រដ្ឋបាលស្រុកព្រៃកប្បាសទទួលសំណើដេញថ្លៃ និងបើជាសាធារណៈលើគំរោងផ្លូវមេតុង៣គំរោង និងផ្លូវលំក្រាលកំទេចថ្ម១គំរោង!!

ឃុំព្រៃល្វា(ខេត្តតាកែវ) ÷ នៅវេលាម៉ោង ២.០០ រសៀលថ្ងៃទី៧ ខែមិថុនាឆ្នាំ ២០២៣ រដ្ឋបាលស្រុកព្រៃកប្បាស បានរៀបចំទទួលសំណើដេញថ្លៃ និងបើកជាសាធារណៈ សម្រាប់គម្រោងផ្លូវបេតុងអាមេ ៤គម្រោង ដែលបានរៀបចំធ្វើឡើងនៅសាលាឃុំព្រៃល្វា ។

គម្រោងមូលនិធិឃុំសង្កាត់៤ គម្រោងដែលបានដាក់ឲ្យដេញថ្ងៃដែលមានដូចខាងក្រោម÷

១. គម្រោងផ្លូវបេតុងអាមេក្នុងភូមិអង្គក្រសាំង ឃុំព្រៃល្វា មានប្រវែង០,៥៦៩គម ទទឹងប្រវែង៤ម កម្រាស់ ១៥០មម តម្លៃប៉ាន់ស្មាន ២៨២ ២៧៣ ១១៤រៀល ក្រុមហ៊ុន៤បានដាក់សំណើចូលរួមប្រគួតដេញថ្លៃ ការដេញថ្លៃបានទៅលើក្រុមហ៊ុន ទ្រី ជ័យ សំណង់ ក្នុងតម្លៃទទួល ១៥៥ ០០០ ០០០រៀល (-៤៥.០៨%)។

២ុ. គម្រោងផ្លូវបេតុងអាមេក្នុងភូមិក្រាំង ឃុំស្នោ មានប្រវែង០,២៩២គម តម្លៃប៉ាន់ស្មាន ១៦៦ ៣៤០ ២៥០ ក្រុមហ៊ុន៣ដែលបានដាក់សំណើចូលរួមដេញថ្លៃ ក្រុមហ៊ុនដែលដេញថ្លៃបានឈ្មោះ ឡាក់ ជាប ក្នុងតម្លៃ ៩១ ០០០ ០០០ រៀល (-៤៥%)។

៣. គម្រោងសាងសង់ផ្លូវលំក្រាលកំទេចថ្មនៅភូមិរកា ឃុំស្នោរ មានប្រវែង ១,៤៥០គម តម្លៃប៉ាន់ស្មាន ៩៨ ៦២៣ ០០១រៀល មានក្រុមហ៊ុន៤ដែលបានដាក់សំណើចូលរួមដេញថ្លៃ ក្រុមហ៊ុនដែលដេញថ្លៃបានគឺក្រុមហ៊ុន ប៊ុនថានសំណង់កូនខ្មែរ ក្នុងតម្លៃ ៤៨ ៤៩៣ ៨០០រៀល (-៥១%)។

៤. កម្រោងផ្លូវបេតុងអាមេប្រវែង០,៤៦០ គម ស្ថិតនៅក្នុងភូមិជំនីកខាងជើងនិងខាងត្បូង ឃុំកំពង់រាប មានប្រវែង០,៤៦០គម ទទឹង៤ម កម្រាស់១៥០ម តម្លៃប៉ាន់ស្មាន ២៦០ ៩៦៦ ១៦០រៀល ដោយមានក្រុមហ៊ុនចំនួន៤បានដាក់សំណើចូលរួមដេញថ្លៃ ក្រុមហ៊ុនដែលទទួលបានគម្រោងសាងសង់ឈ្មោះក្រុមហ៊ុនយ៉ាន់វណ្ណៈ ក្នុងតម្លៃ ១៤៣ ០០០ ០០០រៀល (-៤៥.២០%)។

ក្រោយការបញ្ចប់គម្រោងដេញថ្លៃ និងបានបង្ហាញ មុខតំណាងក្រុមហ៊ុនរួចមក ប្រធានគណៈកម្មការលទ្ធកម្មឃុំនីមួយៗបានសម្ដែងការសប្បាយពេញ ចិត្តនិងទទួលយកគម្រោងដែលបានដេញថ្លៃក្នុងពេលល្ងាចនេះផងដែរ៕