ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

សាកលវិទ្យាល័យអង្គរខេត្តសៀមរាបបើកសន្និបាត បូកសរុបលទ្ធផលការងារ ប្រចាំឆ្នាំ២០២១-២០២២


ខេត្តសៀមរាប ÷ នៅរសៀលថ្ងៃទី ០៦ ខែ មេសា ឆ្នាំ២០២៣ នេះ សាកលវិទ្យាល័យអង្គរខេត្តសៀមរាប បានបើកសន្និបាតបូកសរុបលទ្ធផលការងាររបស់សាកលវិទ្យាល័យអង្គរប្រចាំឆ្នាំ២០២១.២០២២ ស្ថិតក្រោមអធិបតី របស់ឯកឧត្តម សោម រតនា អនុរដ្ឋលេខាធិការក្រសួងអប់រំ យុវជន និងកីឡា និងជាតំណាងដ៏ខ្ពង់ខ្ពស់របស់បណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជននិងកីឡា និង លោក យុន លីនណេ អភិបាលរងនៃគណៈអភិបាលខេត្ត ដោយមានការអញ្ជើញចូលរួមពីសំណាក់      ឯកឧត្តម អស់ លោក លោកស្រីជាក្រុមប្រឹក្សាភិបាលសាកលវិទ្យាល័យ ថ្នាក់ដឹកនាំមន្ទីរពាក់ព័ន្ធ សាកលវិទ្យាធិការ និង សាស្ត្រាចារ្យ ព្រមទាំងសិស្ស និសិ្សតចូលរួមផងដែរ ។

បន្ទាប់ពីលោក បណ្ឌិត ញិល រដ្ឋា សាកលវិទ្យាធិការ នៃសាកលវិទ្យាល័យអង្គរ ធ្វើសេចក្តីរាយការណ៍ អំពីវឌ្ឍនភាពរបស់សាកលវិទ្យាល័យអង្គរចាប់ពីការបើកដំណើរការរហូតមកដល់បច្ចុប្បន្នរួចមក មានប្រសាសន៍សំណេះសំណាល នោះដែរ លោក យុន លីនណេ ក្នុងនាមក្រុមប្រឹក្សាខេត្ត និង គណៈអភិបាលខេត្ត បានបញ្ជាក់ថា ក្រោមការដឹកនាំប្រកបដោយភាពឈ្លាសវៃ និងប្រកបដោយគតិបណ្ឌិតរបស់ប្រមុខរាជរដ្ឋាភិបាលកម្ពុជា ធ្វើឲ្យមានការអភិវឌ្ឍន៍រីក ចម្រើនគួរឲ្យកត់សម្គាល់ទូទាំងប្រទេស ។ ដោយ ឡែកសម្រាប់ខេត្តសៀមរាប ក៏មានការរីកចម្រើនលូតលាស់គួរឲ្យកត់សម្គាល់ផងដែរ លើវិស័យផ្គត់ផ្គង់ទឹកស្អាត អគ្គិសនី សេវាកម្មផ្សេងៗ ការសាងសង់អាកាសយានដ្ឋានអន្តរជាតិថ្មី ពិសេសគឺការកែលម្អហេដ្ឋារចនាសម្ព័ន្ធផ្លូវថ្នល់ចំនួន៣៨ខ្សែ ការកែលម្អដងស្ទឹងសៀមរាប ដែលជាអំណោយដ៏ថ្លៃថ្លាមិនអាចកាត់ថ្លៃបានពីសំណាក់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។ លោកអភិបាលរងខេត្ត ក៏បានធ្វើការវាយតម្លៃខ្ពស់លើវិស័យអប់រំ ដែលជាសសរស្តម្ភដ៏រឹងមាំក្នុងការបណ្តុះបណ្តាលធនធានមនុស្សដ៏សំខាន់ ឆ្ពោះទៅរកភាពជោគជ័យនូវទិសដៅឆ្នាំ២០៣០ និង ២០៥០ របស់រាជរដ្ឋាភិបាលកម្ពុជា ។ លោកក៏បានធ្វើការរំលឹកដល់សិស្ស និង និសិ្សតទាំងអស់ យើងត្រូវចេះដឹងគុណដល់ខ្លួនឯង ដឹងគុណដល់មាតាបិតា អាណាព្យាបាលរបស់ខ្លួន និងដឹងគុណដល់អ្នកផ្តល់និងចែករំលែកចំណេះដឹង ដែលធ្វើឲ្យយើងមានអនាគតរុងរឿង ក្នុងការចូលរួមកសាង និងអភិវឌ្ឍន៍ប្រទេសជាតិ ។

មានប្រសាសន៍នោះដែរឯកឧត្តម សោម រតនា អនុរដ្ឋលេខាធិការ បានបញ្ជាក់ថាសមិទ្ធផលដ៏ថ្លៃថ្លាទាំងនេះ គឺពិតជាបានមកពីពលិកម្មដ៏ធំធេង ទាំងកម្លាំងកាយចិត្ត ប្រាជ្ញា ស្មារតី និងធនធានសម្ភារៈ ថវិការបស់សង្គមទាំងមូល ពិសេសគំនិតផ្តួចផ្តើម គំរូដឹកនាំរបស់ថ្នាក់ដឹកនាំមន្ទីរ ការិយាល័យ នាយកសាលា លោកគ្រូ អ្នកគ្រូ សិស្សានុសិស្ស ព្រះសង្ឃ មាតាបិតា និងអាជ្ញាធរដែនដីគ្រប់លំដាប់ថ្នាក់នៅគ្រប់មូលដ្ឋានទូទាំងខេត្តតាមគោលនយោបាយយុទ្ធសាស្ត្រចតុ កោណ ដំណាក់កាលទី៤របស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ លើសពីនេះក៏មានការរួមចំណែកពី សហគមន៍ ក្រុមហ៊ុន ដៃគូអភិវឌ្ឍន៍ និងអង្គការជាតិ អន្តរជាតិនានាជាច្រើនទៀត ។ ក្នុងនោះដែរឯកឧត្តមក៏បានគូសបញ្ជាក់ថា ដើមី្បសម្រេចនូវទិសដៅ នៃយុទ្ធសាស្ត្រចតុកោណរបស់រាជរដ្ឋាភិបាលកម្ពុជា ក្រសួងអប់រំ យុវជន និងកីឡា ក៏បានធ្វើកំណែទម្រង់ចំនួន៥ ចំណុច ដើមី្បសំដៅឆ្ពោះទៅភាពជោគជ័យ នៃទិស ដៅរបស់រាជរដ្ឋាភិបាលឆ្នាំ២០៣០ និង ២០៥០ ក្នុងការឆ្លើយតបទៅតម្រូវការ គឺត្រូវមានធនធានមនុស្សជាចាំបាច់បំផុត ។ ទី១ ត្រូវយកចិត្តទុកដាក់លើគ្រូបង្រៀន ,ទី២.ត្រូវកែប្រែកម្មវិធីសិក្សា ,ទី៣.កែទម្រង់ឲ្យមានប្រព័ន្ធអធិការកិច្ច ,ទី៤.បង្កើនប្រព័ន្ធវាយតម្លៃ និងទី៥.កំណែទម្រង់នៅថ្នាក់ឧត្តមសិក្សា ។ ការកំណែទម្រង់ថ្នាក់ឧត្តមសិក្សា ដោយផ្តល់អទិភាពពីរ ដល់ឆ្នាំ២០៣០នោះ សិស្សដែលបានបញ្ចប់បរិញ្ញា បត្រ ចេញទៅចំនួន៥០% ត្រូវ រកបានការងារធ្វើចំជំនាញ និងទីផ្សារដែលជាគោលការណ៍អភិវឌ្ឍន៍ ក្នុងវិស័យឧត្តមសិក្សា និងធ្វើការសិក្សាស្រាវជ្រាវ ឲ្យ លើសពី១ទៅ៥ដង ដើមី្បឆ្លើយតបទៅនឹងតម្រូវការទីផ្សារក្នុងតំបន់ផងដែរ ។ ក្នុងនោះឯកឧត្តមបានផ្តល់នូវអនុសាសន៍ល្អៗ ជាមូលដ្ឋានគ្រឹះ សម្រាប់ធ្វើកិច្ចពិភាក្សា ដើមី្បរកធាតុចូលសម្រាប់យកទៅអនុវត្ត នៅក្នុងសាកលវិទ្យាល័យរបស់ខ្លួន ។ ម៉្យាងទៀតជាមួយជោគជ័យ និងការរីកចម្រើនទាំងនេះ យើងក៏នៅមានបញ្ហាសេសសល់មួយចំនួន និងបញ្ហាថ្មីៗជាច្រើនទៀតដែលត្រូវដោះស្រាយយូរអង្វែង និងជាបន្ទាន់ផងដែរ ដូចជាការអប់រំសីលធម៌ និងសេចក្តីថ្លៃថ្នូរក្នុងសង្គម ការបណ្តុះព្រលឹងជាតិ ការលើកកម្ពស់គុណភាពអប់រំ គុណភាពបំណិនជីវិត សុខភាព អនាម័យនិងអាហារូបត្ថម្ភ ការផ្សារភ្ជាប់ទីផ្សារសេដ្ឋកិច្ច ការអប់រំបច្ចេកទេស និងជាពិសេសគឺការប្រមូលកម្លាំង និងធនធានក្នុងសង្គមទាំងមូល ដើម្បីសម្រេចបាននូវគោលដៅដែលត្រូវធានាឲ្យបាននូវការចូលរៀនរបស់កុមារទាំងអស់គ្នា ប្រកបដោយសមធម៌ បរិយាបន្ន និងមានគុណភាពឆ្លើយតបទៅនឹងកាតព្វកិច្ចសិក្សា ដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា និន្នាការអន្តរជាតិក្នុងដំណាក់កាលសាកល ភាវូបនីយកម្ម និងគោលដៅអភិវឌ្ឍប្រកបដោយចីរភាព។

ក្នុងនោះដែរឯកឧត្តមអនុរដ្ឋលេខាធិការ ក៏បានលើកផងដែរ អំពីការរៀបចំខួប១០ឆ្នាំ នៃព្រឹត្តិការណ៍អង្គរសង្ក្រាន្តឆ្នាំ២០២៣នៅខេត្តសៀមរាបផងដែរ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.