មណ្ឌលគីរី ៖ តាមប្រភពព័ត៍មានបានរាយការណ៏ប្រាប់គេហទំព័រ រស្មីក្រុងយើង អោយដឹងថាសហគមន៏រុករករ៉ែមាសមានទីតាំងស្ថិតនៅភូមិពូទុង ឃុំចុងផ្លាស ស្រុកកែវសីមា ខេត្តមណ្ឌលគីរី បាននិងកំពុងដំណើរការដោយរលូន ដោយមានអ្នកចាត់ចែង មើលការខុសត្រូវម្នាក់ដែលមានឈ្មោះ តែ គឹមសាន។
ប្រភពបានបន្តថា រូងរណ្តៅរុករករ៉ែមាសក្នុងមួយរណ្តៅមានជំរៅចាប់ពី២០០មទៅដល់១០០០ ដែលអាចប្រមូលបានមាសចាប់ពី១គីឡូក្រាមទៅដល់១០គីឡូក្រាម តែត្រូវបង់អោយអ្នកមើលការខុសត្រូវក្នុងមួយរណ្តៅចាប់ពី២០០០$ ដល់៤០០០$ ទើបមានសិទ្ធធ្វើអាជីវកម្មបានដោយស្រួល។
ក្នុងការធ្វើអាជីវកម្មរុករករ៉ែមាសដែលមានរណ្តៅជ័យដូចនេះតែងតែបណ្តាលអោយមានមនុស្សស្លាប់ជារហូត ដូចកាលពីថ្ងៃទី២៨ កញ្ញា ២០១៧ នៅចំនុចភ្នំខៀវ ក្នុងភូមិពូទុង ឃុំចុងផ្លាស់ ស្រុកកែវសីមា ជនរងគ្រោះឈ្មោះ សយ ចំរើន ភេទប្រុស អាយុ៣៨ឆ្នាំ សញ្ជាតិខ្មែរ ស្រុកកំណើតភូមិឃុំស្រុកមេម៉ត់ ខេត្តត្បូងឃ្មុំ បច្ចុប្បន្នរស់នៅភូមិឃុំកើតហេតុ បានរងគ្រោះរហូតបាត់បង់ជីវិតភ្លាមៗនៅកន្លែងកើតហេតុ ដោយបែកក្បាលផ្នែកខាងមុខ។ ចំណែកបុរសម្នាក់ទៀតមានឈ្មោះ បុត្រ ជិន ភេទប្រុស អាយុ៣៤ឆ្នាំ មានស្រុកកំណើតភូមិដំរ៉ែ ឃុំស្វាយសរ ស្រុកក្រគរ ខេត្តពោធិសាត់ បានរងរបួសជើងខាងឆ្វេង។
មតិប្រជាជននៅក្នុងមូលដ្ឋានទទួចស្នើសុំឯកឧត្តម ស៊ុយ សែម រដ្ឋមន្រ្តីក្រសួង រ៉ែ និងថាមពល ក៏ដូចជាគណៈអភិបាលខេត្ត មណ្ឌលគីរី ឯកឧត្តម ស្វាយ សំអាង មេត្តាចាត់ចែងក្នងការគ្រប់គ្រងសហគមន៏រ៉ែមាសនេះអោយបានត្រឹមត្រូវដើម្បីប្រមូល ប្រាក់ពីអាជីវកម្មចូលថវិការជាតិដើម្បីរាជរដ្ឋាភិបាលកសាងប្រទេស កាត់បន្ថយការខ្ចីប្រាក់ពីបរទេស។
ចំពោះមតិចោទប្រកាន់លោក តែ គឹមសាន ថាប្រមូលប្រាក់ពីម្ចាស់រន្ធណ្តៅរ៉ែមាសរហូតចាប់ពី២០០០$ដល់៤០០០$ ក្នុងមួយ រណ្តៅនេះគេហទំព័រ រស្មីក្រុងយើង www.rskynes.com មិនទាន់អាចសុំការពន្យល់ពីលោក តែ គឹមសាន បាននៅឡើយទេ ។ តែ យើងខ្ញុំនិងព្យាយាមសុំការអត្ថាធិប្បាយបន្តទៀតនៅពេលបានព័ត៍ថ្មីៗចែកជូនអ្នកនិយមអាចព័ត៍មាន៕
ដោយ ៖ សំណាង
