ខេត្តសៀមរាប ÷ នៅវេលាម៉ោង ២១ និង ៤៥ នាទី រាត្រី ថ្ងៃទី១២ ខែមិនា ឆ្នាំ២០២៣ ស្ថិតនៅមុខព្រះអង្គចេក ព្រះអង្គចម ក្នុងភូមិមណ្ឌល១ សង្កាត់ស្វាយដង្គំ ក្រុងខេត្តសៀមរាប មានករណីអគ្គីភ័យមួយកើតឡើងនៅព្រះរាជដំណាក់តូច ។
តាមការបញ្ជាក់របស់សមត្ថកិច្ចជំនាញបានឲ្យដឹងថា ដើមី្បរៀបចំជួសជុលព្រះរាជដំណាក់ ក្រុមជាងបាន មកធ្វើការជួសជុលទាំងថ្ងៃ ទាំងយប់ តែដោយមានការធ្វេសប្រហែសរបស់ជាងដែលធ្វើឲ្យខុសបច្ចេក ទេស ។
ក្នុងការជួយសង្រ្គោះពន្លត់ភ្លើងដែលកំពុងឆាបឆេះ កម្លាំងសមត្ថកិច្ចបានមមាញឹកញាប់ដៃញាប់ជើងក្នុងការជួយអន្តរាគមន៍ ពន្លត់បានទាន់ពេល។ ប្រភពពីសមត្ថកិច្ចក៏បានឲ្យដឹងទៀតថា ក្នុងហេតុការណ៍នេះ មុនពេលកើតហេតុពួកគាត់កំពុងដើរល្បាត បានក្រឡេកឃើញ អណ្តាតភ្លើងឆាបឆេះចេញពីព្រះរាជដំណាក់តូច មានហុយផ្សែងខ្មួលខ្មាញ់ពេលលើដំបូល ហើយបានធ្វើការទំនាក់ទំនងទៅកាន់រថយន្តពន្លត់អគ្គីភ័យ របស់ស្នងការនគរបាលខេត្ត មកជួយអន្តរាគមន៍ពន្លត់ ក្នុងការជួយអន្តរាគមន៍ពន្លត់អគ្គីភ័យនេះ ក៏មានរថយន្តពន្លត់អគ្គីភ័យរបស់ស្នងការនគរ បាលខេត្ត ,កងរាជអាវុធហត្ថខេត្ត , អាជ្ញាធរជាតិអប្សរា និងរថយន្តពន្លត់អគ្គីភ័យ របស់ព្រលានយន្ត ហោះខេត្តសៀមរាប ជាច្រើនគ្រឿងផងដែរ។ ក្នុងការពន្លត់អគ្គីភ័យនេះបានរលត់ទៅវិញទាំងស្រុងហើយ ម៉ោងប្រមាណជាង ១២យប់នាថ្ងៃដដែល ។
យោងតាមសេចក្តីប្រកាសព័ត៌មានរបស់ក្រសួងព្រះបរមរាជវាំងនាព្រឹកថ្ងៃទី១៣ ខែមីនា ឆ្នាំ២០២៣ ចំពោះមូលហេតុអគ្គីភ័យនេះគឺបណ្តាលមកពីឆ្លងចរន្តអគ្គិសនី (ទុស្សេខ្សែភ្លើង)៕
ដោយ ÷ ពន្លឺ
