ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

ផ្លូវល្បឿនលឿនជាបន្តបន្ទាប់ជាច្រើនទៀតនៅកម្ពុជាខណៈផ្លូវល្បឿនលឿនទី៣ ភ្នំពេញ សៀមរាប គ្រោងបញ្ចប់ការសិក្សានៅខែឧសភា ២០២៣


ខេត្តសៀមរាប ÷ នៅក្នុងសន្និសីទស្តីពីការលើកកម្ពស់ការ តភ្ជាប់ការដឹកជញ្ជូនក្នុងតំបន់សម្រាប់ អាស៊ីកណ្តាល និងអាស៊ីអាគ្នេយ៍ ដែលធ្វើឡើងនៅសណ្ឋាគារសូហ្វីតែលអង្គរ ភូគីត្រា ខេត្តសៀមរាប កាលពីព្រឹកថ្ងៃទី២៨ ខែមេសា ឆ្នាំ២០២៣ នេះ ឯកឧត្តមទេសរដ្ឋមន្ត្រី និងជារដ្ឋមន្ត្រីក្រសួងសាធារណ ការ និងដឹកជញ្ជូន ស៊ុន ចាន់ថុល បានថ្លែងឲ្យដឹងថា កម្ពុជានឹងមានផ្លូវល្បឿនលឿនជាច្រើនបន្ថែមទៀត ខណៈផ្លូវល្បឿនលឿនសៀមរាប ភ្នំពេញ នឹងបញ្ចប់ការសិក្សាគម្រោងនៅខែឧសភាឆ្នាំ២០២៣ នេះ ។

ឯកឧត្តម ស៊ុន ចាន់ថុល ក៏បានលើកឡើងទៀតថា សម្រាប់កម្ពុជា ការអភិវឌ្ឍន៏មានច្រើនជាបន្តបន្ទាប់ មានទាំងគម្រោងតូច គម្រោងធំ ហើយនៅថ្ងៃទី០៧ ខែមិថុនា ឆ្នាំ២០២៣ខាងមុខ នេះ សម្តេចតេជោ ហ៊ុន សែន នឹងអញ្ជើញជាអធិបតីក្នុងពិធីសម្ពោធបើកការដ្ឋានសាងសង់ផ្លូវល្បឿនលឿនភ្នំពេញ បាវ៉ិត នៅថ្ងៃទី០១ ខែឧសភា ខាងមុខនេះដែរ សម្តេចតេជោក៏នឹងអញ្ជើញជួបសំណេះសំណាលជាមួយកម្មករ កម្មការិនី និងសម្ពោធបើកការដ្ឋានសាងសង់ផែកុងទីន័រថ្មីមួយទៀតនៅកំពង់ផែស្វយ័តក្រុងព្រះសីហនុ ដែលមានជម្រៅទឹក ១៤,៥ម៉ែត្រ ដែលផែថ្មីនេះ គឺអាចឲ្យនាវាប្រមាណជា៩៣ភាគរយ ដែលចរាចរណ៍នៅក្នុងតំបន់អាស៊ីប៉ាស៊ីហ្វិក អាចចូលចតបាន ខណៈពេលបច្ចុប្បន្ននេះ មាននាវាប្រមាណតែ ១៨ភាគរយប៉ុណ្ណោះ ដែលអាចចូលចតបាន ។

ឯកឧត្តមទេសរដ្ឋមន្ត្រី ក៏បានបញ្ជាក់ថា ជាមួយគ្នានេះ យើងក៏បានសិក្សាផ្លូវរថភ្លើង ដែលបច្ចុប្បន្នមានល្បឿនយឺត ឲ្យទៅជាផ្លូវរថភ្លើងល្បឿនលឿនពីភ្នំពេញទៅប៉ោយប៉ែត ហើយពីភ្នំពេញទៅកំពង់ផែស្វយ័តខេត្តព្រះសីហនុ ជាមួយគ្នានឹងការសិក្សាគម្រោងដឹកជញ្ជូនតាមផ្លូវទឹកពីទន្លេបាសាក់ ដោយ បើកផ្លូវទឹកទៅកាន់សមុទ្រនៅខេត្តកែប ក៏បានបញ្ចប់ផងដែរ នៅ។

ក្នុងនោះឯកឧត្តមបានបញ្ជាក់បន្ថែមថា នៅមានគម្រោងជាច្រើនទៀត ទាំងតូច ទាំងធំ ក្នុងនោះក៏មានគម្រោងផ្លូវល្បឿនលឿនទី៣ ចេញពីភ្នំពេញ មកខេត្តសៀមរាប ហើយក៏អាចមានផ្លូវល្បឿនលឿនទី៤ ទី៥ ទី៦ ជាបន្តបន្ទាប់ទៀតដែរ ។

តាមការបញ្ជាក់របស់លោកបណ្ឌិត Young Tae Kim អគ្គលេខាធិកា ITF បានបង្ហាញថា វេទិកាដឹកជញ្ជូនអន្តរជាតិ (ITF) កំពុងដឹកនាំការងារទាក់ទងនឹងការដឹកជញ្ជូននៃ “កម្មវិធីហេដ្ឋារចនាសម្ព័ន្ធប្រកបដោយនិរន្តរភាពនៅអាស៊ី” (SIPA) ដែលជាកម្មវិធី រយៈពេលបួនឆ្នាំ (២០២១-២៥) ដែលដឹកនាំដោយ OECD ដើម្បីលើកទឹកចិត្តដល់ការផ្លាស់ប្តូរឆ្ពោះទៅរកថាមពលស្អាត ការដឹកជញ្ជូន និងប្រព័ន្ធឧស្សាហកម្មនៅអាស៊ីកណ្តាល និងអាស៊ីអាគ្នេយ៍ ។ លោកបានបន្តទៀតថា SIPA មានបំណងរៀបចំការវិនិយោគហេ ដ្ឋារចនាសម្ព័ន្ធក្នុងតំបន់ឲ្យកាន់តែប្រសើរឡើង ក្នុងអំឡុងពេលនៃការស្តារសេដ្ឋកិច្ចឡើងវិញពីជម្ងឺរាត ត្បាត Covid-19 ជាមួយនឹងគោលបំណងនៃកិច្ចព្រមព្រៀងទីក្រុងប៉ារីស និង គោលដៅអភិវឌ្ឍន៍ ប្រកបដោយ ចីរភាពរបស់អង្គការសហប្រជាជាតិ ។ ការរួមចំណែករបស់ ITF ដល់ SIPA ផ្តោតលើការអភិវឌ្ឍន៍ហេដ្ឋារចនាសម្ព័ន្ធដឹកជញ្ជូនប្រកបដោយនិរន្តរភាពនៅអាស៊ីកណ្តាល និងអាស៊ីអាគ្នេយ៍ ជាមួយនឹងការសិក្សាដែលគ្របដណ្តប់កម្រិតតំបន់ និងថ្នាក់ជាតិ យោងទៅលើថ្នាក់តំបន់ ITF នឹងវាយតម្លៃសមត្ថភាពនៃការដឹកជញ្ជូនទ្រង់ទ្រាយធំកម្មវិធីហេដ្ឋារចនាសម្ព័ន្ធក្នុងតំបន់ទាំងពីរដើម្បីធ្វើឲ្យប្រសើរឡើង នូវការតភ្ជាប់និងកាត់បន្ថយការចំណាយផ្នែកបរិស្ថាន ។ គម្រោងនេះនឹងយកភាគហ៊ុននៃគម្រោងហេដ្ឋារចនាសម្ព័ន្ធដឹកជញ្ជូនបច្ចុប្បន្ន និងដែលបានគ្រោងទុកនៅក្នុងតំបន់ ហើយវាយតម្លៃផលប៉ះពាល់របស់ពួកគេតាមរយៈការវិភាគសេណារីយ៉ូ ។ វាក៏នឹងណែនាំផងដែរនូវយុទ្ធសាស្រ្តក្នុងការផ្តល់ហិរញ្ញប្បទានដល់ការវិនិយោគ ដើម្បីបិទគម្លាត ហេដ្ឋារចនាសម្ព័ន្ធដែលបានកំណត់ណាមួយនោះ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.