ព័ត៌មាន​ទាន់ហេតុការណ៍
ឯកឧត្តមឧបនាយករដ្ឋមន្ត្រី សាយ សំអាល់ ចាត់ទុកធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុដ៏ទៃទៀត ជាដៃគូរយុទ្ធសាស្រ្តដ៏សំខាន់មួយ ក្នុងការទ្រទ្រង់ឧស្សាហកម្មហិរញ្ញវត្ថុ - ក្រសួងរៀបចំដែនដី នគរូបនីយកម្ម និងសំណង់ បានអញ្ជើញភាគីពាក់ព័ន្ធ ដើម្បីពិនិត្យ និងពិគ្រោះយោបល់លើការងារគ្រប់គ្រង និងប្រើប្រាស់ដី ស្ថិតនៅក្នុងភូមិឆ្វាំង ឃុំសំអាង - ដីឡូតិ៍លំនៅឋានត្រូវបានប្រគលជូនកងទ័ព នគរបាលជាតិដែលឈរជើងតាមព្រំដែនកម្ពុជា-វៀតណាម និងអតីតកងកម្លាំងប្រដាប់អាវុធ - វិញ្ញាបនបត្រសម្គាល់ម្ចាស់អចលនវត្ថុចំនួន ២៥៩បណ្ណ ជូនបងប្អូនប្រជាពលរដ្ឋស្ថិតនៅភូមិរណែង ឃុំស្រែឈូក ស្រុកកែវសីមា ខេត្តមណ្ឌលគិរី - លោក សាយ សំអាល់ ៖ កីឡាឡើងភ្នំបាននិងកំពុងទាក់ទាញចំណាប់អារម្មណ៍ខ្លាំងពីសំណាក់ប្រជាជនកម្ពុជា - ពិធីប្រកាសចូលកាន់តំណែង ក្រុមប្រឹក្សាខេត្តសៀមរាប អាណត្តិទី៤ នៅសាលសន្និសិទ្ធ សណ្ឋាគារសុខាសៀមរាប - ប្រជាពលរដ្ឋដែលមានក្បាលដីឃុំកែវពណ៌ស្រុកពួកខេត្តសៀមរាបត្រូវបានការងារចុះបញ្ជីដីធ្លីខេត្តធ្វើការប្រកាសកំណត់តំបន់សម្រាប់ធ្វើការវិនិច្ឆ័យ និងការចុះបញ្ជីដីធ្លីដែលមានលក្ខណៈជាប្រព័ន្ធ! - ឧបនាយករដ្ឋមន្ត្រី សាយ សំអាល់ ៖ តបតាមប្រសាសន៍ដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី សមាជិកក្រុមប្រឹក្សាខេត្ត អាណត្តិថ្មី ដែលជាអង្គនីតិប្បញ្ញត្តិរបស់ថ្នាក់ក្រោមជាតិនៃខេត្តនៅតាមតំបន់ឆ្នេរ ត្រូវជំរុញដំណើរការអភិវឌ្ឍតាមបែបប្រជាធិបតេយ្យថ្នាក់ក្រោមជាតិ - មន្ទីររៀបចំដែនដីនគរូបនីយកម្មនិងសំណង់ខេត្តសៀមរាបអំពាវនាវឱ្យប្រជាពលរដ្ឋដែលជាម្ចាស់ក្បាលដី ក្នុងឃុំកណ្តែក ស្រុកប្រាសាទបាគងអញ្ជើញមកពិនិត្យនិងផ្ទៀងផ្ទាត់ទិន្នន័យក្បាលដី! - គណៈអចិន្រ្តៃយ៍នៃគណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) បានរៀបចំកិច្ចប្រជុំរបស់ខ្លួន ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក
0

ក្បូនដង្ហែព្រះអគ្គិជ័យកីឡាបានចេញដំណើរពីក្រុងសៀមរាបឆ្ពោះទៅក្រុងភ្នំពេញ


ខេត្តសៀមរាប ÷ ព្រះអគ្គិជ័យកីឡា ក្រោយពីបាន វិលត្រឡប់ពីបណ្តាប្រទេសអាស៊ានចូលដល់មាតុ ប្រទេសកម្ពុជាវិញ ហើយបានបន្តដំណើរក្បួនដង្ហែឆ្លងកាត់តាមបណ្តាខេត្តជុំវិញបឹងទន្លេសាប ហើយបានមកដល់ខេត្តសៀមរាប នៅថ្ងៃទី០៣ ខែ ឧសភា ឆ្នាំ២០២៣ ត្រូវបានទទួលស្វាគមន៍ពីព្រះសង្ឃ ប្រធានក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំ មន្ទីរ អង្គភាព មន្ត្រីរាជការ សហភាពសហព័ន្ធយុវជនកម្ពុជាខេត្ត យុវជនកាយរិទ្ធកម្ពុជា យុវជនកាកបាទក្រហម កងកម្លាំងប្រដាប់អាវុធ និង ប្រជាពលរដ្ឋ ភ្ញៀវជាតិ អន្តរជាតិ និង ត្រូវបានប្រគល់ជូន អាជ្ញាធរខេត្តសៀមរាប យកទៅរក្សាដំកល់ទុកព្រះអគ្គិជ័យកីឡានៅវត្តរាជបូណ៌ ក្រុងសៀមរាប។

លុះនៅព្រឹកថ្ងៃទី០៤ ខែឧសភា ឆ្នាំ២០២៣ ត្រូវបានធ្វើការប្រគល់ដល់គណៈប្រតិភូគណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ (CAMSOC-CAMAPGOC) ក្រោមការដឹកនាំរបស់ឯកឧត្តម នី ផល្លី រដ្ឋលេខាធិការក្រសួងទេសចរណ៍ ។

ក្នុងការទទួលស្វាគមន៍នោះដែរ នៅមុខទីបញ្ជាការដ្ឋានយោធិភូមិភាគទី៤ ដែលមានលោកមេបញ្ជាការ បញ្ជាការរង នាយ នាយរងការិយាល័យ នាយទាហាន ពលទាហាន បានអញ្ជើញធ្វើការបដិសណ្ឋាកិច្ច ចំពោះគណៈប្រតិភូ គណៈកម្មាធិការជាតិរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ (CAMSOC-CAMAPGOC) ដែលបានធ្វើការដង្ហែឆ្លង កាត់ក្នុងភូមិសាស្ត្រស្រុកប្រាសាទបាគង តាមបណ្តោយផ្លូវជាតិលេខ៦  រហូតទៅដល់ព្រំប្រទល់រវាងខេត្តសៀមរាប និងខេត្តកំពង់ធំ ដើមី្បធ្វើការផ្ទេរប្រគល់បន្តដំណើរដង្ហែព្រះអគ្គិជ័យកីឡា និង គប់ភ្លើងស៊ីហ្គេម អាស៊ានប៉ារ៉ាហ្គេម ឆ្ពោះទៅកាន់រាជធានីភ្នំពេញ នឹងទៅដល់ពហុកីឡាដ្ឋានជាតិ មរតកតេជោ នៅថ្ងៃទី០៥ ខែឧសភា ឆ្នាំ២០២៣ ប្រកបដោយទឹកមុខរីករាយស្រស់ស្រាយ ដោយមានលាយឡំនូវសម្រែកជ័យឃោសប្រកបដោយសុជីវធម៌បរិសុទ្ធ សន្តិភាព សាមគ្គីភាព ក្រោមប្រធានបទ (កីឡារស់ក្នុង សន្តិភាព ) ។

ក្នុងនោះដែរលោកឧត្តមសេនីយ៍ទោ  សុខ រិនណា មេបញ្ជាការរងយោធភូមិភាគទី៤  បានសង្ឃឹមយ៉ាងមុតមាំថា គ្រប់អត្តពលិកកម្ពុជាយើង និង បញ្ចេញនូវគ្រប់បច្ចេកទេសដែលខ្លួនបានហ្វឹកហាត់ ក្នុងការប្រកួតគ្រប់វិញ្ញាសារកីឡាស៊ីហ្គេម និង ទទួលបានមេដាយបានច្រើនជូនជាតិមាតុភូមិខ្លួន ។ លោកបានបន្តទៀត ថា ព្រឹត្តិការណ៍ ស៊ីហ្គែមលើកទី៣២ និង អាស៊ាម ប៉ារ៉ាហ្គែមលើកទី១២ ជាព្រឹត្តិការណ៍ប្រវត្តិសាស្ត្រ ដែលកម្ពុជារងចាំអស់រយៈពេល៦៤ឆ្នាំ រហូតកម្ពុជាមានលទ្ធភាពទទួលធ្វើជាម្ចាស់ផ្ទះនៅឆ្នាំ២០២៣នេះ ក្រោមប្រធានបទ (កីឡារស់ក្នុងសន្តិភាព ) ជាមោទនៈភាពរបស់ប្រជាពលរដ្ឋកម្ពុជាទាំងមូលដែលសបញ្ជាក់ឲ្យឃើញពីសុខសន្តិភាពបរិបូណ៌ និង ការអភិវឌ្ឍ លើគ្រប់វិស័យ ក្រោមការដឹកនាំប្រកបដោយគតិបណ្ឌិតរបស់រាជរដ្ឋាភិបាល ដែលមានសម្តេចតេជោ ហ៊ុន សែន ជាប្រមុខបាន ធ្វើឲ្យកម្ពុជាមានអ្វីៗគ្រប់យ៉ាង និង ធ្វើឲ្យមានភាពសុសសាយលើឆាកអន្តរជាតិ ។ ក្នុងព្រឹត្តិការណ៍ស៊ីហ្គែមលើកទី៣២ និង អាស៊ាមប៉ារ៉ា ហ្គែមលើកទី១២នេះ  កងកម្លាំងនៃយោធភូមិភាគទី៤ ក៏ បានចូលរួមលើការងាររក្សាសន្តិសុខ សុវត្ថិភាព ជូនដល់ក្រុមកីឡាករ កីឡាការិនី និង ប្រជាពលរដ្ឋចូលរួមទស្សនាកម្សាន្ត ក្នុង ការប្រកួតស៊ីហ្គែមលើក ទី៣២ និង អាស៊ាមប៉ារ៉ាហ្គែមលើកទី១២នេះ  ដែល មកប្រកួតវិញ្ញាសារជឹះកង់ឡើងភ្នំ, រត់ និងដើរ នៅលើទឹកដីខេត្តសៀមរាបផងដែរ៕

ដោយ ÷ ពន្លឺ

 

 


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.