ព័ត៌មាន​ទាន់ហេតុការណ៍
កិច្ចប្រជុំផ្សព្វផ្សាយពីផែនការសកម្មភាព និងផែនការយុទ្ធសាស្ត្ររបស់ក្រុមការងាររៀបចំផែនការយុទ្ធសាស្ត្រអភិវឌ្ឍន៍តំបន់ប៉ូលសេដ្ឋកិច្ចនៃព្រះរាជាណាចក្រកម្ពុជា នាថ្ងៃទី២០ ឧសភា ឆ្នាំ២០២៤ - បងប្អូនពុទ្ធបរិស័ទសប្បុរសជនប្រគេនទេយ្យទានជាគ្រឿងឧបភោគបរិភោគ ដើមី្បទ្រទ្រង់វិស័យពុទ្ធិកៈសិក្សានៅវត្តស្វាយ រមៀតក្រុងសៀមរាប - គួរឱអាសូនិងសង្វេគជាទីបំផុតករណីក្មេង ស្រីវ័យ១២ឆ្នាំធ្វើអត្តឃាត (ចងក)សម្លាប់ខ្លួនឯង  - ក្រសួងរៀបចំដែនដី នគរូបនីយកម្ម និងសំណង់ ជួបសំណេះសំណាល និងពិភាក្សាជាមួយអតិថិជនបុរីវីអាយភី (VIP) ដេីម្បីដោះស្រាយបញ្ចប់បញ្ហាជាមួយគ្នា - មន្ទីររៀបចំដែនដីនគររូបនីយកម្មសំណង់ និងសុរិយោដីខេត្តរួមជាមួយអាជ្ញាធរស្រុកចុះផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័ក្នុងឃុំជីក្រែង ស្រុកជីក្រែង ខេត្តសៀមរាប ក្នុងតំបន់១និងតំបន់២ នៃអាជ្ញាធរទន្លេសាប សម្រាប់ការចុះបញ្ជីដីធ្លី មានលក្ខណៈជាប្រព័ន្ធ! - វិញ្ញាបនបត្រសម្គាល់ម្ចាស់អចលនវត្ថុ ចំនួន ២,៧០៣ បណ្ណ ត្រូវបានប្រគល់ជូនប្រជាពលរដ្ឋរដ្ឋចំនួន ១,៤០០ គ្រួសារ ស្ថិតនៅភូមិសណ្តាន់ និងភូមិសំព័រ ឃុំចំណាក្រោម ស្រុកស្ទោង ខេត្តកំពង់ធំ - ក្រសួងរៀបចំដែនដី នគរូបនីយកម្ម និងសំណង់ នឹងបើកទំព័រថ្មីលើវិស័យស្ថាបត្យកម្ម វិស្វកម្ម សំណង់ និងនគរូបនីយកម្មនៅកម្ពុជា - ប្រជាពលរដ្ឋរងគ្រោះដោយខ្យល់កន្រ្តាក់ និងរន្ទះបាញ់សរុបចំនួន៦៤គ្រួសារក្នុងស្រុកពួក ទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តសៀមរាប - ឈ្មួញនាំចូលប្រហុកសាច់ត្រីក្នុងមួយថ្ងៃៗរាប់តោនពីវៀតណាមមកកម្ពុជា ដោយមិនរំខានអាជ្ញាធរខេត្តតាកែវ - វិញ្ញាបនបត្រសម្គាល់ម្ចាស់អចលនវត្ថុចំនួន ៦ ៦៧២ បណ្ណ ត្រូវបានចែកជូនបងប្អូនប្រជាពលរដ្ឋនៅភូមិនារាយណ៍ និងភូមិព្រៃស្បូវ ឃុំនារាយណ៍ ស្រុកឈូក ភូមិត្រពាំងច្រនៀង ឃុំស្រែជាខាងជើង ស្រុកដងទង់ និងភូមិខ្ពបរុប ឃុំស្រែចែង ស្រុកជុំគិរី ខេត្តកំពត
0

រដ្ឋមន្ត្រីក្រសួងកសិកម្ម សំណេះសំណាលជាមួយថ្នាក់ដឹកនាំ មន្ត្រីរាជការនៃកសិកម្មខេត្តសៀមរាប


ខេត្តសៀមរាប ÷ កាលពីរសៀលថ្ងៃទី២៥ខែឧសភាឆ្នាំ២០២៣នេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជួបសំណេះសំណាលនិងផ្តល់អនុសាសន៍គន្លឺះមួយចំនួន ជូនដល់ថ្នាក់ដឹកនាំនិង មន្ត្រីរាជការមន្ទីរកសិកម្មរុក្ខាប្រមាញ់ និងនេសាទ ខេត្តសៀមរាប នៅស្ថានីយ៍កសិកម្មទឹកវិលខេត្ត។

លោក ទា គឹមសុទ្ឋ ប្រធានមន្ទីរកសិកម្ម រុក្ខាប្រមាញ់និងនេសាទខេត្តសៀមរាប បានលើកឡើងដោយសង្ខេប អំពីរបាយការណ៍លទ្ឋផលការងារកសិកម្មក្នុងខេត្តឆ្នាំ២០២៣គិតត្រឹមខែឧសភា ថាមានការរីក ចម្រើនគួរឱ្យកត់សម្គាល់ តែយ៉ាងណាក៏ដោយវិស័យកសិកម្មក្នុងខេត្តនៅជួបបញ្ហាប្រឈមមួយចំនួន ដូចជាប្រព័ន្ឋធារាសាស្ត្រមិនទាន់គ្រប់គ្រាន់ស្របតាមតម្រូវ ការប្រើប្រាស់ កង្វះកម្លាំងពលកម្ម និងតម្លៃពលកម្ម កើនឡើង ពុំមានការវិនិយោគកែច្នៃចំណីសត្វតម្លៃទាប ខ្វះឧបករណ៍កែច្នៃផលិតចំណីសត្វ។

លោកប្រធានមន្ទីរបានមានប្រសាសន៍អះអាងថានឹងបន្តខិតខំសិក្សាស្រាវជ្រាវបញ្ចូលសម្ភារៈ ឧបករណ៍កែច្នៃសមស្របទៅនឹងផលិតកម្មកសិកម្មដើម្បីរួមចំណែកកាត់បន្ថយការប្រើប្រាស់កម្លាំងពលកម្ម និងកាត់បន្ថយតម្លៃដើមផលិត និងជំរុញដល់កសិករតាមរយៈបង្គុំបច្ចេកទេសនិងកសិកម្មល្អ រួមបញ្ចូលសម្ភារៈប្រព័ន្ឋស្រោចស្រព ដើម្បីផលិតផលមានសុវត្ថិភាព និងសមស្របតាមតម្រូវការទីផ្សារ ព្រមទាំងនឹងជំរុញកសិករ ឱ្យក្លាយជាកសិករធុរៈកិច្ច និងទំនើបស្របតាមការ វិវឌ្ឍសកល ព្រមទាំងគាំទ្រនិងលើកទឹកចិត្តវិស័យឯកជនផលិតចំណីសត្វដែលមានតម្លៃទាប។ល។

ឯកឧត្តមរដ្ឋមន្ត្រី ក៏បានណែនាំឱ្យថ្នាក់ដឹកនាំ និងមន្ត្រីតាមវិស័យក្រោមឱវាទមន្ទីរកសិកម្ម ព្រមទាំងអង្គការដៃគូនានាក្នុងខេត្តសៀមរាប ធ្វើការសហកាជាមួយគ្នាឲ្យល្អ ដើម្បីជំរុញផលិតកម្មកសិកម្មតាមរយៈបច្ចេក ទេស ដោយគួរណែនាំដល់ប្រជាកសិករឱ្យយកចិត្តទុកដាក់សិក្សាពីការផលិត និងខ្សែច្រវាក់តម្លៃទីផ្សារ និងត្រូវមានផែនការផលិតច្បាស់លាស់ ជំរុញការធ្វើស្រូវនិងដាំបន្លែ និងថែរក្សាទីផ្សាឱ្យបានគត់មត់។ ចំពោះបណ្តុំអាជីវកម្មបន្លែ គឺចាំបាច់ត្រូវសិក្សាឱ្យច្បាស់លាស់ពីខ្សែច្រវាក់នៃការផ្គត់ផ្គង់ និងទីផ្សារ ត្រូវមានការសហការគ្នាល្អ បង្កើតបណ្តាញតាំងពីអ្នកផលិតរហូតទីផ្សារ និងការចូលរួមរបស់មន្ទីរក្នុងការសម្របសម្រួលរវាងអ្នកទិញ និងកសិករឱ្យមានដំណើរការរលូន។ ជាមួយគ្នានេះដែរ បណ្តុំអាជីវកម្មបន្លែអាចពិចារណា និងពិនិត្យលទ្ធភាពការដាំបន្លែក្នុងផ្ទះសំណាញ់ ដែលផ្តល់ទិន្នផលខ្ពស់ ផ្តល់សុខភាព មានសុវត្ថិភាព និងមានប្រសិទ្ធភាពសេដ្ឋកិច្ច។

ឯកឧត្តម ឌិត ទីណា បានមានប្រសាសន៍បន្ថែមថា៖បច្ចុប្បន្នកម្ពុជា បានកែប្រែខ្សែច្រវ៉ាក់ផលិតពីការពង្រីកផលិតកម្ម ទៅជាកសិកម្មស៊ីជម្រៅតាមរយៈការប្រើប្រាស់ដីឱ្យបានសមស្រប ការប្រើប្រាស់ជីតាមលក្ខណៈបច្ចេកទេស ដើម្បីផលិតភាពខ្ពស់ គុណភាពល្អ តម្លៃល្អ និងងាយប្រកួតប្រជែង ដែលទាមទារឱ្យមានការតាមដានតម្លៃទីផ្សារ ព្រោះថាបើជំរុញតែការផលិតឱ្យតែបានច្រើន តែមិនបានសិក្សាពីតម្លៃទីផ្សារ វានាំឱ្យខាតបង់កម្លាំងផលិតនិងដើមទុន។

ក្នុងនោះដែរឯកឧត្តម ឌិត ទីណា ក៏បានមានប្រសាសន៍ណែនាំដល់មន្ត្រីព្រៃឈើនិង មន្ត្រីជលផល ឱ្យប្តូរសកម្មភាពពីការបង្រ្កាបបទល្មើសជាក់ស្តែង ទៅជា ការតាមដានស៊ើបអង្កេតវិញទើបមានប្រសិទ្ឋភាពជាងផងដែរ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.