ព័ត៌មាន​ទាន់ហេតុការណ៍
ឯកឧត្តមឧបនាយករដ្ឋមន្ត្រី សាយ សំអាល់ ចាត់ទុកធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុដ៏ទៃទៀត ជាដៃគូរយុទ្ធសាស្រ្តដ៏សំខាន់មួយ ក្នុងការទ្រទ្រង់ឧស្សាហកម្មហិរញ្ញវត្ថុ - ក្រសួងរៀបចំដែនដី នគរូបនីយកម្ម និងសំណង់ បានអញ្ជើញភាគីពាក់ព័ន្ធ ដើម្បីពិនិត្យ និងពិគ្រោះយោបល់លើការងារគ្រប់គ្រង និងប្រើប្រាស់ដី ស្ថិតនៅក្នុងភូមិឆ្វាំង ឃុំសំអាង - ដីឡូតិ៍លំនៅឋានត្រូវបានប្រគលជូនកងទ័ព នគរបាលជាតិដែលឈរជើងតាមព្រំដែនកម្ពុជា-វៀតណាម និងអតីតកងកម្លាំងប្រដាប់អាវុធ - វិញ្ញាបនបត្រសម្គាល់ម្ចាស់អចលនវត្ថុចំនួន ២៥៩បណ្ណ ជូនបងប្អូនប្រជាពលរដ្ឋស្ថិតនៅភូមិរណែង ឃុំស្រែឈូក ស្រុកកែវសីមា ខេត្តមណ្ឌលគិរី - លោក សាយ សំអាល់ ៖ កីឡាឡើងភ្នំបាននិងកំពុងទាក់ទាញចំណាប់អារម្មណ៍ខ្លាំងពីសំណាក់ប្រជាជនកម្ពុជា - ពិធីប្រកាសចូលកាន់តំណែង ក្រុមប្រឹក្សាខេត្តសៀមរាប អាណត្តិទី៤ នៅសាលសន្និសិទ្ធ សណ្ឋាគារសុខាសៀមរាប - ប្រជាពលរដ្ឋដែលមានក្បាលដីឃុំកែវពណ៌ស្រុកពួកខេត្តសៀមរាបត្រូវបានការងារចុះបញ្ជីដីធ្លីខេត្តធ្វើការប្រកាសកំណត់តំបន់សម្រាប់ធ្វើការវិនិច្ឆ័យ និងការចុះបញ្ជីដីធ្លីដែលមានលក្ខណៈជាប្រព័ន្ធ! - ឧបនាយករដ្ឋមន្ត្រី សាយ សំអាល់ ៖ តបតាមប្រសាសន៍ដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី សមាជិកក្រុមប្រឹក្សាខេត្ត អាណត្តិថ្មី ដែលជាអង្គនីតិប្បញ្ញត្តិរបស់ថ្នាក់ក្រោមជាតិនៃខេត្តនៅតាមតំបន់ឆ្នេរ ត្រូវជំរុញដំណើរការអភិវឌ្ឍតាមបែបប្រជាធិបតេយ្យថ្នាក់ក្រោមជាតិ - មន្ទីររៀបចំដែនដីនគរូបនីយកម្មនិងសំណង់ខេត្តសៀមរាបអំពាវនាវឱ្យប្រជាពលរដ្ឋដែលជាម្ចាស់ក្បាលដី ក្នុងឃុំកណ្តែក ស្រុកប្រាសាទបាគងអញ្ជើញមកពិនិត្យនិងផ្ទៀងផ្ទាត់ទិន្នន័យក្បាលដី! - គណៈអចិន្រ្តៃយ៍នៃគណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) បានរៀបចំកិច្ចប្រជុំរបស់ខ្លួន ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក
0

និស្សិត​សាកល​វិទ្យាល័យ​ឥន្ទ្រ​វិជ្ជា​ទទួល​បាន​ការ​អប់រំ​សីលធម៌​និង​សមាធិតាម​លំអាន​ព្រះ​ពុទ្ឋ​សាសនា​នៅ​វត្ត​អង្គរ​ខាង​ជើង


ខេត្តសៀមរាប ÷នៅរសៀលថ្ងៃទី៦ខែមីនាឆ្នាំ២០២៣ ឯកឧត្តមបណ្ឌិត ឡាច សំរោង សាកលវិទ្យាធិការនៃសាកលវិទ្យាល័យឥន្ទ្រវិជ្ជាបានដឹកនាំនិស្សិតជាង ២០០នាក់នៃសាកលវិទ្យាល័យឥន្ទ្រវិជ្ជាសាខាខេត្តសៀមរាប និងព្រះភិក្ខុបណ្ឌិត តាត មហាទី សាកលវិទ្យាធិការរងសាកលវិទ្យាល័យឥន្ទ្រវិជ្ជានិងជានាយកសាខាសាកលវិទ្យាល័យ ឥន្ទ្រវិជ្ជាខេត្តសៀមរាប បានផ្តួចផ្តើមដឹកនាំរៀបចំកម្មវិធីនាំនិស្សិតទៅថ្វាយបង្គំ បដិបត្តិព្រះធម៌ និងសមាធិទៅតាមលំអានព្រះពុទ្ឋសាសនានៅវត្តឥន្ទបត្តបុរីហៅវត្តអង្គរខាងជើងក្នុងសង្កាត់នគរធំក្រុងសៀមរាបខេត្តសៀមរាប ក្នុងគោលបំណងបណ្តុះសុជីវធម៌ គុណធម៌ ចរិយាធម៌ដល់ពួកគាត់ដើម្បីទទួលបាននូវសីលធម៌ល្អ ចរិយាសម្បត្តិថ្លៃថ្នូរសមជាកុលបុត្រខ្មែរនិង ដែលពួកគាត់ជាយុវជនជំនាន់ក្រោយជាទំពាំងស្នងឬស្សី និងជាសសរ ទ្រូងរបស់ប្រទេសជាតិនាពេលអនាគតផងនោះ។

ព្រះតេជគុណ តាត មហាទី  មានសង្ឃដីកាថា៖នេះជាលើកដំបូងដែលនិស្សិតនៃសាកលវិទ្យាល័យនេះបានចូលខ្លួនជាក្រុមមកទទួលការអប់រំបន្ថែមតាមរយៈការសមាទាននិច្ចសីល សូត្រធម៌ និងហាត់សមាធិរយៈពេលខ្លី ស្របទៅតាមគោលការណ៍របស់សាកលវិទ្យាល័យគឺបណ្តុះទឹកចិត្តពួកគាត់ឱ្យស្រឡាញ់និងប្រព្រឹត្តិតែអំពើល្អ រស់នៅក្នុងគុណធម៌ រស់នៅដោយមានសុជីវធម៌ជាមួយនឹងឥរិយាបទស្រគត់ស្រគំ និងរស់នៅដោយមានសីលធម៌សមរម្យដើម្បីជាកញ្ចក់ដ៏ល្អឆ្លុះទៅដល់សង្គមគ្រួសារនិងសង្គមជាតិរបស់យើង។ បន្ថែមពីនេះក៏ជាចំណែកមួយជួយផ្តល់ចំណេះដឹង បណ្តុះនូវសង្គហធម៌ ស្គាល់ពីបុណ្យបាប គុណទោស ចេះគោរពប្រតិបត្តិថ្នាក់ដឹកនាំ ម្តាយឪពុក ចាស់ព្រឹទ្ឋាចារ្យ លោកគ្រូអ្នកគ្រូ ផងទាំងពួងទៀតផង។

ឯកឧត្តម បណ្ឌិត ឡាច សំរោង សាកលវិទ្យាធិការនៃសាកលវិទ្យាល័យឥន្ទ្រវិជ្ជា មានប្រសាសន៍ថា៖បុព្វបុរសនិងប្រជាពលរដ្ឋខ្មែរគ្រប់ៗជំនាន់គឺតែងតែប្រកាន់យកនូវជំហរកត្តញ្ញូ កត្តវេទីតាធម៌ តែងតែធ្វើការតបគុណ ដឹងគុណទៅដល់អ្នកដែលធ្លាប់បានធ្វើគុណមកលើខ្លួន ហេតុនេះក្នុងនាមយើងជានិស្សិត ជាធនធានមនុស្សដ៏មានសក្តានុពលដើម្បីជួយជ្រោម ជ្រែងប្រទេសជាតិឱ្យកាន់តែរីកចម្រើនលូតលាស់ទៅមុខថែមទៀត កុំភ្លេចថាខ្លួនយើងជាខ្មែរ ទោះទៅទីណាក៏ដោយត្រូវរក្សាឱ្យបានអត្តសញ្ញាណ ប្រពៃណីវប្បធម៌ ទំនៀមទំលាប់ជាតិខ្មែរត្រូវយកគំរូតាមលំអានបុព្វបុរសយើង និងរក្សាជំហរតាមពាក្យស្លោកថា៖ផឹកទឹកត្រូវនឹកដល់ប្រភព ជ្រកម្លប់ត្រូវនឹកដល់អ្នកដាំ ជារួមគឺត្រូវចេះដឹងគុណ គោរពតបគុណ ចំពោះថ្នាក់ដឹកនាំប្រទេសជាតិ គ្រូបាអាចារ្យ មាតាបិតា លោកគ្រូអ្នកគ្រូ គោរពឱនលំទោនជាមួយព្រះសង្ឃ ចាស់ព្រឹទ្ឋាចារ្យ និងចេះស្គាល់បុណ្យស្គាល់បាប ស្គាល់ល្អស្គាល់អាក្រក់នោះទើបសមជាកូនខ្មែរដែលធ្លាប់មានវប្បធម៌និងអរិយធម៌រុងរឿងជាអ្នកកសាងអង្គរដ៏ល្បីល្បាញ។

ឯកឧត្តម ឡាច សំរោង បញ្ជាក់ថា៖នាពេលខាងមុខ សាកលវិទ្យាល័យឥន្ទ្រវិជ្ជានឹងចងសម្ព័ន្ឋមេត្រីភាពជាមួយខេមបូឌាថោននៅរដ្ឋម៉ាស្សាឈូហ្សេតសហរដ្ឋអាមេរិក ដើម្បីចែករំលែកចំណេះដឹង អប់រំផ្នែកសាសនានិងវប្បធម៌ហើយនឹងផ្តល់អាទិភាពដល់និស្សិតដែលមាននិទ្ទេសសិក្សាខ្ពស់ ដើម្បីទៅទស្សនកិច្ចសិក្សាជាមួយកូនខ្មែរនៅទីនោះ។

អនិជនខ្មែរទៅរស់នៅអាមេរិកជាង៣០ឆ្នាំ លោកស្រី ផល្លីពង្សលក្ខិណា សាធុកា ប្រធានក្រុងខ្មែរឡូវេស (ខេមបូឌាថោន) រដ្ឋម៉ាស្សាឈូហ្សែត សហរដ្ឋ អាមេរិក បានចែករំលែកបទពិសោធនិងការលំបាកជាច្រើនទម្រាំជោគជ័យនិងក្លាយខ្លួនជាស្ត្រីដឹកនាំកូនខ្មែរដែលរស់នៅទីនោះ។ លោកស្រីគាត់បានទៅរស់នៅអាមេរិកតាំងពីអាយុ៧ឆ្នាំ ប៉ុន្តែការនិយាយគឺនៅរក្សាសូរសៀងខ្មែរច្បាស់និងនៅតែរក្សាអត្តសញ្ញាជាតិខ្មែរ ទាំងភាសា អក្សរ សម្លៀកបំពាក់  វប្បធម៌ប្រពៃណីទំនៀមទំលាប់ ជារួមអ្វីដែលជារបស់ខ្មែរគឺនៅដក់ជាប់ក្នុងចិត្តគ្រប់វេលាព្រោះដោយសារមានដើមកំណើតជាខ្មែរ ។ លោកស្រីបញ្ជាក់ថា៖បុព្វបុរសខ្មែរមានឬស គល់ មានព្រលឹង និងអត្តសញ្ញាណច្បាស់លាស់ណាស់តាមរយៈសាសនាសិល្បៈ វប្បធម៌ ប្រពៃណីទំនៀមទំលាប់ សុទ្ឋតែជាដួងព្រលឹងដ៏ពិសិដ្ឋរបស់ខ្មែរ ជាពិសេសភាសា និងអក្សរសាស្ត្រខ្មែរជាអត្តសញ្ញាណជាតិមួយដ៏សំខាន់ ដែលបុព្វបុរសដូនតាខ្មែរបានខិតខំបង្កើតឡើងទុកឱ្យកូនខ្មែរគ្រប់ៗជំនាន់។ កត្តាដែលនាំឱ្យយើងទទួលបានជោគជ័យនិងសម្រេចបានកិច្ចការធំៗ គឺការតាំងចិត្ត អំណត់ តស៊ូព្យាយាម និងមិនបោះបង់គោលដៅ ដោយឈរលើព្រហ្មវិហារធម៌ទាំង៤ មេត្តា ករុណា មុទិតា និងឧបេក្ខា៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, វប្បធម៌

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.