កោះកុង៖ តាមប្រភពពីមន្រ្តីគយស្រែអំបិលសុំមិនបញ្ចេញអត្តសណ្ណញបានអោយគេហរទំព័រ រស្មីក្រុងយើង www.skynews.com ដឹងថា ជារាងរៀលថ្ងៃទំនិញជាច្រើនគ្រប់ប្រភេទដែលដឹកតាមកប៉ាលឆ្លងកាត់តាមកំពង់ ផែស្រែអំបិល និងរថយន្តដឹកទំនិញធំៗរាប់សិបគ្រឿងទៀតដែលឆ្លងកាត់ ដែនសមត្ថកិច្ចស្រែអំបិល ភាគច្រើនមិនបានត្រួតពិនិត្យ និងបង់ពន្ធអោយគ្រប់គ្រាន់ចូលរដ្ឋទេ ។ ប្រភពបានបន្ថែមថាដោយសារទំនិញសំរុកចូលពីប្រទេសថៃកាន់តែច្រើនឡើង នាំអោយការប្រមូលពន្ធនាំចូលលើសផែនការរំពឹងទុកជាកក្តានាំអោយមន្រ្តីគយឆ្លៀតស្វែងរកលាភសក្ការៈពីតួនាទីស្នូលរបស់ខ្លួន ដោយប្រើប្រាស់វិធីរៀបចំលិខិតបង់ពន្ធមិនត្រឹមត្រូវតាមទំនិញជាក់ស្តែង ។
ជាពិសេសឆ្លៀតឱកាសរកស៊ីក្រៅបញ្ជីរដ្ឋ ដោយមានការឃុបខិតត្រូវរូវគ្នាជាមួយក្រុមឈ្មួញទុច្ចរិតដែលគេស្គាល់ឈ្មោះ ឡុង ម៉េង យាយរ៉ា និងតាឈីម ដោយបានប្រើប្រាស់គ្រប់រូបភាព ដើម្បីបន្លំពីប្រភេទទំនិញ ដែលត្រូវបង់ពន្ធថ្លៃ មកដាក់ទំនិញបង់ពន្ធទាបវិញ ព្រមទាំងប្តូរបរិមាណពីចំនួនច្រើនមកចំនួនតិច ដែលធ្វើអោយការបង់ពន្ធអស់តិច មិនសមាមាត្រនិងចំនួនទំនិញពិត។ ការប្រើរូបភាពបន្លំបែបនេះ បានធ្វើអោយក្រុមឈ្មួញ និងមន្ត្រីគយចំណេញទាំងសងខាង និងសល់លុយក្រោមតុសម្រាប់ចែកគ្នាជារៀងរាល់ថ្លៃ ដែលជាហេតុធ្វើអោយបាត់បង់ប្រាក់ចំណូលរដ្ឋយ៉ាងធ្ងន់ធ្ងរ។
ទាក់ទងនិងការលេចធ្លាយរឿងមិនល្អនៃការប្រមូលពន្ធក្រៅបញ្ជីនេះ លោក គង់ សំរេច ប្រធានការិយាល័យគយនិងរដ្ឋករស្រែអំបិល បានមានប្រសាសន៏ប្រាប់ក្រុមអ្នកសាព័ត៌មាន នៅរសៀលថ្ងៃទី១៦ ខែ មករា ឆ្នាំ ២០១៨ ដោយបដិសេធទាំងស្រុកថា លោកពុំដែលបានអនុញ្ញាតអោយប្រើរូបភាពប្រមូលពន្ធដោយបន្លំ ដូចការលើកឡើងនេះទេ ប្រសិនបើមានការគេងបន្លំមែនមិនអាចធ្វើការប្រមូលប្រាក់ពន្ធបង់ចូលថវិការជាតិលើសផែនការឡើយ៕
ដោយ ៖ វិចិត្រ
