ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

សាខាកាកបាទក្រហមកម្ពុជាខេត្តសៀមរាបចុះអប់រំផ្សព្វផ្សាយស្តីពី ចូលរួមលើកកម្ពស់បរិយាបន្នក្នុងគ្រឹះស្ថាន ដល់ប្អូនៗសិស្សានិសិស្សនិងយុវជនកាកបាទក្រហកម្ពុជា វិទ្យាល័យហ៊ុនសែនប្រាសាទបាគង


ខេត្តសៀមរាប ÷ នៅរសៀលថ្ងៃទី ២១ ខែមីនា ឆ្នាំ ២០២៣នេះសាខាកាកបាទក្រហមកម្ពុជាខេត្តសៀមរាបបានធ្វើការចុះអប់រំផ្សព្វផ្សាយដែលស្តីពីការលើកកម្ពស់បរិយាបន្នក្នុងគ្រឹះស្ថានសិក្សានិងផ្សព្វផ្សាយបន្ត ការងារ បញ្រ្ជាបសុវត្ថិភាពចរាចរណ៍ដល់ប្អូនសិស្សានិសិស្សនិងយុវជនកាកបាទក្រហមកម្ពុជានៃ វិទ្យាល័យហ៊ុនសែនប្រាសាទបាគង ដែលស្ថិតនៅក្នុងស្រុកប្រាសាទបាគងខេត្តសៀមរាបប្រមាណជាង៥០នាក់ដោយ ក្នុងនោះក៏មានសិស្សស្រីដែលពិការភាពចំនួន២នាក់ ចូលរួមផងដែរ ។

លោកស្រី សំ សាវ៉ាង មន្រ្តីទទួលបន្ទុកការងារយុវជន នៃសាខាកាកបាទក្រហមខេត្ត ដែលជាអ្នកសម្របសម្រួលក្នុងវគ្គអប់រំផ្សព្វផ្សាយ បានមានប្រសាសន៍ថាការចុះអប់រំផ្សព្វផ្សាយស្តីពីចូលរួមលើកកម្ពស់បរិយាបន្នក្នុងគ្រឹះស្ថានសិក្សា និងផ្សព្វផ្សាយបន្តការងារបញ្រ្ជាបសុវត្ថិភាពចរាចរណ៍ដល់ប្អូនសិស្សានិសិស្សនិងយុវជនកាកបាទក្រហកម្ពុជានាពេលនេះគឺក្នុងគោលបំណងដើម្បីលើកកម្ពស់សិទ្ធិជនពិការចូលរួមក្នុងការងារសង្គម យល់ពីគោលគំនិតជាមូលដ្ឋាននៃពិការភាព និងការធ្វើបរិយាបន្ន របៀបទំនាក់ទំនងជាមួយជនមានពិការភាព ដែលមានប្រភេទផ្សេងៗគ្នា ។ លោកស្រី សំ សាវ៉ាង បានមានប្រសាសន៍បន្ថែមទៀតថា បន្ទាប់ពីប្អូនសិស្សានិសិស្សនិងយុវជនកាកបាទក្រហកម្ពុជាបានចេះនិងយល់ដឹងហើយគឺប្អូនៗ បានសហការផ្សព្វផ្សាយបន្តដល់ប្អូនៗសិស្សា នុសិស្សដែលជាមិត្តរួមសាលា និងបងប្អូនៗនៅក្នុងសហគមន៍អោយយល់ដឹងកាន់តែច្បាស់បន្ថែមទៀត។

ឆ្លៀតក្នុងឱកាសនោះដែរ លោកនាយកវិទ្យាល័យហ៊ុនសែនប្រាសាទបាគងក៏បានមានប្រសាសន៍ថ្លែងអំណរគុណដល់សាខាកាកបាទក្រហមកម្ពុជាខេត្តដែលបានផ្តល់ការផ្សព្វផ្សាយនេះហើយការងារ បរិយាបន្នពិការភាពក៏មានផែនការសកម្មភាពពីក្រសួងអប់រំ យុវជន និងកីឡា ក្នុងការផ្សព្វផ្សាយឱ្យបានទូលំទូលាយដល់សិស្សានុសិស្សក្នុងគ្រឹះស្ថានសិក្សាក៏ដូចជាសហគមន៍ ។ លោកនាយកក៏បានមានប្រសាសន៍ណែនាំនិងលើកឡើងពីការងារសុវត្ថិភាពចរាចរណ៍ដោយបានផ្តាំផ្ញើរដល់ប្អូនៗសិស្សានុសិស្សទាំងអស់ត្រូវ មានការប្រុងប្រយ័ត្នពេលធ្វើដំណើរត្រូវពាក់មួកសុវត្ថិភាពឱ្យបានត្រឹមត្រូវទាំងអ្នកបើកបរ និងអ្នករួមដំណើរ ។

លោក នាយក ក៏បានកោតសរសើរ ដល់ ប្អូន ៗ សិស្សានុសិស្ស និង ជាយុវជនកាកបាទក្រហមដែលខិតខំរៀនសូត្រក្រេបជពា្ជក់យកចំណេះដឹងនាពេលនេះសូមទៅផ្សព្វផ្សាយបន្តដល់មិត្តភក្តិនៅក្នុងសាលា និងប្រជាពលរដ្ឋយើងតាមសហគមន៍ផងដែរ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.