ប្តីប្រពន្ធឈ្មោះ ធី និងស្រឿន នាំគ្នាចាក់ដីរំលោភយកផ្ទៃបឹងក្រឡាញ់ ក្នុងភូមិ ឈូកស ឃុំសឹង្ហ ស្រុកសំរោងខេត្តតាកែវធ្វើកម្មសិទ្ធិខ្លួនយ៉ាងរំភើយ តើមន្ត្រីពាក់ព័ន្ធនិងអភិបាលស្រុកសំរោងបានដឹឬទេ?

ខេត្តតាកែវ ÷ ភាពលោភលន់ចង់មានបាន ខុសរឿង ទាំងខុសច្បាប់ គឺជាការលើកអំរែក«ទុក្ខ»ដាក់លើស្មាខ្លួនឯង។ មួយជីវិតបាយអស់ប៉ុន្មានចានអស់ប៉ុន្មានស្លាបព្រា? តើជីវិតចុងក្រោយរបស់អ្នកលោភ លន់ យកអ្វីបានខ្លះតាមទៅនរកបាន?។

ពលរដ្ឋក្នុងឃុំសឹង្ហដែលសុំលាក់ឈ្មោះបានឲ្យអស្កាយញូសិ៍ដឹងថា៖ មានការចាក់ដីរំលោភយកផ្ទៃបឹងក្រឡាញ់ជាបឹងសាធារណៈ ដែលស្ថិតនៅក្នុង ភូមិឈូកស ឃុំសឹង្ហ ស្រុកសំរោង ដើម្បីធ្វើកម្មសិទ្ធរបស់ខ្លួន ដោយមានប្តីនិងប្រពន្ធពីរនាក់ដែលប្តីឈ្មោះ ធី ប្រពន្ធឈ្មោះ ស្រឿន បានយកផ្ទៃបឹងមួយផ្នែកធំ បានយ៉ាងរំភើយ អត់ខ្លាចនរណាបន្តិចសោះឡើយ។

ប្រភពខាងលើដដែលអោយដឹងថា៖ បឹងក្រឡាញ់គឺជាដីបឹងសាធារណៈ សម្រាប់បងប្អូនក្នុងភូមិឈូកស ឃុំសឹង្ហ ប្រើប្រាស់ជាប្រយោជន៍រួម បានរក្សាទុកគង់វង់តាំងពីជីដូនជីតាមកម៉្លេះ។ ប៉ុន្តែដោយមូលហេតុ កន្លងមកឈ្មោះធីនិងប្រពន្ធឈ្មោះស្រឿន បានសុំ ទិញដីនៅជាប់នឹងចំណីបឹងក្រឡាញ់នេះ ទិញបានក្បាលដីបន្តិចបន្តួចពីឈ្មោះ ប៊ុនធឿន«គេមិនទាន់ដឹងថាឈ្មោះធឿនមានកម្មសិទ្ធិលើដីដែលលក់អោយឈ្មោះធី+ស្រឿននោះត្រឹមត្រូវស្របច្បាប់ឬគ្មាននៅឡើយទេ»។

ប្រភពបន្តថា ៖ បន្ទាប់ពីប្តីឈ្មោះធីនិងប្រពន្ធឈ្មោះស្រឿន ទិញដីពីឈ្មោះធឿនបានសម្រេច ស្រាប់តែពួកគាត់ប្តីប្រពន្ធបែកគំនិតហៅឡានចាក់ដីរំលោភ យកបឹងឈឹបៗតែម្តងទាំងអ្នកស្រុកដឹងថា ដីដែល ទិញពីឈ្មោះប៊ុនធឿននោះមានក្បាលដី និងបណ្តោយ ដីប្រវែងកន្ទុយអណ្តើកសោះ បែរជាចាក់ដីលប់បឹង យកបំពានច្បាប់យ៉ាងមុខក្រាស់តែម្តង។

លោកធី«ទាហានជើងទឹក»និងអ្នកស្រីស្រឿនដែលរង ចោទប្រកាន់ថា ថ្លើមធំចាក់ដីរំលោភយកបឹងក្រឡាញ់ បំពានច្បាប់នោះ យើងនៅមិនទាន់សុំការបកស្រាយបានទេព្រឹកនេះ។ ដោយឡែកលោកប៊ុនធឿនដែលជាអ្នកលក់ដីឲ្យប្តី+ប្រពន្ធក៏មិនទាន់សុំការបកស្រាយទាក់ទងនឹងឯកសារគតិយុត្តិរឿងលក់ដីនិងរឿងហេតុដែលឈានដល់ការបាំងដៃមើលឈ្មោះធី+ប្រពន្ធចាក់ដីរំលោភយកបឹងសាធារណៈបាននៅឡើយដែរ។

ដោយឡែកមន្រ្តីភូមិបាលស្រុក និងអភិបាលស្រុក មិនថាបានជ្រាបឬក៏សើមដែរដោយសារទូរសព្ទ័លោកអភិបាល មិនដែលភ្ជាប់បានម្តងឡើយ៕

ដោយ ÷ វិបុល