ប្រជាពលរដ្ឋរងគ្រោះដោយខ្យល់កន្ត្រាក់ ៦0គ្រួសារ ក្នុងស្រុកបន្ទាយស្រី ខេត្តសៀមរាប ទទួលអំណោយ ពីសម្ដេចពិជ័យសេនាទៀ បាញ់

ខេត្តសៀមរាប÷ នៅថ្ងៃទី១៨ ខែមេសា ឆ្នាំ២០២៣ នេះ ប្រជាពលរដ្ឋចំនួន ៦០គ្រួសារដែលរស់នៅក្នុងឃុំរុនតាឯក .ឃុំព្រះដាក . ឃុំរំចេក និងឃុំឃុនរាម ស្រុកបន្ទាយស្រី ខេត្តសៀមរាប ដែលបានទទួលផល ប៉ះពាល់ ពីភ្លៀង និងខ្យល់កន្ត្រាក់ ទទួលបានសង្ក័សី ពីសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តសៀមរាប ដើម្បីធ្វើការជួសជុលលំនៅដ្ឋានឡើងវិញ។

តាមរបាយការណ៍ លោក រិន ឡូត អភិបាល នៃគណៈអភិបាលស្រុកបន្ទាយស្រីបានឲ្យដឹងថា កាលពីថ្ងៃ ទី១៥ ខែមេសា ឆ្នាំ២០២៣ នៅក្នុងមូលដ្ឋានស្រុកបន្ទាយស្រី មានភ្លៀង និងខ្យល់កន្ត្រាក់ វេលាម៉ោង ២១:៣០នាទីយប់ ដែលបង្ករផលប៉ះពាល់ និងការខូច ខាតផ្ទះសម្បែងរបស់ប្រជាពលរដ្ឋ ឃុំចំនួន៥ ស្មើ៦២ ករណី (ខ្នងផ្ទះ) ដែលរងផលប៉ះពាល់ក្នុងនោះ ឃុំខ្នាសណ្តាយចំនួន១ករណី(ជួសជុលរួច) ឃុំរំចេក រលំចំនួន១ករណី ឃុំព្រះដាក់ របើកជញ្ជាំង និងដំបូលផ្ទះចំនួន១២ករណី ឃុំឃុនរាម របើកដំបូលផ្ទះ ជញ្ជាំងផ្ទះ និងផ្ទះបាយចំនួន១៤ករណី ឃុំរុនតាឯក រំលំទាំង ស្រុង១០ករណី និងរបើកដំបូល២៣ករណី ក្នុងនោះខ្នងផ្ទះដែលខូចខាតសង្ក័សីច្រើនមានចំនួន៥ខ្នងផ្ទះ ដែលខូចខាតចន្លោះពី៣៤សន្លឹក រហូតដល់៨០ សន្លឹក តែមិនបណ្ដាលឲ្យប៉ះពាល់ដល់អាយុជីវិតមនុស្ស សត្វ នោះទេ។ លោកក៏បានសំដែងនូវការសោកស្ដាយជាពន់ពេក ក៏ព្រោះតែហេតុការណ៍នេះគឺគ្មាននរណាម្នាក់ចង់ជួបប្រទះឡើយ ចំពោះការខូច ខាតផ្ទះសំបែង ទ្រព្យសម្បត្តិដោយសារគ្រោះមហន្តរាយដោយធម្មជាតិនេះ ។

ក្នុងឱកាសនោះដែរ លោក រិន ឡូត ក៏បានមានប្រសាសន៍ផ្តាំផ្ញើដល់បងប្អូន ប្រជាពលរដ្ឋទាំងអស់ត្រូវបង្កើនការប្រុងប្រយ័ត្នក្នុងការថែទាំសុខភាពការ រកកន្លែងសុវត្តិភាពពេលមាន ភ្លៀង ផ្គរន្ទះ និងខ្យល់កន្ត្រាក់ ជៀសវាងហានិភ័យ ដល់អាយុជីវិត និងស្នើសុំបងប្អូនទាំងអស់ដាំដើមឈើនៅតាមលំនៅដ្ឋានរៀងៗខ្លួន ដើម្បីបានជាម្លប់ និងការពារខ្យល់កន្ត្រាក់។ សូមជម្រាបថាបងប្អូនប្រជាពលរដ្ឋចំនួន ៦០គ្រួសារ មកពីឃុំចំនួន៤ក្នុង មូលដ្ឋានស្រុកបន្ទាយស្រី ដែលរងផលប៉ះពាល់ដោយសារភ្លៀង និងខ្យល់កន្ត្រាក់ ទទួលបានស័ង្កសីចំនួន៧៦១សន្លឹក ។ ក្នុងនោះឃុំឃុនរាម មាន១៤គ្រួសារ ទទួលបានសង្ក័សី១១៥សន្លឹក. ឃុំរំចេក ១គ្រួសារ ទទួលបានសង្ក័សី ២៥សន្លឹក .ឃុំព្រះដាក ១២គ្រួសារ សង្ក័សី ៩៨សន្លឹក.និងឃុំរុនតាឯក ៣៣គ្រួសារ ទទួលបានសង្ក័សី៥២៣សន្លឹក។ ហើយកន្លងមកក្រុមការងាររាជរដ្ឋាភិបាល ចុះមូលដ្ឋានស្រុកបន្ទាយស្រី ក៏បានជួយជួសជុលលំនៅដ្ឋាន ប្រជាពលរដ្ឋក្នុងភូមិធម្មជាតិរុនតាឯកថ្មី បានចំនួន១៤ខ្នង ផងដែល ដែលរងផល់ប៉ះពាល់ដោយសារគ្រោះមហន្តរាយធម្មជាតិផងដែរ៕

ដោយ ÷ ពន្លឺ