ព័ត៌មាន​ទាន់ហេតុការណ៍
ឯកឧត្តមឧបនាយករដ្ឋមន្ត្រី សាយ សំអាល់ ចាត់ទុកធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុដ៏ទៃទៀត ជាដៃគូរយុទ្ធសាស្រ្តដ៏សំខាន់មួយ ក្នុងការទ្រទ្រង់ឧស្សាហកម្មហិរញ្ញវត្ថុ - ក្រសួងរៀបចំដែនដី នគរូបនីយកម្ម និងសំណង់ បានអញ្ជើញភាគីពាក់ព័ន្ធ ដើម្បីពិនិត្យ និងពិគ្រោះយោបល់លើការងារគ្រប់គ្រង និងប្រើប្រាស់ដី ស្ថិតនៅក្នុងភូមិឆ្វាំង ឃុំសំអាង - ដីឡូតិ៍លំនៅឋានត្រូវបានប្រគលជូនកងទ័ព នគរបាលជាតិដែលឈរជើងតាមព្រំដែនកម្ពុជា-វៀតណាម និងអតីតកងកម្លាំងប្រដាប់អាវុធ - វិញ្ញាបនបត្រសម្គាល់ម្ចាស់អចលនវត្ថុចំនួន ២៥៩បណ្ណ ជូនបងប្អូនប្រជាពលរដ្ឋស្ថិតនៅភូមិរណែង ឃុំស្រែឈូក ស្រុកកែវសីមា ខេត្តមណ្ឌលគិរី - លោក សាយ សំអាល់ ៖ កីឡាឡើងភ្នំបាននិងកំពុងទាក់ទាញចំណាប់អារម្មណ៍ខ្លាំងពីសំណាក់ប្រជាជនកម្ពុជា - ពិធីប្រកាសចូលកាន់តំណែង ក្រុមប្រឹក្សាខេត្តសៀមរាប អាណត្តិទី៤ នៅសាលសន្និសិទ្ធ សណ្ឋាគារសុខាសៀមរាប - ប្រជាពលរដ្ឋដែលមានក្បាលដីឃុំកែវពណ៌ស្រុកពួកខេត្តសៀមរាបត្រូវបានការងារចុះបញ្ជីដីធ្លីខេត្តធ្វើការប្រកាសកំណត់តំបន់សម្រាប់ធ្វើការវិនិច្ឆ័យ និងការចុះបញ្ជីដីធ្លីដែលមានលក្ខណៈជាប្រព័ន្ធ! - ឧបនាយករដ្ឋមន្ត្រី សាយ សំអាល់ ៖ តបតាមប្រសាសន៍ដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី សមាជិកក្រុមប្រឹក្សាខេត្ត អាណត្តិថ្មី ដែលជាអង្គនីតិប្បញ្ញត្តិរបស់ថ្នាក់ក្រោមជាតិនៃខេត្តនៅតាមតំបន់ឆ្នេរ ត្រូវជំរុញដំណើរការអភិវឌ្ឍតាមបែបប្រជាធិបតេយ្យថ្នាក់ក្រោមជាតិ - មន្ទីររៀបចំដែនដីនគរូបនីយកម្មនិងសំណង់ខេត្តសៀមរាបអំពាវនាវឱ្យប្រជាពលរដ្ឋដែលជាម្ចាស់ក្បាលដី ក្នុងឃុំកណ្តែក ស្រុកប្រាសាទបាគងអញ្ជើញមកពិនិត្យនិងផ្ទៀងផ្ទាត់ទិន្នន័យក្បាលដី! - គណៈអចិន្រ្តៃយ៍នៃគណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) បានរៀបចំកិច្ចប្រជុំរបស់ខ្លួន ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក
0

ក្រុមកីឡាមកពីប្រទេសឥណ្ឌូនេស៊ី ទទួលបានជ័យលាភីមេដាយមាស ក្នុងវិញ្ញាសារប្រកួតកង់ភ្នំជាក្រុមបណ្ដាក់គ្នា រយៈចំងាយ១៤,៨គីឡូម៉ែត្រ នៃប្រភេទកីឡាទោចក្រយាន


ខេត្តសៀមរាប ÷ កីឡាករ កីឡាការនីមកពីប្រទេស ឥណ្ឌូនេស៊ី បានឈ្នះមេដាយមាស លើវិញ្ញាសារកង់ភ្នំជាក្រុមបណ្ដាក់គ្នា Cross Country Reley (XCR) នៃប្រភេទកីឡាទោចក្រយាន សម្រាប់ព្រឹត្ដិការណ៍កីឡាស៊ីហ្គេមឆ្នាំ២០២៣នេះ លើចម្ងាយផ្លូវ១៤,៨គីឡូម៉ែត្រ វិលជុំស្មើនឹង៤ជុំ ដែលប្រព្រឹត្តទៅនៅតំបន់ឧទ្យានជាតិភ្នំគូលែន ស្ថិតក្នុងស្រុកបន្ទាយស្រី ខេត្តសៀមរាប កាលពីព្រឹកថ្ងៃទី៧ ខែឧសភា ឆ្នាំ២០២៣នេះ ដោយមានអត្តពលិកចំនួន២៤រូប មកពី៦ប្រទេស រួមមាន ប្រទេសកម្ពុជា , ថៃ , ឥណ្ឌូនេស៊ី , ម៉ាឡេស៊ី , ហ្វីលីពីន និងប្រទេសវៀតណាម ដោយក្នុងក្រុមនីមួយៗតម្រូវឲ្យមានកីឡាករ២នាក់ និងកីឡាការិនី២នាក់ ។

បន្ទាប់ពីការប្រកួតយ៉ាងស្វិតស្វាញក្នុងវិញ្ញាសារប្រកួតកង់ភ្នំ (XCR)បានបញ្ចប់ទៅ ក្រុមកីឡាករ-កីឡាការិនី មកពីប្រទេសឥណ្ឌូនេស៊ី ទទួលជ័យលាភី មេដាយមាស ខណៈក្រុមកីឡាករ-កីឡាការិនី ប្រទេស ថៃ ទទួលបានមេដាយប្រាក់ និងមេដាយសំរិទ្ធិ បានទៅលើក្រុមកីឡាករ-កីឡាការិនី មកពីប្រទេស ហ្វីលីពីន ។

កីឡាករមកពីប្រទេសឥណ្ឌូនេស៊ី បានបង្ហាញក្ដីរំភើប បន្ទាប់ពីក្រុមរបស់ខ្លួនបានទទួលជ័យជំនះលើការប្រកួតវិញ្ញាសារកង់ភ្នំ ជាក្រុមបណ្ដាក់គ្នា។ ម្យ៉ាងទៀត កីឡាកររូបនេះ ក៏បានកោតសសើរប្រទេសកម្ពុជា ដែលជាម្ចាស់ផ្ទះរៀបចំព្រឹតិ្តការណ៍ស៊ីហ្គេមលើកទី ៣២នេះថា បានយកចិត្តទុកដាក់ខ្ពស់ទាំងលើទីតាំង និងការទទួលបដិសណ្ឋាកិច្ចអត្តពលិក ។

សូមបញ្ជាក់ថា នេះគឺជាថ្ងៃទី២ហើយ នៃការប្រកួតលើវិញ្ញាសាកង់ភ្នំ ដោយថ្ងៃនេះការប្រកួតមានតែមួយវិញ្ញាប៉ុណ្ណោះ គឺការជិះកង់ជាក្រុមបណ្តាក់គ្នា ក្នុងរយៈចម្ងាយផ្លូវ១៤,៨គីឡូម៉ែត្រ នៅតំបន់ឧទ្យានជាតិភ្នំគូលែន ។ គួររំលឹកថា ការប្រកួតប្រភេទកីឡាប្រណាំងកង់ភ្នំនេះ មានចំនួន៩វិញ្ញាសាររួមមានវិញ្ញាសារកង់ភ្នំបុរស មានរយៈចម្ងាយផ្លូវ២៤គីឡូម៉ែត្រ ,កង់ភ្នំនារីមានរយៈចម្ងាយផ្លូវ២៤គីឡូម៉ែត្រ, កង់ភ្នំបណ្តាក់ជាក្រុមបុរស-នារី មានរយៈចម្ងាយផ្លូវ១៤,៨គីឡូម៉ែត្រ, កង់ភ្នំបុរសមានរយៈចម្ងាយផ្លូវ២៤គីឡូម៉ែត្រ និងកង់ភ្នំនារី មានរយៈចម្ងាយផ្លូវ២៤គីឡូម៉ែត្រ ហើយការប្រកួតមានរយៈពេល៣ថ្ងៃ ចាប់ពីថ្ងៃទី៦ ដល់ថ្ងៃទី៨ ខែឧសភា ឆ្នាំ២០២៣នេះ នៅតំបន់ឧទ្យានជាតិភ្នំគូលែន ក្នុងស្រុកបន្ទាយស្រី ខេត្តសៀមរាប ៕

ដោយ ÷ ពន្លឺ


Filed in: កីឡា, ព័ត៌មានជាតិ, ព័ត៌មានថ្មីៗ

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.