ខេត្តសៀមរាប ÷ សាកលវិទ្យាល័យអង្គរដែលមានទីតាំងស្ថិតនៅបុរីសៀងណាំក្នុង ភូមិខ្នារ សង្កាត់ជ្រាវ ក្រុង-ខេត្តសៀមរាប បានរៀបចំកម្មវិធីជួបជុំសិស្សានុ សិស្សប្រមាណជាង៣.០០០នាក់ ពីបណ្តាវិទ្យាល័យនានាក្នុងខេត្តសៀមរាបជាលើកទី២ដោយមានរយៈពេល៦ថ្ងៃគឺចាប់ពីថ្ងៃទី២០ដល់ថ្ងៃទី២៥ខែកុម្ភៈឆ្នាំ២០២៣ ជាមួយនិងការតាំងពិព័រណ៍សិក្សាសៀវ ភៅអាន ការធ្វើបទបង្ហាញអំពីកម្មវិធីសិក្សា និងស្នាដៃស្រាវជ្រាវរបស់និស្សិតដែលសិក្សានៅក្នុង មហាវិទ្យា ល័យទាំង០៧របស់វិទ្យាល័យអង្គរផងដែរ។
ទិវាសាកលវិទ្យាល័យអង្គរ លើកទី២នេះគឺ ផ្តោតសំខាន់ទៅលើការចែករំលែកបទពិសោធន៍ ចំណេះដឹងនៃការសិក្សា ពាក់ព័ន្ឋទៅនិងមុខវិជ្ជាឬមុខជំនាញនានារវាងនិស្សិតដែលកំពុងសិក្សានៅសាកលវិទ្យា ល័យអង្គរ ជូនទៅដល់សិស្សានុសិស្សដែលកំពុងសិក្សានៅតាមវិទ្យាល័យ។
កម្មវិធីទិវាសកលវិទ្យាល័យបានយកមកបង្ហាញនូវមុខវិជ្ជាដែលកំពុងបណ្តុះបណ្តាលដល់និស្សិត និងភ្ជាប់ជាមួយវេទិកាវិទ្យាសាស្ត្រ សេដ្ឋកិច្ ចនិងទំនាក់ទំនងអន្តរជាតិផងដែរ ដើម្បីធ្វើឱ្យកម្មវិធីនៃទិវាកាន់តែអធិកអធមថែមទៀតក្នុងន័យជំរុញលើកទឹកចិត្តដល់សិស្សនៅវិទ្យាល័យឱ្យយកចិត្តទុកដាក់ក្នុងការសិក្សាស្រាវជ្រាវ ស្រឡាញ់ការអាន ការនិពន្ឋជាដើម ។
លោក ញ៉ិល រដ្ឋា សកលវិទ្យាធិការ បានរៀបរាប់ថា៖ទិវាសាកលវិទ្យាល័យអង្គរ លើកទី២រៀបចំឡើងបន្ទាប់ពីបានធ្វើជាលើកដំបូងនៅឆ្នាំ២០២២ ឆ្នាំនេះសាកលវិទ្យាល័យបានបន្ថែមប្រធានបទថ្មីមួយទៀតហៅថា ទាសករនិពន្ឋ ដែលជាប្រធានបទមួយជួយជំរុញលើកទឹកចិត្តដល់អ្នកសិក្សាស្រាវជ្រាវឱ្យមានផ្នត់គំនិតកំណត់គោលដៅជីវិតច្បាស់លាស់ ចៀសវាងនូវភាពប្រមាថលើការសិក្សាឬចុះចាញ់ត្រឹមតែពាក្យសំដីឬឥរិយាបទអវិជ្ជមានរបស់អ្នកដ៏ទៃមកលើខ្លួនយើង។ ទិវានេះបានបង្កប់និងចែករំលែកនូវចំណេះដឹង បទពិសោធ និងជាមេរៀនដើម្បីជាទុនក្នុងបំណិនជីវិតរបស់ប្អូនៗសិស្សានុសិស្សនិងសម្រាប់ជាត្រីវិស័យក្នុងការជ្រើសរើសមុខវិជ្ជាដែលខ្លួនពេញចិត្តដើម្បីបន្តការសិក្សានៅឧត្តមសិក្សាផ្សេងៗឱ្យស្របទៅនិងយុគសម័យឌីជីថល។
សូមបញ្ជាក់ថា៖សាកលវិទ្យាល័យអង្គរជាគ្រឹះស្ថានឧត្តមសិក្សាឯកជនធំមួយនៅក្នុងខេត្តសៀមរាបដែលបានបង្កើតឡើងដោយបានការទទូលស្គាល់ពីរាជរដ្ឋា ភិបាលនៅ ខែ កក្កដា ឆ្នាំ ២០០៤ រហូតមកដល់ ពេលនេះសាកលវិទ្យាល័យបានបំរើសេចក្តីត្រូវការរបស់និស្សិត និយោជក និង សាធារណ ជនទូទៅដែលចង់សិក្សាពង្រីកចំណេះដឹងឱ្យបានកាន់តែខ្ពស់។
សាកលវិទ្យាល័យ អង្គរគឺជាគ្រឹះស្ថានសិក្សាដែលបានគិតគូអំពីគុណភាពសិក្សា និងសមត្ថភាពនិសិ្សតជាចម្បង និងត្រូវបានទទូលស្គាល់ ពីសំណាក់ស្ថាប័ននិងអង្គការនានាថាជាសាកលវិទ្យាល័យដែលបណ្តុះ បណ្តាល ធនធានមនុស្ស ប្រកបដោយគុណភាពពុទ្ធិ និងសីលធម៌ខ្ពស់។ សាកលវិទ្យាល័យនេះក៏បាន ត្រៀមជាស្រេចដើម្បីធ្វើការសាងសង់់ពង្រីក អគារបន្ថែមសម្រាប់បំពេញតម្រូវការរបស់សិស្សនិសិ្សត ។សាកលវិទ្យាល័យ អង្គរ មាន៧មហាវិទ្យាល័យដូចជា ÷ មហាវិទ្យាល័យ សុខភាពសាធារណៈ មហាវិទ្យា ល័យ វិទ្យាសាស្ត្រ និងបច្ចេកវិទ្យា មហាវិទ្យាល័យ មនុស្សសាស្ត្រ និងភាសាបរទេស មហាវិទ្យាល័យ កសិកម្ម មហាវិទ្យាល័យ គ្រប់គ្រងពាណិជ្ជកម្ម និងទេសចរណ៍ មហាវិទ្យាល័យ សង្គមសាស្ត្រ និងនីតិសាស្ត្រ និងមហាវិទ្យាល័យវិស្វកម្មនិងស្ថាបត្យកម្ម ។ មហាវិទ្យាល័យទាំងនេះបាននឹងកំពុងបណ្តុះបណ្តាលដល់និស្សិតលើ១១ជំនាញ។
លោក ញ៉ិល រដ្ឋា បានឱ្យដឹងដែរថា ៖ សាកលវិទ្យា ល័យបានសហប្រតិបត្តិការយ៉ាងជិតស្និទ្ធជាមួយស្ថាប័នជាតិ និងអន្តរជាតិទាំងស្ថាប័នរដ្ឋ និងឯកជន ដើម្បីធានាឱ្យបាននូវការបណ្តុះបណ្តាលស្របតាមស្តង់ដារជាតិនិង ស្តង់ដារតំបន់។ គ្រប់គ្រងការបណ្តុះបណ្តាល ស្របតាមបទដ្ឋានផ្សេងៗ របស់ក្រសួងអប់រំ យុវជន និង កីឡា និងគណៈកម្មាធិការទទួលស្គាល់គុណភាពអប់រំ នៃកម្ពុជា ដែលនេះជាគោលដៅធានា ឱ្យបាននូវគុណភាពនៃការបណ្តុះបណ្តាលនិស្សិតបានបញ្ចប់ការសិក្សាពី សាកលវិទ្យាល័យអង្គរ មានសមត្ថភាព គុណភាព ប្រកបដោយគតិបណ្ឌិតខ្ពស់ រួមចំណែកក្នុងការអភិវឌ្ឍន៍សង្គមជាតិ ជាពិសេសធ្វើការ ងារប្រកបដោយសមត្ថភាពចំណេះដឹងវិជ្ជាជីវៈខ្ពស់៕
ដោយ ÷ ពន្លឺ
