ខេត្តសៀមរាប ÷ នៅវេលាម៉ោងប្រមាណ១៧ ល្ងាច ថ្ងៃទី២៦ ខែ មិថុនា ឆ្នាំ២០២៣ មានករណីអគ្គីភ័យមួយកើតឡើង ដោយសាភ្ញៀវ ចូលផឹកស៊ី ក្នុងកញ្ចុះស្បូវ ហើយស្រវឹង ជោកជាំ បានជក់បារី បោះកន្ទុយបារី ឡើងលើប៉ះចំស្បូវ បណ្តាលឲ្យឆេះ កញ្ចុះ អស់២ ធ្វើឲ្យផ្អើលពេញភោជនីយដ្ឋាន ហាយ វ៉េ និង ត្រូវបានកម្លាំងសមត្ថកិច្ចរថយន្តពន្លត់អគ្គីភ័យមកជួយអន្តរាគមន៍ពន្លត់ បានទាន់ពេលវេលា មិនបានរាលឆេះទៅកញ្ចុះផ្សេងទៀត ស្ថិតនៅផ្លូវចាក់ ប៊ីតុង មុខ វត្ត ស្វាយដង្គំ ក្នុងភូមិស្វាយដង្គំ សង្កាត់ស្វាយដង្គំ ក្រុងសៀមរាប។
តាមប្រភពពីប្រជាពលរដ្ឋ បានឃើញហេតុការណ៍ ឲ្យដឹងថា មុនពេលកើតហេតុ ពួកគេកំពុងជិះម៉ូតូតាមផ្លូវចាក់បេតុង បានឃើញ រថយន្តទំនើប ៗ ប្រមាណជា ២ ទៅ ៣ គ្រឿង មកចូលភោជនីយដ្ឋាន ហាយ វ៉េ ដើម្បីផឹកស៊ីសប្បាយ។ ខណៈពេលនោះបានមួយសន្ទុះ ក្រោយមកក៏មានឃើញ អណ្តាតភ្លើងឆេះចេញ ពីកញ្ចុះ ខាងជើងជាប់ហ្នឹងកន្លែងគិតលុយ កណ្តាល ផ្អើលភ្ញៀវ កំពុងផឹករត់ចេញមកក្រៅរហូតស្វាងស្រា ហាក់ដូចជាភ័យ ។
តាមការបញ្ជាក់ពីសមត្ថកិច្ចខេត្ត បានឲ្យដឹងថា មុនពេលកើតហេតុ ប្រជាពលរដ្ឋបានរាយការណ៍មក កងកម្លាំង មានករណីភ្លើងឆេះ ភោជនីយដ្ឋាន ហាយ វ៉េ ខណៈពេលនោះ លោកស្នងការនគរបាលខេត្ត បានបញ្ជាឲ្យរថយន្តពន្លត់អគ្គីភ័យ ចំនួន ២ គ្រឿង របស់ស្នងការដ្ឋាននគរបាលខេត្ត និង ២ គ្រឿងទៀត របស់អាជ្ញាធរជាតិអប្សរា ដើម្បីចេញទៅជួយអន្ដរាគមន៍ បាញ់ពន្លត់ ។ ក្នុងករណី ឆេះភោជនីយដ្ឋាន ហាយ វ៉េ នោះរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តសៀមរាបបាញ់ទឹកពន្លត់អស់ ចំនួន ១គ្រឿង ហើយក្នុងហេតុការណ៍នេះដែរ បុគ្គលិកភោជនីយដ្ឋាន បានជួយ ទាញស៊ីយ៉ូ និង បំពង់ពន្លត់អគ្គីភ័យរបស់ម្ចាស់ហាង ជួយបាញ់ពន្លត់ ទើបមិនបណ្តាលឲ្យរាលដាលដល់កញ្ចុះផ្សេងៗទៀត ។
ក្នុងករណីអគ្គីភ័យនេះ គឺបណ្តាលមក ភ្ញៀវ ផឹកស៊ីស្រវឹង ជក់បារីហើយ បោះកន្ទុយបារីឡើងទៅលើ ប៉ះចំស្បូវ បណ្តាលឲ្យឆេះឡើង ។ ប្រភពបានបញ្ជាក់ទៀតថា ក្រោយពេលកើតហេតុ សមត្ថកិច្ចមូលដ្ឋាន បានចូលទៅសួរនាំម្ចាស់ហាង និងអ្នកបង្កពីមូលហេតុកើតឡើងស្រាប់តែម្ចាស់ភោជនីដ្ឋាន ហាយ វ៉េ បាន តបមកវិញថាពួកខ្ញុំត្រូវរ៉ូវគ្នាអស់ហើយមិនបាច់សួរ នាំអីច្រើនទេ ឬធ្វើកំណត់ហេតុអ្វីទេឲ្យបញ្ចប់ត្រឹមនេះបានហើយ ៕
ដោយ ÷ ពន្លឺ
