ខេត្តសៀមរាប ÷ នៅរសៀលថ្ងៃទី៣១ ខែឧសភា ឆ្នាំ២០២៣ នេះព្រះគ្រូវិចិត្រវង្សាញាតិធម្មោ ហែម គឹមសាន ព្រះគ្រូចៅអធិការវត្តប្រាសាទគោកចក រួមជាមួយអ្នកស្រី ញ៉ក់ មនោរ័ត្ន សមាជិកក្រុមប្រឹក្សាសង្កាត់ លោក រិន មុន មេប៉ុស្តិ៍នគរបាលរដ្ឋបាលសង្កាត់គោកចក និង លោកឡុង រ៉េត មេភូមិខ្វៀន បាននិមន្តនិងអញ្ជើញយកគ្រឿងឧបភោគបរិភោគនិងថវិកាជូនដល់គ្រួសារដែលមានជីវភាពក្រីក្រខ្វះខាតចំនួន១គ្រួសារដែល ស្ថិតនៅភូមិខ្វៀន សង្កាត់គោកចក ក្រុង.ខេត្តសៀមរាប ។
ព្រះគ្រូវិចិត្រវង្សា ញាតិធម្មោហែម គឹមសាន ព្រះគ្រូចៅអធិការវត្តប្រាសាទគោកចក បានមានសង្ឃដីកា ថាព្រះអង្គ មានការគាំទ្រ និងមានទឹកព្រះទ័យរីករាយ ចូលរួមចំណែកជាមួយការងារមនុស្សធម៌ ជាមួយអាជ្ញាធរមូលដ្ឋាន ក្នុងការជួយសង្គ្រោះក៏ដូចជាជួយ សម្រាល ទុក្ខលំបាក របស់ញោមញាតិទីទ័លក្រនៅគ្រប់ទីកន្លែង។ ព្រះគ្រូចៅអធិការ ក៏បានមានសង្ឃដីកាបញ្ជាក់បន្ថែមថា គ្រឿងឧបភោគបរិភោគ ដែលប្រគល់ជូនដល់គ្រួសារដែលមានជីវភាពក្រីក្រខ្វះខាត ស្ថិតនៅភូមិខ្វៀន នាពេលនេះ គឺបានមកពីការប្រគេនរបស់ពុទ្ឋបរិស័ទក្នុងពិធីបុណ្យផ្សេងៗនាពេលកន្លង មក ហើយក៏បានសន្សំ និងប្រមូលបម្រុងទុកសម្រាប់ ចែកជូនដល់គ្រួសារបងប្អូនប្រជាពល រដ្ឋណាដែលមានជីវភាពខ្វះខាត ឬក៏មានការ ជួប ហានិភ័យគ្រោះថ្នាក់ដោយប្រការផ្សេងៗណាមួយផងដែរ ។ សម្ភារ:និងគ្រឿងឧបភោគបរិភោគដែល យកទៅប្រគល់ជូននាពេលនោះរួមមានដូចជា៖អង្ករចំនួន ១០០គីឡូក្រាម.មីម៉ាម៉ា ១កេស. ត្រីខ ២យួ.ទឹកដោះគោ ១៣កំប៉ុង.ទឹកស៊ីអ៉ីវ ៩ដប.ទឹកត្រី៤ដប. ស្ករស២គីឡូក្រាម.អំបិល ២គីឡូក្រាម. ប៊ីចេង ១គីឡូក្រាម.ទឹកសុទ្ធ១០យួ ព្រមទាំងថវិកាចំនួន ២០០.០០០ រៀល(ពីរសែនរៀល)ផងដែរ ៕
ដោយ ÷ ពន្លឺ
