ព័ត៌មាន​ទាន់ហេតុការណ៍
ក្រសួងរៀបចំដែនដី នគរូបនីយកម្ម និងសំណង់ បាននឹងកំពុងអនុវត្តយុទ្ធសាស្រ្តបញ្ចកោណ ដំណាក់កាលទី១ គោលនយោបាយអាទិភាពទាំង៦ និងចំណុចគន្លឹះទាំង៥របស់រាជរដ្ឋាភិបាលកម្ពុជាក្រោមការដឹកនាំដ៏ត្រឹមត្រូវរបស់សម្តេចមហាបវរធិបតីនាយករដ្ឋមន្ត្រី - ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីជំរុញដល់មន្ត្រីនិងអាជ្ញាធរពាក់ព័ន្ធត្រូវរួមគ្នាដោយយកចិត្តទុកដាក់ ដើម្បីសម្រេចតាមផែនការនៃការចុះបញ្ជីដីធ្លីជូនប្រជាពលរដ្ - អ្នកតំណាងរាស្ត្រមណ្ឌលសៀមរាប អញ្ជើញកាត់ខ្សែបូ សម្ពោធឆ្លងកុដិ ផ្លូវបេតុង និងដងទង់ ក្នុងវត្តរតនមុនីរោងគោ ស្រុកក្រឡាញ់ - អគ្គស្នងការនគរបាលជាតិ ប្រកាសការចូលកាន់មុខតំណែង ស្នងការនគរបាលខេត្តសៀមរាបថ្មី - អរគុណនយោបាយឈ្នះឈ្នះ អរគុណសន្តិភាព អរគុណស្ថាបនិកប្រតិបត្តិករសន្តិភាព - ពិធីប្រកាសដាក់ឱ្យប្រើប្រាស់ជាផ្លូវការសេវាសាធារណៈតាមប្រព័ន្ធឌីជីថល របស់ក្រសួងរៀបចំដែនដី នគរូបនីយកម្ម និងសំណង់ - ថ្នាក់ដឹកនាំសាសនាឥស្លាមខេត្តសៀមរាបរៀបចំអបអរសាទរថ្ងៃបិទបញ្ចប់ការបួសរ៉ម៉ាឌន និងរីករាយថ្ងៃបុណ្យរ៉យ៉ាហ្វីតទ្រី (បុណ្យចូលឆ្នាំរបស់សាសនិកឥស្លាម) - វិញ្ញាបនបត្រសម្គាល់ម្ចាស់អចលនវត្ថុចំនួន ១ ៥៦៦បណ្ណ ត្រូវបានចែកជូនបងប្អូនប្រជាពលរដ្ឋនៅភូមិអូរព្រាល ឃុំសំរោង ស្រុកភ្នំក្រវាញ ខេត្តពោធិ៍សាត់ - គណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា បន្តប្រជុំតាមដាន ត្រួតពិនិត្យ និងវាយតម្លៃគម្រោងអភិវឌ្ឍរមណីយដ្ឋានខ្សាច់កម្សាន្តសាធារណៈកម្រិតខ្ពស់ប្រវែង ២ ៧០០ម៉ែត្រ - អាជ្ញាធរសង្កាត់ស្រង៉ែក្រុងសៀមរាបធ្វើសង្ក្រាន្តឆ្នាំថ្មីដើម្បីចង់បង្ហាញវប្បធម៌ អរិយធម៌ ប្រពៃណី និង ទំនៀមទំលាប់របស់ខ្មែរ
0

ការបកស្រាយបំភ្លឺរបស់លោក និត វុឌ្ឍី អតីតស្មៀនឃុំអូរបីជាន់ជូនចំពោះអ្នកសារព័ត៌មាន និងសាធារណជន!!!


ខេត្តបន្ទាយមានជ័យ ÷ លោក និត វុឌ្ឍី អតីតស្មៀនឃុំ អូបីជាន់ ស្រុកអូជ្រៅ ខេត្តបន្ទាយមានជ័យ បានបញ្ជាក់ប្រាប់អ្នកយកព័ត៌មានប្រចាំខេត្តបន្ទាយ មានជ័យ របស់អង្គភាព អស្កាយញូសិ៍ យើងថាលោកពិតជាមានការសោកស្ដាយមិនសប្បាយចិត្តខណៈដែលឃើញសារព័ត៌មានក្នុងស្រុកមួយ (AIR News) បានចុះផ្សាយមិនបានស្វែងរកប្រភពមូលដ្ឋានឲ្យបានច្បាស់លាស់មុខ និងផ្សាយដោយបានដាក់ចំណងជើងថា ÷ “លោក និត វុទ្ធី ស្មៀនឃុំអូរបីជាន់ដុតឯកសារសំខាន់ៗចោលអស់ពេលដឹងថាខ្លួនលែងបានធ្វើជាស្មៀនទៀតហើយ”

លោក និត វុឌ្ឍី បានបញ្ចប់ថាសារព័ត៌មានខាងលើបានពិពណ៌នានិងចុះផ្សាយគ្មានមូលដ្ឋានច្បាស់ លាស់ធ្វើឲ្យលោករងភាពអាម៉ាស់ និងមិនមានការសប្បាយចិត្តដោយសារការផ្សាយព័ត៌មានមិនពិតដោយយកប្រភពពីលោក យ៉ន សុខា ជំនប់ទី២ មកពីគណបក្សភ្លើងទៀន នៅក្នុងឃុំអូរបីជាន់នេះ ដោយយកព័ត៌មានមិនមានមូលដ្ឋានច្បាស់លាស់នេះយកទៅឲ្យសារព័ត៌មានបង្ហោះក្នុងន័យបង្ខូចកេរ្តិ៍ឈ្មោះរបស់លោក។

លោក និត វុឌ្ឍី បានបញ្ជាក់ថាឯកសារដែលរូប លោកបានដុតដែលព័ត៌មានបានចុះផ្សាយនោះជាឯកសារសរសេរខុសៗឯកសារហួសកាលកំណត់ប្រើប្រាស់ដូចជាបញ្ជីឈ្មោះបោះឆ្នោតឆ្នាំ២០០៤ ឯកសារផ្សព្វផ្សាយការចាក់វ៉ាក់សាំងនិងជំងឺផ្ដាសាយបក្សីឆ្នាំ២០០៦ និងលិខិតប័ណ្ណផ្សព្វផ្សាយចុះឈ្មោះបោះឆ្នោតឆ្នាំ២០០៦ជាដើមចំណែកឯកសារដែលមានសារៈសំខាន់គឺលោកបានរក្សាទុកយ៉ាងល្អមិនមានការបាត់បង់ឬក៏យកទៅបោះចោលឬដុតចោលនោះទេ។ ដូច្នេះសូមឱ្យអស់លោកលោកស្រីដែលប្រើប្រាស់បណ្ដាញសង្គមហ្វេសប៊ុក ពិសេសអ្នកផ្សាយព័ត៌មាន ឬអ្នក share បន្ត មេត្តាជ្រាបពីការពិតកុំជឿទៅលើការផ្សព្វផ្សាយព័ត៌មាននៅក្នុងចរិកញុះញង់របស់លោក យ៉ន សុខា ជំទប់ទី២របស់គណបក្សភ្លើងទានឲ្យសោះ ពីព្រោះការផ្សាយនេះវាធ្វើឲ្យប៉ះពាល់ដល់កិត្តិយស ការបរិហារកេរ្តិ៍ និងសេចក្តីថ្លៃថ្នូររបស់លោកយ៉ាងធ្ងន់ធ្ងរ។

បើតាមលោក និត វុឌ្ឍី លោកបានបញ្ជាក់បន្ថែមថាលោកបានធ្វើការជាស្មៀនឃុំនេះអស់រយៈពេល ២០ឆ្នាំជាងមកហើយ ហើយលោកចង់អភិវឌ្ឍន៍ខ្លួនរបស់លោកដោយផ្ទាល់ហើយលោកបានធ្វើលិខិតសុំប្ដូរមកបម្រើការងារនៅសាលាស្រុកអូជ្រៅវិញដោយលោកបានដាក់សំណើសុំផ្លាស់ប្ដូរកាលពីថ្ងៃទី១៣ ខែមីនា ហើយនៅថ្ងៃទី១៤ ខែមីនា ឆ្នាំ២០២៣ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ ក៏បានសម្រេចឲ្យរូបលោកមានការដោះដូរពីស្មៀនឃុំអូបីជាន់មកកាន់សាលាស្រុកអូរជ្រៅតែម្ដង។

ដូច្នេះលោកមិនត្រូវបានគេដកពីស្មៀនដូចការចុះផ្សាយព័ត៌មានឬការចោទប្រកាន់ពីលោកជំទប់ទី២ មកពីគណបក្សភ្លើងទាននោះទេ៕

ដោយ ÷ សាមន


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.