ព្រះសង្ឃនិងញាតិញោមក្នុងក្រុងសៀមរាបនាំយកសម្ភារៈសិក្សាចែកជូនដល់សិស្សានុសិស្សចំនួន៣៨៥នាក់ នៅសាលាបឋមសិក្សា ក្នុងឃុំចាន់ស្រុកសូទ្រនិគម ខេត្តសៀមរាប

ខេត្តសៀមរាប ÷ កាលពីព្រឹកថ្ងៃទី០២ ខែមិថុនាឆ្នាំ២០២៣ នេះព្រះសង្ឃ និងញាតិញោមក្នុងក្រុងសៀមរាបនាំយកសម្ភារៈសិក្សាចែកជូនដល់សិស្សា នុសិស្សចំនួន៣៨៥នាក់ដែលកំពុងសិក្សានៅសាលា បឋមសិក្សាកន្សែងលើ ដែលនៅក្នុងភូមិកន្សែងលើ ឃុំចាន់ស ស្រុកសូទ្រគម ខេត្តសៀមរាប ។

នៅក្នុងកម្មវិធីនេះការចែកសម្ភារៈសិក្សាដល់សិស្សនាពេលនេះគឺក្រោមការផ្តួចផ្តើមគំនិត និងរៀបចំឡើងដោយព្រះវិបុលសត្ថា រី សាត ព្រះរាជាគណៈកិត្តិយស ជាព្រះគ្រូចៅអធិការវត្តកេសរារាម ដោយមានការនិមន្តចូលរួមពីសំណាក់ ព្រះគ្រូវិចិត្រវង្សាញាតិធម្មោ ហែម គឹមសាន ព្រះគ្រូចៅអធិការវត្តប្រាសាទគោក ចក និងព្រះសច្ចានុបាល នឿម វុទ្ធី ព្រះគ្រូចៅអធិការវត្តស្វាយរមៀតព្រមទាំងមានការនិមន្តចូលរួមផងដែរ ពីសំណាក់ព្រះគ្រូចៅអធិការវត្តនានាក្នុងក្រុងសៀម រាប និងស្រុកសូទ្រនិគម រួមជាមួយនិងម្ចាស់សទ្ធាឧបាសិកា ភាព ឡង ព្រមទាំងកូនចៅនៅសហរដ្ឋអា មេរិកនិងមហាឧបាសិកា ស៊ិន លំអង ព្រមទាំងកូន ចៅបានចូលរួមនិងមានសទ្ធាជ្រះថ្លា បាននាំយកសម្ភារៈសិក្សាចែកជូនដល់សិស្សានុសិស្សចំនួន ៣៨៥នាក់ នៅក្នុងសាលាមតេយ្យចំនួន ៣ថ្នាក់ និងបឋមសិក្សាពីថ្នាក់ទី២-៦ នៃសាលាបឋមសិក្សាកន្សែងលើ ភូមិកន្សែងលើ ឃុំចាន់ស ស្រុកសូទ្រគម ខេត្តសៀមរាប ។

ព្រះវិបុលសត្ថា រី សាត ព្រះរាជាគណៈកិត្តិយស ជាព្រះគ្រូចៅអធិការវត្តកេសរារាម មានសង្ឃដីកាថា ដោយមើលឃើញពីគុណភាពសិក្សារបស់ក្មួយៗ នៅតាមបឋមសិក្សា ដែលស្ថិតនៅតំបន់ដាច់ស្រយាល នៅតាមជនបទ មិនសូវមានគុណភាព គឺបណ្តាលមកពីការកង្វះខាតនូវសម្ភារៈបង្រៀន និងសម្ភារៈសិក្សារបស់សិស្សមិនគ្រប់គ្រាន់។ តេជគុណក៏បានប្រមូលផ្តុំកៀគររកមូលនិធិនិងសប្បុរសជនដើម្បីទិញ សម្ភារ:សិក្សា ចែកជូនដល់គ្រប់សិស្សានុសិស្សដែលខ្វះខាតហើយ ម្យ៉ាងវិញទៀតការផ្តល់ជូននេះ ពិតជាបានជួយសម្រួលដល់ការរៀនសូត្ររបស់ក្មួយៗ និងពិសេសទៅទៀត គឺជួយសម្រាលដល់បន្ទុកគ្រួសារផងដែរ។

ព្រះគ្រូចៅអធិការបានបន្ថែមថាការចូលរួមចែក រំលែក និងគាំទ្រ ដែលជាចូលរួមចំណែកជាមួយការ ងារមនុស្សធម៌ ជាមួយអាជ្ញាធរមូលដ្ឋាន ក្នុងការ ជួយសង្គ្រោះ ក៏ដូចជាជួយសម្រាលទុក្ខលំបាក របស់ ញោមញាតិ ក៏ដូចជាសិស្សានុសិស្ស ការងារមនុស្សធម៌នេះមិនមែនជាលើកទីមួយឡើយ គឺក្រុមការងាររបស់ព្រះសង្ឃក្នុងក្រុងសៀមរាប តែងតែជួយដល់សង្គម និងចូលរួមចំណែកជាមួយរាជរដ្ឋាភិបាលជារឿយៗកន្លងមក ។

ព្រះគ្រូចៅអធិការ មានសង្ឃដីកា បន្ថែមអោយដឹងទៀតថា សម្ភារៈសិក្សា និងថវិកាទាំងនេះដែលបាន ចែកជូនដល់សិស្សានុសិស្សនៃសាលាបឋមសិក្សាកន្សែងលើនាពេលនេះ គឺបានមកពីការជួយឧបត្ថម្ភពីញាតិញោមខាងលើដែលជាអ្នកកាន់ព្រះពុទ្ឋសាសនា ហើយញាតិញោមពុទ្ធបរិស័ទតែងតែប្រគេនទេយ្ យទាន និងចែកជូនដល់បងប្អូនប្រជាពលរដ្ឋក្រីក្រ។

សូមបញ្ជាក់ថា សម្រាប់សម្ភារៈសិក្សាដែលចែកជូនដល់សិស្សានុសិស្សចំនួន៣៨៥នាក់ដោយក្នុងម្នាក់ៗ ទទួលបាន សៀវភៅ២ក្បាល ប៊ិក ២ដើម ប្រាក់ ៥.០០០រៀលផងដែរ៕

ដោយ ÷ ពន្លឺ