រាជធានីភ្នំពេញ ÷ កាលពីវេលាម៉ោង១៨និង៣០នាទី ថ្ងៃទី២៨ ខែមេសា ឆ្នាំ២០២៣ អាវុធហត្ថរាជធានីភ្នពេញ ទទួលបានព័ត៌មាន តាមរយៈប្រព័ន្ធទូរស័ព្ទទាន់ហេតុការណ៍២៤ម៉ោង លេខ ១២៩១ ថាមានករណី លួចម៉ូតូ០១គ្រឿង ម៉ាក ធូដេ ពណ៌ផ្កាឈូក នៅចំណុច ភូមិអ័រគីដេ សង្កាត់អូរបែកក្អម ខណ្ឌសែនសុខ។
ភ្លាមៗនោះ កម្លាំងជំនាញតាមបណ្តាមូលដ្ឋានអាវុធហត្ថខណ្ឌក្នុងរាជធានីភ្នំពេញ បានបើកការស្រាវជ្រាវតាមស្វែងរកជនសង្ស័យ រហូតមកដល់វេលាម៉ោង ២១និង៣០នាទី ថ្ងៃដដែល កម្លាំងជំនាញអាវុធហត្ថខណ្ឌពោធិ៍សែនជ័យ សហការជាមួយ អាវុធហត្ថខណ្ឌសែនសុខ បានឈានដល់ការឃាត់ខ្លួនជនសង្ស័យចំនួន០២នាក់ នៅចំណុចផ្លូវ២០០៤ ភូមិគោកចំបក់ សង្កាត់ចោមចៅ១ ខណ្ឌពោធិ៍សែនជ័យ ដោយចាប់យកវត្ថុតាង ម៉ូតូ០១គ្រឿងម៉ាក ធូដេ ពណ៌ផ្កាឈូក ស៊េរី២០១១ ស្លាកលេខ ភ្នំពេញ 1IJ-5405 ជារបស់ជនរងគ្រោះ បានប្រគល់ជូនម្ចាស់ដើមវិញ។
ជនសង្ស័យទាំង០២នាក់ ជាបងប្អូនបង្កើតនឹងគ្នា មានឈ្មោះ៖
១-ឈ្មោះ វុត សំណាង ភេទប្រុស អាយុ២០ឆ្នាំ មុខរបរមិនពិតប្រាកដ ទីលំនៅបច្ចុប្បន្ន ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ។
២-ឈ្មោះ វុត សុខា ភេទប្រុស អាយុ១៧ឆ្នាំ មុខរបរមិនពិតប្រាកដ ទីលំនៅបច្ចុប្បន្ន ភូមិទ្រា៤ សង្កាត់ស្ទឹងមានជ័យ ខណ្ឌមានជ័យ។
ពួកគេទាំងពីរនាក់ ឆ្លើយសារភាពថា មិនធ្លាប់ដែល លួចម៉ូតូពីមុនមកឡើយ។
បច្ចុប្បន្ន ជនសង្ស័យទាំង ០២នាក់ខាងលើ ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ កសាង សុំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់៕
យោង #PhnomPenhGRK
