ព័ត៌មាន​ទាន់ហេតុការណ៍
កិច្ចប្រជុំផ្សព្វផ្សាយពីផែនការសកម្មភាព និងផែនការយុទ្ធសាស្ត្ររបស់ក្រុមការងាររៀបចំផែនការយុទ្ធសាស្ត្រអភិវឌ្ឍន៍តំបន់ប៉ូលសេដ្ឋកិច្ចនៃព្រះរាជាណាចក្រកម្ពុជា នាថ្ងៃទី២០ ឧសភា ឆ្នាំ២០២៤ - បងប្អូនពុទ្ធបរិស័ទសប្បុរសជនប្រគេនទេយ្យទានជាគ្រឿងឧបភោគបរិភោគ ដើមី្បទ្រទ្រង់វិស័យពុទ្ធិកៈសិក្សានៅវត្តស្វាយ រមៀតក្រុងសៀមរាប - គួរឱអាសូនិងសង្វេគជាទីបំផុតករណីក្មេង ស្រីវ័យ១២ឆ្នាំធ្វើអត្តឃាត (ចងក)សម្លាប់ខ្លួនឯង  - ក្រសួងរៀបចំដែនដី នគរូបនីយកម្ម និងសំណង់ ជួបសំណេះសំណាល និងពិភាក្សាជាមួយអតិថិជនបុរីវីអាយភី (VIP) ដេីម្បីដោះស្រាយបញ្ចប់បញ្ហាជាមួយគ្នា - មន្ទីររៀបចំដែនដីនគររូបនីយកម្មសំណង់ និងសុរិយោដីខេត្តរួមជាមួយអាជ្ញាធរស្រុកចុះផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័ក្នុងឃុំជីក្រែង ស្រុកជីក្រែង ខេត្តសៀមរាប ក្នុងតំបន់១និងតំបន់២ នៃអាជ្ញាធរទន្លេសាប សម្រាប់ការចុះបញ្ជីដីធ្លី មានលក្ខណៈជាប្រព័ន្ធ! - វិញ្ញាបនបត្រសម្គាល់ម្ចាស់អចលនវត្ថុ ចំនួន ២,៧០៣ បណ្ណ ត្រូវបានប្រគល់ជូនប្រជាពលរដ្ឋរដ្ឋចំនួន ១,៤០០ គ្រួសារ ស្ថិតនៅភូមិសណ្តាន់ និងភូមិសំព័រ ឃុំចំណាក្រោម ស្រុកស្ទោង ខេត្តកំពង់ធំ - ក្រសួងរៀបចំដែនដី នគរូបនីយកម្ម និងសំណង់ នឹងបើកទំព័រថ្មីលើវិស័យស្ថាបត្យកម្ម វិស្វកម្ម សំណង់ និងនគរូបនីយកម្មនៅកម្ពុជា - ប្រជាពលរដ្ឋរងគ្រោះដោយខ្យល់កន្រ្តាក់ និងរន្ទះបាញ់សរុបចំនួន៦៤គ្រួសារក្នុងស្រុកពួក ទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តសៀមរាប - ឈ្មួញនាំចូលប្រហុកសាច់ត្រីក្នុងមួយថ្ងៃៗរាប់តោនពីវៀតណាមមកកម្ពុជា ដោយមិនរំខានអាជ្ញាធរខេត្តតាកែវ - វិញ្ញាបនបត្រសម្គាល់ម្ចាស់អចលនវត្ថុចំនួន ៦ ៦៧២ បណ្ណ ត្រូវបានចែកជូនបងប្អូនប្រជាពលរដ្ឋនៅភូមិនារាយណ៍ និងភូមិព្រៃស្បូវ ឃុំនារាយណ៍ ស្រុកឈូក ភូមិត្រពាំងច្រនៀង ឃុំស្រែជាខាងជើង ស្រុកដងទង់ និងភូមិខ្ពបរុប ឃុំស្រែចែង ស្រុកជុំគិរី ខេត្តកំពត
0

ឯកឧត្ដម ​ទៀ ​សីហា ​ឧបនាយក​រដ្ឋ​មន្ត្រី ​រដ្ឋមន្ត្រី​ក្រសួង​ការពារ​ជាតិ ​និង​លោក​ជំទាវ​អញ្ជើញ​ជួប​សំណេះ​សំណាល​ជា​មួយ​មន្ត្រី​ប្រតិបត្តិ​សាខា ​និង​យុវជន​កាក​បាទ​ក្រហម​កម្ពុជា ​ខេត្ត​សៀម​រាប


រាជធានីភ្នំពេញ ÷ នារសៀលថ្ងៃទី ៥ ខែកញ្ញា ឆ្នាំ២០២៣ ឯកឧត្តម ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាត អតីតប្រធានគណៈកម្មា ធិការសាខាកាកបាទក្រហមកម្ពុជា ខេត្តសៀមរាប និងលោកជំទាវ បានអញ្ជើញជាអធិបតីភាពក្នុងពិធីសំណេះសំណាលជាមួយមន្ត្រីប្រតិបត្តិសាខាកាកបាទក្រហមកម្ពុជា ចំនួន២១នាក់ និងយុវជនកាកបាទក្រហមកម្ពុជា ចំនួន១០០នាក់ នៅសាលប្រជុំសណ្ឋា គារ សោមាទេវី អង្គរ រីសត និងស្ប៉ា។ លោកជំទាវ ទាង អេង ទៀសីហា អតីតអនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប បានមានប្រសាសន៍ ទៅកាន់មន្ត្រីប្រតិបត្តិសាខា និងប្អូនៗយុវជនកាកបាទក្រហមកម្ពុជា ដែលបានចូលរួមនាឱកាសនេះថា លោកជំទាវ ពិតជាមានក្ដីសោមនស្សខ្លាំងណាស់ ដែលសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្ដល់នូវទំនុកចិត្តឱ្យលោកជំទាវ ធ្វើជាអនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប រយៈពេល៥ឆ្នាំមកនេះ។ ហើយលោកជំទាវ ក៏មានក្ដីរីយរាយជាខ្លាំងដែលរួមធ្វើការងារមនុស្សធម៌ជាមួយ ក្រុមប្រតិត្តិសាខា និងប្អូនៗយុវជនកាកបាទក្រហមកម្ពុជាយើងក្នុងរយៈពេលកន្លងមក។ ថ្ងៃនេះលោកជំទាវ បានចប់ពីអនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប ដោយត្រូវទៅបំពេញភារកិច្ចនៅរាជធានីភ្នំពេញ តែទោះជាយ៉ាងនេះក្ដីលោកជំទាវនៅតែបន្តជួយខេត្តសៀមរាបជានិច្ច។

ឯកឧត្តម ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ មានសាសន៍លើកឡើង ពីកិច្ចខិតខំប្រឹងប្រែងក្នុងការជួយសម្រាលទុក្ខលំបាករបស់ប្អូនប្រជាពរដ្ឋរងគ្រោះ និងងាយរងគ្រោះ ពិសេស គណៈកិត្តិយស គណៈកម្មាធិការសាខា ក្រុមប្រតិបត្តិសាខា អនុសាខា អ្នកស្ម័គ្រចិត្ត និងយុវជនកាកបាទក្រហមកម្ពុជា ដែលអាចធើ្វសាខាមានដំណើរការល្អ កំឡុងពេលឯកឧត្តមកាន់ជាប្រធានគណៈកម្មាធិការសាខានេះ។ ឯកឧត្តមបន្តក្នុងន័យថា ការងារមនុស្សធម៌ ជាសម្មភាពដ៏ល្អប្រពៃ សូមក្រុមប្រតិបត្តិសាខា និងប្អូនៗយុវជនកាកបាទក្រហមកម្ពុជា បន្តសកម្មភាពនេះ ដើម្បីបានជាប្រយោជន៍ជួយដល់សហគមន៍ និងសង្គមជាតិទាំងមូលផង ហើយត្បិតតែឯកឧត្តមត្រូវផ្លាស់ប្ដូរភារកិច្ចទៅរាជធានីភ្នំពេញក្តី តែឯកឧត្តម នៅបន្តចុះជួយមូលដ្ឋានខេត្តសៀមរាប បន្តទៀត។ដើម្បីជាការលើកទឹកចិត្ត ចំពោះមន្ត្រីប្រតិបត្តិសាខា លោកគ្រូ អ្នកគ្រូ ទីប្រឹក្សា និងប្អូនៗយុវជនកាកបាទក្រហមកម្ពុជា ឯកឧត្តមបានប្រគល់ជូននូវប័ណ្ណ និងលិខិតសរសើរ សម្រាប់គណៈកិត្កិយស គណៈកម្មាធិការសាខា មន្ត្រីប្រតិបត្តិសាខា លោកគ្រូ អ្នកគ្រូទីប្រឹក្សា ដែលបានចូលរួមក្នុងពិធីនេះ ព្រមទាំងឧត្ថម្ភនូវថវិកាមួយចំនួនផងដែរ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.