ខេត្តសៀមរាប ÷ គួរឲ្យរន្ធត់ម្ចាស់អាងក្រពើម្នាក់បានរអិលជើងធ្លាក់ចូលក្នុងអាងក្រពើ ត្រូវបានក្រពើខាំរហូតដល់ស្លាប់ ហើយនៅក្នុងហេតុការណ៍នេះ គឺបានកើតនៅកសិដ្ឋានចិញ្ចឹមក្រពើមួយកន្លែង ដែលស្ថិតនៅភូមិពុធិបន្ទាយជ័យ សង្កាត់សៀមរាប ក្រុងសៀមរាប ខេត្តសៀមរាប នៅវេលាម៉ោង០៥ និង ៣០នាទីទាបភ្លឺ ថ្ងៃទី២៦ ខែឧសភា ឆ្នាំ២០២៣ ជនរងគ្រោះឈ្មោះ លួន ណាំ អាយុ ៧២ឆ្នាំ ត្រូវបានសត្វក្រពើខាំបណ្តាលឲ្យស្លាប់ភ្លាមៗនៅនិងកន្លែង។
ភរិយាជនរងគ្រោះ បានឱ្យដឹងថា ជនរងគ្រោះជាអ្នកចិញ្ចឹមក្រពើ ហើយតែហាត់ប្រាណរាល់ថ្ងៃ ប៉ុន្ដែមិនដឹងយ៉ាងម៉េចស្រាប់តែ រូបគាត់បានក្រោកដើរចេញទៅកន្លែងអាងចិញ្ចឹមក្រពើ ក៏ប្រទះឃើញប្តីរបស់គាត់បានស្លាប់នៅក្នុងអាងចិញ្ចឹមក្រពើតែម្ដង។
តាមប្រភពពីប្រជាពលរដ្ឋនៅកន្លែងកើតហេតុ បានឲ្យដឹងថា មុខពេលកើតហេតុ ជនរងគ្រោះ លួន ណាំ អាយុ ៧២ឆ្នាំ មុខរបរជាអ្នកចិញ្ចឹមក្រពរ និងជាគណ: កម្មការវត្តពោធិបន្ទាយជ័យ ស្ថិតនៅភូមិឃុំខាងលើ មុនកើតហេតុ ជនរងគ្រោះ បានក្រោកហាត់ប្រាណ ដូចសព្វមួយដង ក្រោយហាត់ប្រាណរួច នៅវេលាម៉ោង ០៥និង ៣០នាទីទាបភ្លឺ ជនរងគ្រោះ បានដើរឡើងទៅលើអាងចិញ្ចឹមក្រពើរបស់គាត់ ពេលនោះក៏ឃើញក្រពើកំពុងខាំគ្នា ជនរងគ្រោះក៏បានយកព្រនង់ឫស្សី ទៅឆ្កឺះវាសកុំឲ្យពួកវាខាំគ្នាតែជាអកុសលក្រពើបានខាំជាប់ព្រនង់ឫស្សីហើយដោយរូបគាត់ទៅជាមួយហើយត្រូវបានក្រពើព្រួតគ្នាត្របាក់ខាំបណ្តាលឲ្យរូបគាត់បានស្លាប់ភ្លាមៗតែម្តង ៕
ដោយ ÷ ពន្លឺ
