ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

សមាគមចលនាយុវជនកម្ពុជាក្រុម១៥៧ ផ្តល់អំណោយដល់ក្រុមដឹកជញ្ជូន កងពលធំអន្តរាគមន៍លេខ២


ខេត្តសៀមរាប ÷ អំណោយមាន មី ,ទឹកត្រី ទឹកស៊ីអ៉ីវ ,សាច់ក្រក ,ទឹកសុទ្ធ និង ភេសជ្ជះមួយចំនួន របស់សមាគមចលនាយុវជនកម្ពុជា(ក្រុម១៥៧) ដឹកនាំដោយលោក ហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប និង អស់លោក លោកស្រីជាអនុប្រធាន ,លេខាធិការ និងសមាជិកសមាជិកា បាននាំយក ទៅប្រគល់ជូនដល់ កងដឹកជញ្ជូន របស់កងវរះសេនាតូច វិស្វកម្ម ចំណុះកងពលធំអន្តរាគមន៍លេខ២ ដែលមានភារៈកិច្ចជួយ ដឹកជញ្ជូនសម្ភារៈ បងប្អូនប្រជាពលរដ្ឋដែលស្ម័គ្រចិត្តផ្លាស់ប្តូរទីលំនៅដ្ឋាន ទៅរស់នៅតំបន់អភិវឌ្ឍន៍ភូមិធម្មជាតិរុនតាឯក និងតំបន់អភិវឌ្ឍន៍ពាក់ស្នែង។

ពិធីប្រគល់អំណោយនេះក្រោមវត្តមានរបស់ឯកឧត្តម ម៉ៅ ដារិន សមាជិកក្រុមប្រឹក្សាខេត្ត តំណាងឯកឧត្តម អ៊ាន ឃុន ប្រធានក្រុម ប្រឹក្សាខេត្តសៀមរាប និង លោកឧត្តមសេនីយ៍ទោ សុខ ធារ៉ា មេបញ្ជាការរង កងពលធំអន្តរាគមន៍លេខ២ កាល ពីរសៀលថ្ងៃទី ១៦ ខែ កុម្ភះ ឆ្នាំ២០២៣ នៅទីបញ្ជាការវរះសេនាតូច វិស្វកម្ម ។

តាមការបញ្ជាក់របស់កងដឹកជញ្ជូនរបស់វរះសេនាតូចវិស្វកម្ម បានឲ្យដឹងថា ក្រោយទទួលបាននូវបទបញ្ជារបស់ប្រមុខរាជរដ្ឋាភិបាល និងបទបញ្ជារបស់មេបញ្ជាការកងពលធំអន្តរាគមន៍លេខ២ ក្នុងការរៀបចំតំបន់រមណីយដ្ឋានអង្គរឲ្យមានស្ថានភាពស្រស់ត្រកាលប្រកបដោយពណ៌បៃតង និងមានបរិស្ថានអនាម័យល្អ ក្នុងការអនុវត្តទៅតាមការកំណត់របស់អង្គការយូនីស្កូ ដើមី្បថែរក្សាសោភណ្ឌភាពប្រាង្គប្រាសាទ និងទីបូរាណដ្ឋាន ហើយដែលបានស្ម័គ្រចិត្តរុះរើផ្ទះនៅក្នុងតំបន់រមណីយដ្ឋានអង្គរ និងបានចាប់ឆ្នោតយកក្បាលដីឡូតិ៍នៅភូមិធម្មជាតិរុនតាឯក ស្រុកបន្ទាយស្រី និងតំបន់អភិវឌ្ឍពាក់ស្នែង ស្រុកអង្គរធំ ដើម្បីឲ្យអាជ្ញាធរជាតិអប្សរា រៀបចំតំបន់រមណីយដ្ឋានអង្គរឲ្យកាន់ តែមានភាពទាក់ទាញឡើង ។ លោកបានបញ្ជាក់ថា កងដឹកជញ្ជូនរបស់កងពលធំអន្តរាគមន៍លេខ២ មានកម្លាំងចូលរួម ១០៤នាក់ ប្រើប្រាស់រថយន្ត ១៦គ្រឿង និង បានដឹកជញ្ជូនលំនៅដ្ឋានបងប្អូនប្រជាពលរដ្ឋ បាន ៤១៤ខ្នងផ្ទះ ស្នើ ៤៨៥ដីឡូត៌ មាន ៥២៩ជើង ដែលមានប្រជាពលរដ្ឋ ១ពាន់៨៩៥នាក់ ដែលបានដំណើរការដឹកជញ្ជូនចាប់ពីថ្ងៃទី ១៥ ធ្នូ ឆ្នាំ២០២២ មកដល់ថ្ងៃនេះ ។

មានប្រសាសន៍នោះដែរលោក ហ៊ុន ប៉ូគា ប្រធានសមាគមចលនាយុវជនកម្ពុជា(ក្រុម១៥៧) សាខាខេត្តសៀមរាប បានធ្វើការកោតសរសើរចំពោះ វីរៈភាពរបស់កងកម្លាំងខេមរភូមិន្ទ មានភាពអត់ធ្មត់មិន ថា នៅក្រោមកំដៅថ្ងៃ ឬភ្លៀង បានធ្វើការយ៉ាងមុះមុត ទៅតាមបទបញ្ជារបស់រាជរដ្ឋាភិបាល ក្នុងការចុះជួយធ្វើការលើកដាក់ដឹកជញ្ជូនសម្ភារៈ ផ្ទះសម្បែងរបស់បងប្អូនប្រជាពលរដ្ឋស្ម័ត្រចិត្តរុះរើសំណង់របស់ខ្លួន ចាកចេញពីតំបន់រមណីយដ្ឋានអង្គរ ទៅតាំងលំនៅដ្ឋានថ្មីស្ថិតនៅតំបន់អភិវឌ្ឍន៍រុនតាឯក ស្រុកបន្ទាយស្រី និងតំបន់អភិវឌ្ឍន៍ពាក់ស្នែងស្រុកអង្គរធំ ។ លោកបានបន្តថា ដើមី្បចូលរួមជាមួយរាជរដ្ឋាភិបាលកម្ពុជា និងការលើកទឹកចិត្តដល់បងប្អូនកងកម្លាំង របស់កងពលធំអន្តរាគមន៍លេខ២ សមាគមចលនាយុវជនកម្ពុជា ក្រុម១៥៧ សាខាខេត្តសៀមរាប បាននាំយកអំណោយ ជាគ្រឿងឧបភោគបរិភោគ ក្នុងការដោះស្រាយនូវការខ្វះខាតរបស់បងប្អូន ។ លោកក៏បានធ្វើការថ្លែងអំណរគុណ ដល់រាជរដ្ឋាភិបាល និង កងកម្លាំងខេមរភូមិន្ទ ដែលបានយកចិត្តទុកដាក់ខ្ពស់ ជួយសម្រាលនូវទុក្ខលំបាករបស់ប្រជាពលរដ្ឋ និងបង្កភាពងាយស្រួលដល់បងប្អូនក្នុងពេលធ្វើការផ្តាស់ប្តូរទីតាំងនេះ។ ម៉្យាងទៀតសមាគមចលនាយុវជនកម្ពុជា ក្រុម១៥៧ សាខាខេត្តសៀមរាប ក៏នៅតែបន្តធ្វើសកម្មភាពមនុស្សធម៌ នៅគ្រប់មូលដ្ឋាន ដែលជួបការលំបាក និងខ្វះខាត ។

ក្នុងនោះដែរឯកឧត្តម ម៉ៅ ដារិន សមាជិកក្រុមប្រឹក្សាខេត្ត ក្នុងនាមរដ្ឋបាលខេត្តសៀមរាប បានថ្លែងអំណរគុណ ចំពោះយោធភូមិភាគទី៤ និង សមាគមចលនាយុវជនកម្ពុជា ក្រុម១៥៧ សាខាខេត្តសៀមរាប ដែលតែងតែធ្វើការសហការជាមួយរដ្ឋបាលខេត្ត ក្នុងវិស័យសង្គមកិច្ច សេដ្ឋកិច្ច និងមនុស្សធម៌ ។ ឯកឧត្តមបានបន្តទៀតថា ចំពោះប្រជាពលរដ្ឋកាន់កាប់ដីធ្លី និងសំណង់ខុសច្បាប់ក្នុងតំបន់រមណីយដ្ឋានអង្គរ និង តំបន់ដទៃទៀត ស្ថិតក្រោមការគ្រប់គ្រងរបស់អាជ្ញាធរជាតិអប្សរា ដែលបានស្ម័គ្រចិត្តរុះរើចេញពីទីតាំងនោះ ដើម្បីមករស់នៅតំបន់ថ្មី បងប្អូននឹងបានទទួលដីកាន់កាប់ដោយស្របច្បាប់ នឹង ជួយធ្វើឲ្យប្រាសាទអង្គរវត្តមរតកដូនតាយើង មិនប្រឈមនឹងការដកចេញពីបញ្ជីសម្បត្តិបេតិកភណ្ឌពិភពលោក។ ម៉្យាងទៀតសកម្ម ភាពមនុស្សធម៌នេះ ជាប្រពៃណីដែលយើងមិនអាចខ្វះបាន ដែលសមាគមចលនាយុវជន កម្ពុជា (ក្រុម១៥៧)សាខាខេត្តសៀមរាប ដែលតែងតែជួយគ្រឿងឧបភោគបិភោគដល់កងទ័ព និងប្រជាពលរដ្ឋក្រីក្រពិតប្រាកដនៅក្នុងសង្គមជាតិ និងសូមឲ្យបន្តប្រពៃណីចែករំលែកនេះ ចូលជ្រៅទៅដល់មូលដ្ឋានដែលជួបការខ្វះខាតបន្តទៀតផងដែរ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.