ព័ត៌មាន​ទាន់ហេតុការណ៍
កម្លាំង​ជំនាញ​មន្ទីរ​ប្រឆាំង​បទ​ល្មើស​គ្រឿង​ញៀន​(ក១០)​ឃាត់​ជន​ជាតិ​វៀត​ណាម​ម្នាក់​និង​គ្រឿង​ញៀន​ជិត​៤០​គីឡូ​ក្រាមនិង​សារ​​ធាតុ​មិន​​ច្បាស់​​ជិត​​២០០​គីឡូក្រាម  - ឯកឧត្តម ​រ័ត្ន ​​ស្រ៊ាង​ អញ្ជើញ​សំណេះ​សំណាល​ជាមួយ​មេ​គ្រួសារ​បក្ស​នៃ​គណបក្ស​ប្រជាជន​កម្ពុជា​ក្នុង​ភូមិ​​ដំណាក់​សង្កែ ​និង​ភូមិ​ព្រែករ​ទាំង​​សង្កាត់​ព្រែក​កំពឹស ​ខណ្ឌ​ដង្កោ​! - សមណសិស្សពុទ្ធិកបឋមសិក្សាវត្តស្វាយរមៀតនិងប្រជាពលរដ្ឋខ្វះខាត ព្រមទាំងសិស្សានុសិស្សទទួលបានសម្ភារៈសិក្សានិងគ្រឿងឧបភោគបរិភោគពីព្រះសង្ឃនិងសប្បុរសជនក្នុងក្រុងសៀមរាប - ព្រះសង្ឃនិងញាតិញោមក្នុងក្រុងសៀមរាបនាំយកសម្ភារៈសិក្សាចែកជូនដល់សិស្សានុសិស្សចំនួន៣៨៥នាក់ នៅសាលាបឋមសិក្សា ក្នុងឃុំចាន់ស្រុកសូទ្រនិគម ខេត្តសៀមរាប - ឯកឧត្តម ​សៀង ​ណាំ ​អញ្ជើញ​កាត់​ខ្សែ​បូរ​សម្ពោធ​ផ្លូវ​បេតុង​ប្រវែង ​១.២០០​ ម៉ែត្រ​នៅ​វត្ត​ព្រះ​ក្រាល​ស្ថិត​លើ​ខ្នង​ភ្នំ​គូលែន​ក្នុង​ភូមិ​ថ្មី ​ឃុំ​ខ្នង​ភ្នំ ​ស្រុក​ស្វាយ​លើ - ជន​សង្ស័យ​សម្លាប់​បុរស​ជន​ជាតិ​ចិន​នៅ​កណ្ដាល​វាល​ស្រែ​ក្នុង​ស្រុក​បាធាយ​ខេត្ត​កំពង់​ចាម​ត្រូវ​បាន​កម្លាំង​នាយកដ្ឋាន​នគរ​បាល​ព្រហ្ម​ទណ្ឌ ​ដឹក​នាំ​ការ​ស្រាវ​ជ្រាវ ​និង​ឈាន​ដល់​ការ​ចាប់​ខ្លួន​បាន​ជន​ដៃ​ដល់​ចំនួន​៣​នាក់​នៅ​ខេត្ត​សៀមរាប - យុទ្ឋនាការ“អន្ទាក់សូន្យ” នៅក្នុងតំបន់ការពារធម្មជាតិកម្ពុជា ដំណាក់កាលទី២ ក្នុងទឹកដីនៃខេត្តសៀមរាប - ពុទ្ធភាសិត និងបុរាណភាសិត បានអប់រំមនុស្សឱ្យចេះដឹង និងធ្វើតែអំពើល្ - អំណោយ​ប្រចាំ​ខែ​របស់​លោក​ឧត្ដម​សេនីយ៍ឯក ​រ័ត្ន ​ស្រ៊ាង​ បាន​ប្រគល់​ដល់​ដៃ​ពល​រដ្ឋ​ទី​ទាល់​ក្រ​១៧ ​គ្រួសារ​! - ផ្លូវដីសប្រវែងជិត៥គីឡូម៉ែត្រនៅក្នុងឃុំខ្នាសណ្ដាយ ស្រុកបន្ទាយស្រី ត្រូវបានបើកការដ្ឋានសាងសង់ ដើម្បីសម្រួលដល់ការធ្វើដំណើរ ប្រកមុខរបររបស់ប្រជាពលរដ្ឋ 
0

កិច្ចប្រជុំត្រួតពិនិត្យនិងជម្រុញការអនុវត្តគោលនយោបាយភូមិ ឃុំ សង្កាត់ មានសុវត្ថិភាពជាកត្តាដ៏សំខាន់សម្រាប់ការពារសន្តិសុខជូនពលរដ្ឋនៅតាមមូលដ្ឋាន


ខេត្តសៀមរាប ÷ ឯកឧត្តម លេង វី រដ្ឋលេខាធិការក្រសួងមហាផ្ទៃ និងជាប្រធានក្រុមការងារទី៩ នៃក្រុមត្រួតពិនិត្យ និង ជម្រុញការអនុវត្តគោលនយោបាយភូមិ ឃុំ សង្កាត់មានសុវត្ថិភាព បានថ្លែងថា កងកម្លាំង អាជ្ញាធរពាក់ព័ន្ធទាំងអស់ត្រូវចូលរួមអនុវត្តគោល នយោបាយភូមិ ឃុំ មានសុវត្ថិភាព ឲ្យមានប្រសិទ្ធ ភាពខ្ពស់បន្ថែមទៀត ព្រោះថាគោលនយោបាយភូមិ ឃុំ មានសុវត្ថិភាព គឺជាកត្តាដ៏សំខាន់សម្រាប់បម្រើការពារសន្តិសុខសណ្ដាប់ធ្នាប់សាធារណៈ ជូនប្រជាពលរដ្ឋនៅតាមមូលដ្ឋានប្រកបដោយភាពកក់ក្តៅ និងសុវត្ថិភាពខ្ពស់ ។

ការលើកឡើងបែបនេះរបស់ឯកឧត្តម លេង វី គឺនៅក្នុងឱកាសដែលឯកឧត្តមបានអញ្ជើញជាអធិបតីក្នុងកិច្ចប្រជុំ ជម្រុញការអនុវត្តគោលនយោបាយភូមិ ឃុំ សង្កាត់ មានសុវត្ថិភាព ក្នុងខេត្តសៀមរាប នារសៀលថ្ងៃទី១៩ ខែ ឧសភា ឆ្នាំ២០២៣ នៅសាលប្រជុំសាលាខេត្តសៀមរាប ដោយឯកឧត្តម បានធ្វើការណែនាំដល់កងកម្លាំងដែលពាក់ព័ន្ធទាំងអស់ ត្រូវខិតខំយកចិត្តទុកដាក់អនុវត្តគោលនយោបាយនេះឲ្យមានប្រសិទ្ធភាពខ្ពស់ ជាពិសេសក្នុងការចូលរួមការ ពារសន្តិសុខសណ្ដាប់ធ្នាប់សាធារណៈ សុវត្ថិភាពជូនប្រជាពលរដ្ឋនៅតាមមូលដ្ឋានគ្រប់ពេលវេលាគ្រប់កាលៈទេសៈ ដោយមិនប្រកាន់ពូជសាសន៍ពណ៌សម្បុរ និង និន្នាការនយោបាយ បក្សពួកនិយមណាមួយឡើយ ដោយត្រូវខិតខំអនុវត្តនិងបម្រើជូនប្រជាពល រដ្ឋឲ្យអស់ពីកម្លាំងកាយចិត្ត ដែលទាំងនេះគឺជាផ្នែកមួយ ក្នុងការការពារសុវត្ថិភាពសន្តិសុខសណ្ដាប់ធ្នាប់ ជូនគាត់ប្រកបដោយភាពកក់ក្តៅ និងសន្តិសុខខ្ពស់ ។

ជាមួយគ្នានេះឯកឧត្តម លេង វី ក៏បានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់កងកម្លាំងទាំងបីដែលបានខិតខំយកចិត្តទុកដាក់អនុវត្ត គោលនយោបាយនេះ បានយ៉ាងល្អប្រសើនាពេលកន្លងមក ដែលបងប្អូនប្រជាពលរដ្ឋមានជំនឿជឿជាក់យ៉ាងខ្លាំងចំពោះគោលនយោបាយមួយនេះ។

ឯកឧត្តមបានបន្តថាសម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានខិតខំប្រឹងប្រែង ក្នុងការលើកកម្ពស់សមត្ថភាពរដ្ឋបាលថ្នាក់ក្រោមជាតិតាមរយៈការបន្ត ជម្រុញអនុវត្តនូវកំណែទម្រង់វិមជ្ឈការ និងវិសហមជ្ឈការ ដែលមកដល់ពេលនេះ មានវឌ្ឍនភាពគួរឲ្យកត់សម្គាល់ លើការពង្រឹងភាពជាម្ចាស់ការរបស់រដ្ឋបាលមូលដ្ឋាន ក្នុងការបម្រើប្រជាពលរដ្ឋកាន់តែមានប្រសិទ្ធភាពខ្ពស់ តម្លាភាព និង គណេនយ្យភាព ។

ឯកឧត្តមក៏បានផ្តល់នូវអនុសាសន៍ល្អៗមួយចំនួន ដែលជាមូលដ្ឋានគ្រឹះ ដែលជាយន្តការសម្រាប់អាជ្ញាធរ កងកម្លាំងទាំងអស់ យកទៅអនុវត្តគោលនយោបាយភូមិ ឃុំ សង្កាត់ មានសុវត្ថិភាព ដែលជាកត្តាដ៏សំខាន់សម្រាប់ការពារសន្តិសុខជូនពលរដ្ឋនៅតាមមូលដ្ឋាន។ សូមឲ្យគណៈបញ្ជាការឯកភាពរដ្ឋបាលខេត្ត ក្រុង ស្រុក និង ឃុំសង្កាត់ ត្រូវជម្រុញការពង្រឹងលើការងារសន្តិសុខសង្គម ដោយជម្រុញឲ្យមានការចូលរួមពីប្រជាពលរដ្ឋ ហើយកម្លាំង ប្រជាការពារភូមិ ក៏ជាកម្លាំងស្នូលនៅក្នុងមូលដ្ឋាន ក្នុងការការពារសុវត្ថិភាពជូនប្រជាពលរដ្ឋ និងត្រូវមានកិច្ចសហការឲ្យបានល្អផងដែរ ។ ឯកឧត្តមក៏បានធ្វើការបកស្រាយពន្យល់ នូវចំណុចទាំង៧ នៃគោលនយោបាយភូមិ ឃុំ សង្កាត់មានសុវត្ថិ ភាពផងដែរ ។

ក្នុងកិច្ចស្វាគមន៍ និងសេចក្តីរាយការណ៍របស់ឯកឧត្តម ទៀ សីហា អភិបាលនៃគណៈអភិបាលខេត្ត និង ជាប្រធាន គណៈបញ្ជាការឯកភាពរដ្ឋបាលខេត្ត បានគូសបញ្ជាក់ពីលទ្ធផលការងារ អនុវត្តគោលនយោបាយភូមិ ឃុំ សង្កាត់ មានសុវត្ថិភាព ដោយបានធ្វើការផ្សព្វផ្សាយគោលនយោបាយភូមិ ឃុំ សង្កាត់ មានសុវត្ថិភាព ជូនដល់ប្រជាពលរដ្ឋ និង តាម សាធារណៈ ឆ្នាំ២០២២ បានចំនួន ២ពាន់៦៥៤លើក មានប្រជាពលរដ្ឋចូលរួម សរុប ១៧២៨១១នាក់ ស្រី ១០៣៧៣៥នាក់ និងនៅរយៈពេល៥ខែដើមឆ្នាំ២០២៣ មានចំនួន ១១៧២លើក មានប្រជាពល រដ្ឋចូលរួម សរុបចំនួន ១២៧៨៦២នាក់ ស្រី ៦៦២៦៤នាក់ ។ ចំពោះការងារប្រឡងប្រណាំង អនុវត្តគោលនយោបាយភូមិ ឃុំ សង្កាត់ មានសុវត្ថិ ភាព ឆ្នាំ២០២២ ចំណាត់ថ្នាក់លេខ១ មាន៦៧ ឃុំសង្កាត់ ចំណាត់ថ្នាក់លេខ២ មាន២៤ឃុំសង្កាត់ និង ចំណាត់ថ្នាក់លេខ៣ មាន ០៩ឃុំសង្កាត់ ។

កិច្ចប្រជុំនេះបានធ្វើឡើងនៅសាលប្រជុំសាលាខេត្តសៀមរាប នារសៀលថ្ងៃទី ១៩ ខែ ឧសភា ឆ្នាំ២០២៣ ក្រោមអធិបតីភាពរបស់ ឯកឧត្តម លេង វី រដ្ឋលេខាធិការក្រសួងមហាផ្ទៃ និងជាប្រធានក្រុមការងារទី៩ នៃក្រុមត្រួតពិនិត្យ និង ជម្រុញការអនុវត្តគោលនយោបាយភូមិ ឃុំសង្កាត់មានសុវត្ថិភាព ដោយមានការអញ្ជើញចូលរួមពីសំណាក់ឯកឧត្តម សួស អង្គារ៍ រដ្ឋលេខាធិការក្រសួងមហាផ្ទៃ និងជាអនុប្រធានក្រុមការងារទី៩ ឯកឧត្តម តេង សួន អនុរដ្ឋលេខាធិការក្រសួងមហាផ្ទៃ និងជាអនុប្រធានក្រុមការងារទី៩ និង ឯកឧត្តម ទៀ សីហា អភិបាលនៃគណៈអភិបាលខេត្ត ព្រមទាំងអស់លោក លោកស្រី នាយករដ្ឋបាលសាលាខេត្ត ថ្នាក់ដឹកនាំមន្ទីរ អង្គភាព ស្នងការ ស្នងការរងនគរបាលខេត្ត មេបញ្ជាការ បញ្ជាការរង គណៈបញ្ជាការឯកភាពរដ្ឋបាលក្រុង ស្រុក និង នាយ នាយរង មេឃុំ ចៅសង្កាត់ និង មេប៉ុស្តិ៍នគរបាលរដ្ឋបាលឃុំ សង្កាត់ ទាំង១០០ឃុំសង្កាត់ ចំនួន៣០០នាក់ដែលបានចូលរួមផងដែរ ៕

ដោយ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2023 រស្មីក្រុងយើង | Rasmey Krong Yoeng. All rights reserved. XHTML / CSS Valid.