចុះសហការគ្នាជាមួយលោកវរសេនីយ៍ទោ ផន សេងលីន អធិការរងទទួលផ្នែកចរាចរណ៍ ស្រុកស្ទឹងត្រង់ ដឹកនាំកងកម្លាំងមន្រ្តីចរាចរណ៍ រួមមានមន្រ្តីប៉ុស្តិ៍សូភាព និងប្រជាការពារភូមិ និងលោកនាយកសាលា លោកគ្រូ អ្នកគ្រូ ចុះផ្សព្វផ្សាយ ពីច្បាប់ចរាចរណ៍ផ្លូវគោក ដល់អ្នកបេីកបររថយន្តគ្រប់ប្រភេទដែលមានចំនួន៩ចំណុច និងការបេីកបរម៉ូតូមានចំនួន៧ចំណុច ។
បេីតាមការបញ្ជាក់ប្រាប់ឱ្យដឹងពីលោកវរសេនីយ៍ទោ ឈាត គឹមឆន បានឱ្យដឹងថា ការចុះផ្សព្វផ្សាយនៅ ពេលនេះ គឺមានគោលបំណង ចង់ឱ្យបងប្អូនប្រជា ពលរដ្ឋដែលធ្វើចរាចរណ៍លើដងផ្លូវទាំងអ្នកបេីកបរម៉ូតូ និងអ្នកបេីកបររថយន្ត បានយល់ដឹងឱ្យកាន់តែច្បាស់អំពីស្លាកសញ្ញាចរាចរណ៍ ភ្លេីងស្តុប ការបេីក បរវ៉ាជែងគ្នានៅផ្លូវតូចចង្អៀត ការបេីកបរនៅទីប្រជុំ ជន និងហាមកុំបេីកបរនៅពេលមានជាតិស្រវឹង ការបេីកចេះត្រូវយោគយល់អាធ្យាស្រ័យឱ្យគ្នាទៅវិញ ទៅមក និងចូលរួមគោរពច្បាប់ចរាចរណ៍ឱ្យបានត្រឹមត្រូវទាំងអស់គ្នា៕
ដោយ ÷ ប៉ាត់ទិត្យ
